Morgunblaðið - Sunnudagur - 06.10.2013, Qupperneq 23

Fimleikakonan Íris Mist Magnúsdóttir er þekkt sem
ein fremsta fimleikakona landsins. Hún hefur náð
ótrúlega góðum árangri þrátt fyrir að vera eingöngu
26 ára gömul en hún byrjaði að æfa fimleika þegar
hún var 7 ára. Íris ákvað nýlega að hætta í fimleikum
eftir langan og farsælan feril en hún getur hins vegar
ekki sagt skilið við heilbrigðan lífsstíl.
Hversu oft æfðir þú á viku?
Ég æfði að meðaltali í 15-18 klukkutíma á viku á
meðan ég var á fullu í fimleikum, stundum meira,
stundum minna.
Hvernig æfir þú í dag?
Núna er ég að koma mér í gang eftir smá pásu, er
að æfa að meðaltali 5 sinnum í viku. Það eru samt
bara rúmlega klukkutíma æfingar í hvert skipti. Ég er
aðallega í ræktinni og í crossfit, svo fer ég í fim-
leikaþrek.
Henta slíkar æfingar fyrir alla?
Stífar fimleikaæfingar henta að sjálf-
sögðu ekki öllum en ef áhuginn er til stað-
ar og líkaminn leyfir hef ég trú á að allir
gert það sem þá langar til að gera.
Hvernig væri líf án æfinga?
Ég þekki bara ekki líf án æfinga, svo að
ég get bara ekki svarað þessari spurningu.
Ég byrjaði í fimleikum áður en ég byrjaði
að muna eftir sjálfri mér. Líf mitt hefur
einkennst að stórum hluta af fim-
leikasalnum og öllu tengdu því.
Hvernig er best fyrir nýliða að
koma sér af stað?
Það er í boði fimleikaþrek sem
kallast ,,fullorðinsfimleikar“ í flest-
um fimleikafélögum í dag þar sem
allir geta byrjað að æfa, hvort
sem þú hefur æft áður eða aldrei
prófað. Þar er allur aldur frá
unglingum upp í 50/60 ára. Svo
er að sjálfsögðu svo margt í boði
fyrir yngstu kynslóðina, hún á
aldrei í vandræðum með að koma
sér af stað.
Hver voru heimskulegustu
meiðslin á ferlinum?
Þegar ég var að fara að sýna 12
ára gömul. Var í upphitun að hoppa
á trampólíni að gera spíkathopp.
Datt fram fyrir mig og handleggs-
brotnaði.
Hver er lykillinn að góðum
árangri?
Að leggja sig allan fram við
verkefnið. Helga sig verkefninu
dag og nótt. Borða, sofa og hugsa í
samræmi við það. Í liðsíþrótt er
góður liðsandi, opin samskipti, samvinna og bar-
áttuandi er að mínu mati það mikilvægasta. Í mínu til-
felli var ég svo heppin að fá auk þess að æfa og keppa
með frábærum, hæfileikaríkum og skemmtilegum
stelpum. Þær voru allar svo góðar í fimleikum að við
höfðum nægan tíma til þess að vinna vel í smáhlut-
unum og aukaatriðunum.
Hvað ráðleggurðu fólki sem vill hreyfa sig meira?
Að finna einhverja hreyfingu sem því finnst
skemmtileg. Öll hreyfing er góð og að sjálfsögðu á
hreyfing ekki að vera leiðinleg athöfn. Fyrir utan fim-
leika finnst mér fjölbreytt hreyfing skemmtilegust.
Ekki að gera alltaf það sama og það er auðvitað mik-
ilvægt að muna að smá hreyfing er betri en ekki nein.
Hvað eru algeng mistök hjá fólki við æfingar?
Að fara of hratt af stað, hætta ekki þegar það finn-
ur til og fá þar að leiðandi álagsmeiðsli og setja
sér markmið sem erfitt er að standa við.
Ertu meðvituð um mataræðið?
Já, ég er mjög meðvituð um það þó að
ég fylgi ekki alltaf því sem ég ætti að
gera. Er algjör nammigrís og finnst ro-
oosalega gott að borða góðan mat.
Hvað borðarðu til að halda þér í
formi?
