Morgunblaðið - 30.11.2013, Qupperneq 34

Kristinn Ingi Jónsson
kij@mbl.is
„Ég hélt alltaf með MR í Gettu bet-
ur þegar ég var yngri en síðan fór ég
að spá í MH því ég var í ballett og
setti stefnuna á listdansbraut. Það
breyttist hins vegar á seinustu
stundu. Ég ákvað að reyna við MR
og hef aldrei séð eftir þeirri ákvörð-
un,“ segir Birna Ketilsdóttir
Schram, inspector scholae í Mennta-
skólanum í Reykjavík, í samtali við
Morgunblaðið.
Birna er tíunda stúlkan til að
gegna embættinu í meira en hundr-
að ára sögu þessarar fornfrægu
menntastofnunar. En hvað gerir in-
spector scholae?
„Þetta er í raun latneskur titill
yfir formann Skólafélags MR. Ég
stýri allri þeirri starfsemi sem
Skólafélagið stendur fyrir, svo sem
blaðaútgáfu, söngkeppni, tón-
smíðakeppni, böllum og fleiru. Þann-
ig að það er alltaf nóg að gera,“ segir
hún.
Birna kemur úr Hagaskóla og
býr í miðbænum, steinsnar frá skól-
anum, og segir það hafa haft mikil
áhrif á ákvörðun hennar að velja
MR. „Það voru líka langflestir í vina-
hópnum í Hagaskóla sem fóru í
MR,“ bendir hún á. „Mamma og tvö
systkini hennar voru líka í MR á sín-
um tíma og þá hafði eldri frænka
mín, sem var alltaf að lofsama skól-
ann, sín áhrif á ákvörðunina.“
Hvað ber hæst á skólaárinu
þegar kemur að félagslífinu?
„Ætli það sé ekki árshátíð
Skólafélagsins sem er haldin að
hausti. Þá er söngkeppnin alltaf
mjög flott og er skemmtilegt að sjá
MR-inga spreyta sig á sviði. Svo
mun leikfélagið Herranótt setja upp
Títus Andrónikus eftir William
Shakespeare, en sýningar Herra-
nætur eru alltof rosalega flottar,“
segir Birna. Þess má geta að Herra-
nótt er elsta leikfélagið á Norð-
urlöndunum, en fyrstu heimildir um
það eru frá árinu 1740.
Samkeppnin af hinu góða
Það vekur athygli að í MR eru
starfrækt tvö nemendafélög, Skóla-
félagið og Framtíðin, og er að sögn
Birnu löng hefð fyrir því. Aðspurð
hvort það ríki samkeppni á milli fé-
laganna svarar Birna því til að svo
sé, en „allt á góðu nótunum. Ein af
ástæðunum fyrir því að félögunum
hefur ekki verið steypt saman í eitt
er einmitt þessi samkeppni sem til
staðar er og gerir félagslífið eins öfl-
ugt og raun ber vitni“.
Hvernig gengur þér að púsla
saman náminu og félagslífinu?
„Ef ég á að vera hreinskilin, þá
var það erfitt fyrstu mánuðina, en
það er alltaf langmest að gera hjá
okkur þá. Þetta er farið að róast
núna og í kringum stúdentsprófin
næsta vor verður komin ný stjórn og
get ég þá einbeitt mér að fullu að
þeim.“ Í MR hefur lengi verið lögð
áhersla á að halda í og virða gamlar
hefðir. Spurð um skemmtilegustu
hefðirnar nefnir Birna tollering-
arnar í byrjun hvers skólaárs þegar
nýnemum er fleygt í átt til skýja af
sjöttubekkingum. „Ég hlakka líka
mjög til fiðluballsins. Það er svo
ótrúlega öðruvísi að klæða sig upp í
galafatnað og dansa gömlu dans-
ana,“ segir hún. „Mér finnst það
mjög skemmtileg hefð.“
Hvað um hlaupið í kringum
Tjörnina? Viltu hverfa frá þeirri
hefð?
„Nei, það getur verið mjög
hressandi. Ég myndi ekki vilja
sleppa því,“ segir Birna að lokum,
glöð í bragði.
Valdi MR og
hefur aldrei
séð eftir því
 Birna er tíunda stúlkan til að gegna
embætti insepctor scholae í MR
Morgunblaðið/Eva Björk
MR-ingur Birna ætl-
aði fyrst í MH en
breytti um skoðun á
síðustu stundu.
Morgunblaðið/Golli
Tolleringar Á haustin er nýnemum fleygt í átt til skýja af sjöttu bekkingum.
REYKJAVÍK
DAGA
HRINGFERÐ
34
MORGUNBLAÐIÐ LAUGARDAGUR 30. NÓVEMBER 2013
Byggðinni í Reykjavík er skipt í tíu hverfi; Vest-
urbæ, Miðborg, Hlíðar, Laugardal, Háaleiti og Bú-
staði, Breiðholt, Árbæ, Grafarholt og Úlfarsárdal,
Grafarvog og Kjalarnes, samkvæmt skiptingu á vef-
síðu borgarinnar.
