Morgunblaðið - Sunnudagur - 08.09.2013, Blaðsíða 38

Hvert er þitt eftirlætistískutímabil og hvers vegna?
Ætli það sé ekki seinni hluti áttunda áratugarins og byrjun þess níunda. Þar sem lista-
menn á borð við David Bowie og Klaus Nomi brutu niður veggi í sambandi við hvað karl-
menn gátu klæðst og sköpunargleðin var gífurleg.
Hver er þín uppáhaldsárstíð og hvers vegna?
Ætli það sé ekki haustið, þegar maður getur byrjað að klæða sig í fleiri lög og litirnir
verða dýpri.
Hvar kaupir þú helst föt?
Ég versla helst í útlöndum, þá oft ekki á neinum ákveðnum stað heldur hef ég meira gam-
an að því að rölta um og detta inn í fallegar búðir.
Manstu eftir einhverjum tískuslysum sem þú tókst þátt í?
Ég man ekki eftir neinum svona beint, nema kannski árið sem ég bjó í Argentínu, það var
eiginlega bara eitt stórt tískuslys. En ég vil frekar taka áhættu í fatavali og gera einhvern
tímann mistök en að ganga alltaf í „plain“ fötum.
Hverju er mest af í fataskápnum?
Kósí peysum, þar sem það er aldrei almennilegt sumar hér á landi. Þannig að það er allt-
af hægt að klæða sig í kósí peysu, sama hvaða árstíð er.
Ætlar þú að fá þér eitthvað fyrir veturinn?
Ég var að koma frá Amsterdam og þaðan fylgdu mér ýmsar flíkur heim sem verða góðar
í vetur. Annars veit maður aldrei, það getur alltaf gerst að maður gangi framhjá einhverri
æðislegri flík á förnum vegi.
Hvernig myndir þú lýsa þínum fatastíl?
Myndi segja að ég hefði gaman af að klæða mig í falleg föt, veit ekki hvort ég get lýst
stílnum mínum betur en það, því það sem mér finnst fallegt getur leynst víða. En ég hef
gaman af að klæða mig í kynlaus föt.
Hverju myndirðu aldrei klæðast?
Pólóbolir hafa alltaf farið eitthvað öfugt í mig, veit samt ekki alveg hvers vegna, ekki það
að það er til fólk sem ber þá vel. En ég er til í að klæðast nánast
öllu sem mér finnst fallegt, hvort sem það er pils eða vel
sniðinn herrajakki.
Hvaða flík eða fylgihlut munt þú aldrei skilja við?
Þótt ég noti voða sjaldan bindi erfði ég silkibindi frá
afa sem ég held að muni fylgja mér ævilangt. Síðan
á ég líka ýmsar flíkur sem ég hef keypt á ferðalög-
um um heiminn sem virka á mig sem nokkurs
konar dagbækur.
Hvaða tískutímarit/blogg lestu?
Besta tískubloggið fyrir okkur strákana er fuck-
ingyoung.es, en annars er það stylebubble og í
tímaritum ID og ef ég get nálgast það elska ég
tímaritið Candy þar sem öll módelin eru trans-
gender.
Birkir mælir með tískublogginu fuckingyoung.es.
Birkir á mikið af
kósý peysum í
fataskápnum.
Klaus Nomi breytti ákveðnu viðhorfi gagnvart
herratísku.
Michael Halsband
Birkir Sveinbjörnsson
fatahönnunarnemi.
Morgunblaðið/Rósa Braga
BIRKIR FÍLAR HAUSTTÍSKUNA
Flíkur nokkurs
konar dagbækur
BIRKIR SVEINBJÖRNSSON HEFUR VAKIÐ ATHYGLI FYRIR ÁHUGAVERÐAN
STÍL. ÞESSI UNGI LISTAHÁSKÓLANEMI KÝS FREKAR AÐ TAKA ÁHÆTTU Í
FATAVALI EN KLÆÐAST EINGÖNGU LÁTLAUSUM FATNAÐI.
Sigurborg Selma sigurborg@mbl.is
Í tímaritinu Candy eru allar fyrirsæturnar klæðskiptingar.
*Föt og fylgihlutir Einfaldar línur koma sterkar inn í haust og vetur og litli svarti kjóllinn stendur fyrir sínu »40