Morgunblaðið - Sunnudagur - 08.09.2013, Blaðsíða 64

SUNNUDAGUR 8. SEPTEMBER 2013
Lögreglustjóri höfuðborgarsvæðisins Stefán Eiríksson keppir fyrir hönd Sel-
tjarnarness í spurningaþættinum Útsvari í vetur. Hann hefur áður tekið þátt í
keppninni en þá fyrir hönd Reykjavíkur. Stefán var í tvö ár í liði Reykjavíkur og
kom inn sem varamaður í undanúrslitum í vor en hefur nú skipt um lið.
„Félagaskiptaglugginn var opinn og ég er nýfluttur á Seltjarnarnes. Það er
dásamlegt að búa á Nesinu og ef ég get lagt lið með þessum hætti þá geri ég það
með glöðu geði,“ segir Stefán Eiríksson glettinn þegar Sunnudagsblað Morg-
unblaðsins spurði hann um málið. Liðsfélagar Stefáns í Útsvarsliði Seltjarn-
arness verða Saga Ómarsdóttir, viðskiptafræðingur og starfsmaður markaðs-
deildar Icelandair, og Karl Pétur Jónsson ráðgjafi. Seltjarnarnesið virðist með
eindæmum barnvænt bæjarfélag því samanlagt eiga liðsfélagar fjórtán börn.
Lið Seltjarnarness í Útsvari síðustu tvö ár hefur vakið athygli fyrir þá stað-
reynd að liðsmenn eru systkini, en þau Anna Kristín, Rebekka og Þorbjörn
Jónsbörn hafa nú rétt keflið áfram.
Stefán Eiríksson, lögreglustjóri og
fimm barna faðir.
LÖGREGLUSTJÓRINN KOMINN Í LIÐ SELTJARNARNESS Í ÚTSVARI
Útsvarssystkinin
rétta keflið áfram
Rebekka, Þorbjörn og Anna
Kristín Jónsbörn kveðja
áhorfendur RÚV eftir
ánægjulega samfylgd.
Morgunblaðið/Golli
Karl Pétur Jónsson, ráðgjafi og
fimm barna faðir.
Saga Ómarsdóttir, viðskiptafræð-
ingur og fjögurra barna móðir.
„Þetta er Atlas, tveggja ára hrein-
ræktaður labradorhundur,“ segir
Sigurður G. Guðjónsson lögfræð-
ingur. Sigurður fer alltaf út með
hundinn á morgnana í léttan göngu-
túr. „Ég ætlaði aldrei að eignast
hund, en dóttir mín ætlaði að fá sér
hund og gerði það. Svo endaði þetta
eins og svo oft; að foreldrarnir sitja
uppi með dýrið. Það er oft þannig
að börn fá sér hund en foreldrar
sitja uppi með hann,“ segir hann og
hlær.
Sigurði hefur blöskrað sóðaskap-
ur Reykvíkinga í gönguferðum sín-
um með Atlas og sett upp fésbók-
arsíðu sem heitir Rusl í Reykjavík
og fengið mikil viðbrögð. „Eftir því
sem göngutúrarnir lengdust jókst
ruslið. Ég er búinn að bera óhemj-
umagn af rusli heim og sorpmæling
mín frá heimili mínu er trúlega
töluvert meiri en neyslan.“
Verkefni þeirra Atlass hefur vak-
ið mikla athygli og segja má að Atl-
as sé orðinn varðhundur hreinnar
borgar. „Reykjavík er mjög sóðaleg
borg og við göngum mjög illa um
hana. Hér er bara öllu hent út um
bílgluggann. Reykjavík mætti þess
vegna kalla Ruslavík,“ segir Sig-
urður íbygginn á svip.
GÆLUDÝR VIKUNNAR
Gengið
um
Ruslavík
Atlas er orðinn andlit átaks Sigurðar um umgengni um Reykjavík.
Ljósmynd/Sandra Rún Sigurðardóttir
ÞRÍFARAR VIKUNNAR
Katy Perry söngkonaZooey Deschanel leikkonaRagnheiður Gröndal söngkona
Öruggur tölvupóstur
varinn með lykilorði
Verndun snjalltækja
og viðskiptagagna
Yfirsýn yfir snjalltæki
gegnum stjórnborð
Örugg samskipti bæta lífið
Eru snjalltæki þinna
starfsmanna örugg?
Upplýsingavernd Vodafone tryggir gögn
Viðskiptaupplýsingar eru verðmæti sem mikilvægt er
að halda utan um í rekstri fyrirtækja. Á sama tíma þurfa
starfsmenn að geta nýtt sér möguleika nútíma snjalltækja.
VSDM Upplýsingavernd Vodafone gerir þér kleift að
vernda gögn á snjalltækjum starfsmanna og stýra
notkun. Ef snjalltæki glatast er hægt eyða upplýsingum
úr tækinu.