Vesturbær er eitt af elstu hverfum borgarinnar og
liggur í suðri að Skerjafirði, að Kollafirði í norðri, að
Seltjarnarnesi í vestri og miðborginni í austri. Ná-
lægðin við sjóinn er eitt af einkennum Vesturbæj-
arins, t.d. er fjölsóttasti göngustígur borgarinnar á
Ægisíðu.
Í miðborgina leggja þúsundir leið sína á degi
hverjum til að sækja vinnu sína eða njóta lífsins,
enda er þar miðstöð atvinnu, verslunar og menning-
ar. Þangað má líka rekja upphaf byggðar á Íslandi.
Íbúar í Hlíðahverfi hafa af ýmsu að státa; þar eru t.d.
Kjarvalsstaðir og Nauthólsvík og þá er þar hið fal-
lega útivistarsvæði í Öskjuhlíð. Í hverfi Háaleitis og
Bústaða er m.a. metnaðarfullt skólastarf og íþrótta-
líf og útivistarsvæðið í Fossvogsdal. Hverfið markast
m.a. af Kringlumýrarbraut, Suðurlandsbraut og
Kópavogi og skiptist í nokkra minni hluta.
Heitir eftir bænum Breiðholti
Í Laugardal er að mestu leyti íbúðarbyggð, en
einnig er nokkuð um atvinnuhúsnæði á afmörkuðum
svæðum. Þar eru margar helstu perlur borgarinnar;
Laugardalslaug, Fjölskyldu- og húsdýragarðurinn
og Grasagarðurinn.
Breiðholt dregur nafn sitt af bænum Breiðholti,
sem stóð á svipuðum slóðum og gatan Skógarsel.
Hverfið afmarkast af Reykjanesbraut, Elliðaám og
Kópavogi og það skiptist í Efra-Breiðholt, Neðra-
Breiðholt og Seljahverfi. Það er fjölmennasta hverf-
ið, en þar búa um 21.000 af þeim tæplega 120.000
sem borgina byggja. Árbæjarhverfi samanstendur af
Ártúnsholti, Bæjum, Hálsum, Selási og Norðlinga-
holti og þar er mikið atvinnusvæði þar sem mörg af
stærstu fyrirtækjum landsins hafa aðsetur.
Nýjustu hverfi borgarinnar eru Grafarholt og Úlf-
arsárdalur. Eitt helsta einkenni þeirra er mikil nánd
við náttúruna, enda Úlfarsfellið og Reynisvatn innan
göngufæris. Grafarvogur er landmesta hverfi borg-
arinnar og er stundum talað um það sem bæ í borg,
en Kjalarnes er það fámennasta. Þar mætast sveit og
borg og talsverður landbúnaður er stundaður þar.
annalilja@mbl.is
Hverfin í Reykjavík hafa hvert og eitt sín sérkenni
Byggðin í Reykjavíkur-
borg skiptist í tíu hverfi
Morgunblaðið/Ómar
Húsin í borginni Þarfir borgarbúa eru ólíkar og þar
af leiðandi eru hverfin í Reykjavík mismunandi.
Spila sér til ánægju og heilbrigðis
 Á milli 3.500 og 4.000 manns iðka badminton hjá Tennis- og badmin-
tonfélagi Reykjavíkur en Sigfús Ægir Árnason, framkvæmdastjóri TBR, segir
að langstærstum hluta sé um að ræða einstaklinga og hópa sem taka sig sam-
an, leigja völl og hittast einu sinni til tvisvar í viku yfir vetrartímann til að spila
sér til ánægju og heilbrigðis. Vellir félagsins eru 17 og á annatímum annar
framboð ekki eftirspurn.
„85% af fólkinu heldur áfram frá ári til árs, það eru ekki nema 10-15% afföll
og nýliðun en margir af þessum hópum eru búnir að vera hjá okkur í áratugi,
jafnvel 30-40 ár. Sumir þeirra endurnýjast innan frá; ef einn hættir kemur ann-
ar inn, en sumir eru nánast óbreyttir. Þetta eru t.d. ungir menn sem fóru að
spila saman og eru hjá okkur fram yfir sjötugt eða áttrætt. Við erum með fólk
á níræðisaldri hjá okkur,“ segir Sigfús.
Á hverjum vetri býður TBR níu ára börnum í tíu skólum í ókeypis æfingatíma
og gefur þeim badmintonspaða og sum þeirra halda áfram í unglingastarfið.
Unglingarnir æfa 3-4 sinnum í viku en félagið hóf einnig nýverið samstarf við
Fjölbrautaskólann í Ármúla, sem býður upp á badminton sem valáfanga.
„Krakkarnir koma til okkar þrisvar í viku og spila badminton á morgnana undir
stjórn þjálfara en þetta er afreksfólk, þetta er ekki fyrir hvern sem er. Þeir
verða að vera orðnir sterkir í badminton til að eiga kost á þessu,“ segir Sigfús.
holmfridur@mbl.is
Morgunblaðið/Árni Sæberg
Æfing Hjá TBR æfir öflugur hópur unglinga sem taka þátt í keppnum og mótum.