Ég borða nú ótrúlega einhæfan
mat, finn mér nokkrar teg-
undir af hollum mat sem mér
finnst bestur og borða
hann. Hafragrautur í
morgunmat, flatkaka
með hummus, serr-
ano, harðfiskur
og fleira eru
m.a. á þeim
matseðli.
Hvað ráð-
leggurðu
fólki sem
vill bæta
mataræðið?
Breyta hægt og
rólega um lífsstíl,
taka eitt og eitt út í
einu. Ekki taka ýkta
megrunarkúra. Þeir eru
óhollir og fólk endar á
að borða allt það sama aftur.
Sérstaklega á kolvetnis-
snauðum kúrum, þú nærir ekki
heilann og ert alltaf svangur,
ég mundi flytja á skyndibita-
staðina eftir svona kúr. Þó að ég
gæti reyndar aldrei fylgt honum
eftir til að byrja með.
KEMPA DAGSINS
Hætt í fimleikum
Mo
rg
un
bla
ðið
/G
oll
i
Íris Mist
fimleikadrottning
6.10. 2013 MORGUNBLAÐIÐ SUNNUDAGUR 23
Það er ekki eins einfalt og margir halda að setja sér markmið íheilsurækt. Margir eiga eflaust eftir að reka sig á þessa staðreyndá næstu dögum í tilefni átaksverkefninu Meistaramánuður sem
stendur nú yfir. Átakið stendur yfir í 30 daga og tilgangurinn er að fá
fólk til að setja sér uppbyggjandi markmið í þeirri von að þau nái að
festa sig í sessi til frambúðar. Markmiðin eru
af ýmsum toga en mörg þeirra snúast um
bætta heilsu og aukna hreyfingu.
„Markmið eru mjög árangursrík verkfæri en
til að þau virki sem best er gott að hafa nokkra
grundvallarpunkta í huga,“ segir Hreiðar Har-
aldsson, íþróttasálfræðinemi við háskólann í
Lundi í Svíþjóð, en hann hefur kynnt sér vel
markmiðasetningu í íþróttum.
Hann segir markmið eiga að vera sértæk
frekar en almenn. Einnig eru markmiðin ár-
angursríkari ef hægt er að mæla þau á ein-
hvern hátt. Gott dæmi um þetta er markmiðið
„Eftir 1 mánuð ætla ég að vera farinn að geta hlaupið x kílómetra á 40
mínútum á hlaupabrettinu“ er mun betra markmið heldur en „ég ætla
að vera kominn með betra úthald eftir 1 mánuð“.
Langtímamarkmið geta verið ansi fjarlæg í tíma og því er betra að
setja sér skammtímamarkmið sem hvetja mann á hverjum degi. Snið-
ugt er að hugsa skammtímamarkmið sem þrep í stiga þar sem lang-
tímamarkmið er efsta þrepið. Fókusinn dags daglega ætti að vera á
næsta þrepi, frekar en efsta þrepinu og því er mikilvægt að setja sér
markmið fyrir hverja einustu æfingu.
Það er mikilvægt að skrifa markmiðin sín niður og hengja þau þar
sem maður sér þau reglulega. Það að sjá markmiðin sín í hvert sinn sem
maður fer í ísskápinn hjálpar til við að minna mann á þau og eykur lík-
urnar á að maður nái settu marki. Loks verða markmið að vera raun-
hæf. Of háleit markmið geta haft slæm áhrif á einstaklinginn, brotið
hann niður og það hjálpar ekki í áttina að betra lífi.
Brjóttu langtímamarkmiðið niður í smærri einingar
sem koma þér á réttan áfangastað á tilsettum tíma
Langtímamarkmið
TímiMark-
mið
1
Mark-
mið
2
Mark-
mið
3
Mark-
mið
4
SETTU ÞÉR
MARKMIÐ
Heilbrigt líf
JÓN HEIÐAR
GUNNARSSON
Mikil kyrrseta getur skapað ýmis stoðkerfisvandamál. Þrátt fyrir það
neita margir að standa við vinnuna og því getur verið gott að skipta út
skrifstofustólnum fyrir æfingabolta. Með þeim hætti er hægt að sitja við
vinnuna ásamt því að æfa jafnvægið og kjarnavöðva á sama tíma.
3 flugur í einu höggi* „Hugsaðu vel um líkamaþinn því þetta er eini stað-urinn sem þú þarft að búa í.“
Jim Rohn.