Morgunblaðið - Sunnudagur - 06.10.2013, Blaðsíða 28

*Matur og drykkir Gréta Ingþórsdóttir býður upp á gómsætt ferskjusalat með halluomi-osti og spírum »32
H
elga býr á Svalbarðsströnd við Eyjafjörð, þar
sem villt náttúran með sitt nægtaborð er rétt í
seilingarfjarlægð. Enda er Helga dugleg að
nýta sér nánasta umhverfi við matargerð og
fer m.a. til berja, tínir sveppi, fjallagrös og fleira.
„Berjatíðin var fín hérna fyrir norðan, þótt ekki sé
hægt að segja það sama um allt landið. Enn er vel hægt
að tína fjallagrösin áfram, á meðan helst snjólaust,“ bætir
hún við. Fyrir þá sem síður þekkja jurtirnar, líkt og
blaðamaður, bendir Helga á að lykilatriði sé að rugla ekki
fjallagrösunum saman við hreindýramosann, sem þau líkj-
ast um margt, en hann er óætur. Annars er grösin að
finna víða, í móum og á heiðum og í návígi við berjalyng.
Spurð að því hvernig hafi komið til að hún hafi fyrst
byrjað með vefsíðuna www.allskonar.is, sem hefur verið í
loftinu um tveggja ára skeið, segir Helga að hún hafi ein-
faldlega hugsað með sér að gott væri að hafa uppskrift-
irnar aðgengilegar á einum stað, en bæði væri það hand-
hægt fyrir hana sjálfa og aðra sem vildu nýta sér þær.
„Þetta er ekki svo ólíkt því að skrifa uppskriftirnar niður
fyrir sjálfan sig, af hverju þá ekki að hafa þær aðgengi-
legar víðar,“ segir hún létt í bragði. Vefsíðan á sér dygg-
an fylgjendahóp. Auk þess sem þar er að finna fjöldann
allan af uppskriftum, prýða þær allar fallegar ljósmyndir
sem kveikja svo sannarlega í bragðlaukunum en Helga
hefur löngum getið sér gott orð sem ljósmyndari.
„Ég reyni að nota sem mest ferskt hráefni úr nær-
umhverfinu,“ segir hún spurð út í eigin áherslur í mat-
argerð, og þar með á vefsíðunni. „Það eru engar öfgar
þarna, bara sitt lítið af hverju, hollu og öðru, en ferskt
hráefni er í aðalhlutverki,“ bætir hún við.
Helga gefur hér lesendum uppskriftir að ljúffengu
fjallagrasabrauði sem hún segir dásamlegt með smjöri og
osti.
Ljósmynd/Helga Kvam
SÆLKERI Á SVALBARÐSSTRÖND
Bakað úr fjallagrösum
LÍKT OG NAFNIÐ GEFUR TIL KYNNA KENNIR ÝMISSA GRASA Á
VEFSÍÐU HELGU KVAM, ALLSKONAR.IS. ÞAR GEFUR HÚN M.A. UPPSKRIFTIR AÐ
GIRNILEGUM RÉTTUM ÚR FERSKU HRÁEFNI HAUSTSINS.
Gunnhildur Ásta Guðmundsdóttir gunnhildur@mbl.is
Helga reynir að nota sem mest ferskt hráefni úr nærumhverfinu
við matargerð. Hún fer m.a. til berja, tínir sveppi og fjallagrös.
Undirbúningur: 20 mínútur
Baksturstími: 60 mínútur
10 g fjallagrös (um 2 lúkur)
vatn
375 g heilhveiti
75 g malað byggmjöl
100 g hafragrjón
35 g sólblómafræ
2 msk. pálmasykur eða hrásykur
1 msk. lyftiduft
1 tsk. matarsódi
1 tsk. salt
5 dl mjólk (eða annar vökvi)
Byrjið á því að leggja fjallagrösin í bleyti
í skál með köldu vatni, svo fljóti vel yfir.
Í stærri skál blandið saman öllum þurr-
efnunum; heilhveiti, byggmjöli, hafra-
grjónum, sólblómafræjum, sykri, lyfti-
dufti, matarsóda og salti. Hrærið vel
saman. Smyrjið tvö lítil brauðform vel að
innan. Hitið næst ofninn í 190° C undir
og yfirhita – ekki nota blástur.
Hellið vatninu af fjallagrösunum og
grófsaxið þau. Blandið síðan út í þurr-
efnablönduna. Blandið nú mjólkinni eða
vökvanum saman við og hrærið vel.
Hægt er að nota sojamjólk, möndlu-
mjólk, haframjólk, súrmjólk, hreina jóg-
úrt eða bara vatn ef maður vill ekki nota
hefðbundna mjólk.
Skiptið deiginu í formin og bakið neð-
arlega í ofninum í um eina klukkustund
eða þar til prjónn kemur hreinn út þegar
honum er stungið í deigið.
Fjallagrasabrauð