Morgunblaðið - Sunnudagur - 08.09.2013, Blaðsíða 45

fannst við húsleitina. Eftirfarandi birtist í Dag-
blaðinu í maí 2010: „Almannatengillinn Gunnar
Steinn Pálsson hefur borgað Ólafi Arnarsyni, hag-
fræðingi og blaðamanni sem skrifar pistla á vefritið
Pressuna, fjögur hundruð þúsund krónur á mánuði
fyrir ráðgjafastörf síðustu misserin, samkvæmt
heimildum DV. Ekki liggur ljóst fyrir um hvers kon-
ar ráðgjafastörf Ólafur hefur unnið fyrir Gunnar
Stein.
Ólafur hefur orðið nokkuð þekktur hér á landi frá
bankahruninu fyrir pistla sína á Pressunni þar sem
hann tekur oft upp hanskann fyrir ýmsa þekkta auð-
menn, sérstaklega fyrrverandi stjórnendur Kaup-
þings og eigendur Exista. Gunnar Steinn, eða félag í
hans eigu sem heitir GSP samskipti, hefur unnið ná-
ið með eigendum Exista og fyrrverandi stjórnendum
Kaupþings, Hreiðari Má Sigurðssyni og Sigurði
Einarssyni, á liðnum árum.
Heimildir DV herma að Gunnar Steinn og félag
hans hafi í gegnum tíðina fengið háar greiðslur frá
Exista fyrir ýmiss konar þjónustu. Sömu heimildir
DV segja að hluti af þeim greiðslum sé til að standa
straum af launagreiðslum Gunnars Steins til Ólafs
Arnarsonar.“ Dagblaðið tók fram að Ólafur Arn-
arson vildi hvorki játa þessu né neita. Ekki drógu
þessar upplýsingar úr áhuga Egils H. á Ólafi.
Tveimur árum síðar var Dagblaðið enn á sömu
slóðum: „Brottför Hreiðars Más Sigurðssonar úr
landsdómi vakti talsverða athygli á fimmtudaginn.
Kaupþingsstjórinn hraðaði sér út úr Þjóðmenning-
arhúsinu með fréttamenn á hælunum og smeygði sér
upp í vígalegan svartan Land Rover. Undir stýri sat
Gunnar Steinn Pálsson almannatengill sem í gegnum
tíðina hefur unnið náið með stjórnendum og helstu
hluthöfum Kaupþings, meðal annars Bakkabræðr-
um. Tengsl Gunnars Steins við þessa klíku í íslensku
viðskiptalífi eru meðal annars þau að hann miðlaði
um 400 þúsund króna mánaðarlegum „ráðgjaf-
argreiðslum“ frá Exista til leigubloggarans Ólafs
Arnarsonar sem hefur verið tíður gestur við réttar-
höldin.“
Ekki það gagn sem að var stefnt
Það var virðingarverð viðleitni þegar stofnað var til
Rannsóknarnefndar Alþingis. Umgjörð hennar var
þó ekki gallalaus, eins og áður hefur verið bent á og
skipan hennar var fjarri því að standast almenn van-
hæfisskilyrði, að tveimur þriðju hlutum til, eins og
einnig hefur verið sýnt fram á. Skipun embættis Sér-
staks saksóknara var einnig óhjákvæmileg ráð-
stöfun, enda hefði rannsóknarnefndarstarfið verið
æði botnlaust ef slíkt framhald væri ekki til staðar.
Aðrar ráðstafanir fóru hins vegar hörmulega eins og
skipun í skilanefndir og síðar í slitastjórnir, því stór
hluti þeirra gerða ber með sér að stórtækustu ger-
endum á útrásarmarkaðnum eða umboðsmönnum
þeirra hefur tekist að hafa ótrúlega víðtæk áhrif á
skipun sumra þeirra. Afskriftir bankastofnana, bæði
hinna gömlu sem hinna nýju á fyrstu vikum og miss-
erum eftir „hrun“, eru sumar með miklum ólík-
indum. Fljótræðisverk Steingríms J. Sigfússonar við
að koma tveimur bönkum af þremur í fang vogunar-
sjóða með sérkennilegum aðferðum og án undanfar-
andi umræðu og skýrra heimilda hefur enn ekki ver-
ið rannsökuð, þrátt fyrir loforð núverandi
ríkisstjórnarflokka frá stjórnarandstöðutíma sínum,
um að það yrði gert. Engin skynsamleg skýring hef-
ur verið gefin á því hvers vegna lappirnar eru dregn-
ar í þeim efnum. Óþægilega margt bendir til þess, að
helstu spellvirkjarnir í íslensku efnahagslífi hafi
komist burt frá skaðaverkum sínum með illa fengið
fé sitt og bíði nú færis að leggja undir sig land og
efnahagslíf þess á ný. Og geti þá jafnvel fengið að
gera það að hluta með sérstökum verðlaunabónus í
gengi frá Seðlabanka Íslands sem gefur takmark-
aðar upplýsingar um hvernig hann gengur fram í
slíkum efnum, sem hefur því miður allan brag geð-
þóttaákvarðana. S.Í. hefur aldrei í sögu sinni ástund-
að annað eins pukur og óljósa stjórnsýslu í þeim efn-
um og í haftastýringu sinni, eins og hann gerir þessi
misserin.
Óþægilega margt bendir einnig til þess að árangur
embættis Sérstaks saksóknara verði lakari en vænst
var, ef undan er skilin aðförin að einum fyrrverandi
embættismanni, en sá málatilbúnaður allur hefur
sætt alvarlegum athugasemdum frá fræðimönnum á
sviði lögvísindanna. Á fyrstu dögunum eftir banka-
fallið varð því bjargað sem bjargað varð. En upp-
lausn stjórnmálanna mánuðina þar á eftir og hin
vanhæfa stjórn haturs og gamaldags miðstýring-
aráráttu, sem tók við vorið 2009, eru helstu ástæður
tapaðs tíma og tækifæra á Íslandi. Það tap var stórt
og virðist seint verða bætt.
Morgunblaðið/RAX
Snæfellsjökull að
komast í vetrarham.
8.9. 2013 MORGUNBLAÐIÐ SUNNUDAGUR 45