Morgunblaðið - Sunnudagur - 20.10.2013, Side 42

*Fjármál heimilannaWalter White eiturlyfjakokkur úr þáttunum Breaking Bad fær sjaldan að njóta ávaxta erfiðis síns
Þó að Guðrún Jóhannesdóttir hjá Kokku eigi ekki í vandræð-
um með að sinna framkvæmdastjórastarfinu segist hún eiga
erfitt með að spara þegar heimilið er annars vegar. Góður
matur og tólin til að galdra hann fram er það sem á hug henn-
ar allan.
Hvað eruð þið mörg í heimili?
Við erum ekki nema fjögur eftir í kotinu. Ég, Þorsteinn mað-
urinn minn, heimasætan Una og hundurinn Krummi.
Hvað áttu alltaf til í ísskápnum?
Smjör. Svo verð ég alveg miður mín á morgnana, ef ekki er til
súrmjólk.
Hvað fer fjölskyldan með í mat og hreinlæt-
isvörur á viku?
Úff, það þarf að spyrja Steina að því, hann kaupir í matinn.
Það er samt örugglega of mikið, matur er eiginlega það eina
sem við splæsum í.
Hvar kaupirðu helst inn?
Við reynum að kaupa praktíska hluti í einhverjum af búð-
unum úti á Granda, Krónunni, Bónus eða Nettó. En svo er
gjarnan farið í Melabúðina, því þar fæst allt sem okkur finnst
gott. Svo er Melabúðin félagsheimilið í Vesturbænum, mikil-
vægur staður til að hitta fólk og spjalla.
Hvað freistar helst í matvörubúðinni?
Smjörið. Ég baka mikið, því Steini er alltaf búinn að elda þeg-
ar ég kem heim úr vinnunni. En ef ég fer með í búðina þá
reyni ég oftast að lauma harðfiski eða taðreyktum silungi í
körfuna.
Hvernig sparar þú í heimilishaldinu?
Við bjuggum í Þýskalandi á milli tvítugs og þrítugs, svo við
fengum gott fjármálauppeldi í veganesti þaðan. Við reynum
að safna fyrir því sem okkur vantar, enda er það alltaf ódýr-
ara en að taka lán. Svo sleppir Steini því að kaupa sér ný föt
til að eiga frekar fyrir smjöri og öðru góðu í kroppinn. En við
erum ekkert sérstaklega sparsöm í mat eins og áður sagði.
Eyðir þú í sparnað?
Já, ég er alltaf með einhverja sjóði í gangi. Núna eru það bað-
og eldhússjóður og sumarfrí 2014-sjóðurinn.
Skothelt sparnaðarráð?
Eiga fyrir hlutunum sem maður kaupir. Svo er hægt að elda
dýrindismat úr mjög ódýru hráefni ef maður á góðan járn-
pott sem maturinn getur mallað í tímunum saman.
GUÐRÚN JÓHANNESDÓTTIR Í KOKKU
Á alltaf smjör
í ísskápnum
Guðrún segist hafa fengið gott fjármálauppeldi í Þýskalandi.
Morgunblaðið/Ómar
Við eigum það til að venjast búð-
unum þar sem keypt er í matinn og
leita alltaf í sömu rekkana og gang-
ana til að finna það sem okkur van-
hagar um. Stundum getur marg-
borgað sig að rannsaka aðra staði í
búðinni og sjá hvort þar leynist
ekki eitthvað gott og ódýrt.
Aurapúkinn þurfti t.d. eitt sinn
að spara alveg sérstaklega mikið,
og þræddi því ganga stórmarkaðar-
ins síns með augun á verðmerking-
unum. Á endanum bar Aurapúkann
að frystideildinni, sem hann hafði til
þessa vanrækt að mestu. Þar
reyndist margt í boði á fínu verði.
Púkinn uppgötvaði líka falinn
fjársjóð í neðstu hillu inni í horni
kæliskáps í kjötdeidinni. Dýri mat-
urinn var á besta stað fyrir allra
augum en þarna í litla horninu var
að finna afsláttarvöru sem lítið bar
annars á.
púkinn
Aura-
Gaumgæfðu
allar hillur
Þ
eir sem enn eiga eftir að horfa á þættina
um Water White, glæpakonung og efna-
fræðisnilling, ættu ekki að lesa lengra
því þessi grein ljóstrar ýmsu upp um
þáttaröðina vinsælu sem rann skeið sitt á enda
á dögunum.
Breaking Bad er ekki aðeins framúrskarandi
sjónvarpsefni á alla vegu, heldur er hægt að
læra ýmislegt um ábyrg heimilisfjármál með því
að horfa á þættina. Er þá ekki átt við að sé
skynsamlegt að byggja upp eiturlyfjaveldi til að
vaða í seðlum, heldur einmitt frekar hvernig má
komast hjá því að lenda í erfiðri stöðu fjárhags-
lega og glutra niður varasjóðnum.
Tryggðu þig rétt
Þegar Walter White greinist með krabbamein
er hann með ágæta heilbrigðistryggingu, en þó
ekki með þá vernd sem þarf til að greiða dýru
tilraunameðferðina sem hann velur að gangast
undir. Ekki bara það heldur virðist Walter illa
líftryggður og eru það ekki síst áhyggjur af að
skilja fjölskylduna eftir illa stadda fjárhagslega
sem fá hann til að gerast glæpamaður.
Breaking Bad kennir okkur að huga mjög
vandlega að tryggingunum. Ef við skyldum
veikjast, slasast eða kveðja þennan heim viljum
við að tryggingarnar veiti góðan stuðning, gefi
okkur þá valkosti sem við þörfnumst og dán-
arbætur sem duga.
Talið um fjármálin
Stór hluti af vandamálum Walters White kemur
til af því að hann ýmist leynir hlutum fyrir fjöl-
skyldunni eða að fjölskyldan er ekki nógu sam-
stillt um hvað á og hvað á ekki að gera við pen-
ingana.
Af Breaking Bad ættum við að læra þá lexíu
að tala um málin, hafa allt uppi á borðunum og
vera samstiga þegar kemur að stórum fjár-
útlátum.
Ekki leggja allt undir
Oft sleppur Walter White með skrekkinn og
iðulega hefur heppnin ein bjargað honum frá
voveiflegum dauðdaga eða fangelsisvist þegar
hann tefldi of djarft. Glæpakóngurinn Gustavo
Fring fellur í sömu gildru, og leggur veldi sitt
og líf að veði til að auka enn á auð sinn.
Það er ágætt að stunda einhverjar áhættu-
fjárfestingar ef ávöxtunarmöguleikarnir eru
góðir en þess ætti alltaf að gæta að dreifa
áhættunni vel og eiga örugglega til ásættan-
legan og tryggan varasjóð sem nota má jafnvel
þótt allt annað tapist.
Njóttu þess sem þú átt
Þeir sem gera aldrei neitt nema að spara ættu
að líta á sögu Walters White sem víti til varn-
aðar. Þó svo að Walter eignist sand af seðlum
virðist hann sjaldan fá að njóta auðæfanna.
Áherslan er öll á að byggja upp digran sjóð, eða
hreinlega raka saman peningum peninganna
vegna. Fjárhagslegt heilbrigði snýst um að
finna rétta jafnvægið milli þess að spara og
fjárfesta og svo njóta þess sem búið er að vinna
fyrir.
WALTER WHITE GERÐI ÝMIS MISTÖK
Lexíur Breaking Bad
um fjármál heimilisins
SJÓNVARPSÞÁTTARÖÐIN VINSÆLA UM AFVEGALEIDDA EFNAFRÆÐIKENNARANN OG
STÓRGLÆPAMANNINN ER LÍKA SAGA UM SLÆMAR FJÁRHAGSLEGAR ÁKVARÐANIR
Ásgeir Ingvarsson ai@mbl.is
Walter White hefði getað sparað sér mikið ómak
og erfiði ef hann hefði sýnt meiri fyrirhyggju.
Gustavo á örlagaríku augnabliki. Hann hefur náð
langt með varkárni en leggur á endanum allt að veði.