Morgunblaðið - Sunnudagur - 03.11.2013, Qupperneq 30

30 MORGUNBLAÐIÐ SUNNUDAGUR 3.11. 2013
Matur og drykkir
Þ
etta er veislumatur – matur þegar mann langar til að
gera vel við sig og láta sér líða vel, eins og segir í titl-
inum – þetta er þannig bók,“ segir Ragnar léttur í
bragði, spurður út í ráðandi stef í bókinni, Læknirinn í
eldhúsinu – Matur til að njóta, sem kom út á dögunum.
Ragnar segist lengi hafa gengið með þann draum í maganum,
að gefa út matreiðslubók. Bloggfærslur hans á vefnum telja orð-
ið yfir 500 og uppskriftirnar eru orðnar ríflega 700 talsins. „Eins
skemmtilegt og bloggið nú er þá er bók auðvitað alltaf bók,
formfastur hlutur og því einhvern veginn raunverulegri,“ segir
hann. Lét hann slag standa þegar haft var samband við hann á
vegum Sögur forlags síðastliðið haust og setti allt á fullt.
Brot af því besta og fleira til
Margir fagna eflaust útgáfunni en fjöldi fólks fylgist reglulega
með bloggi læknisins, bæði á fésbókinni og á vefnum. Um 5 þús-
und manns fylgjast með honum að staðaldri á samfélagsmiðl-
inum á meðan heimsóknir á bloggið eru um 40-50 þúsund í með-
almánuði. „Það er skemmtilegt hvernig heimsóknirnar þar á
bloggsíðunni sveiflast en þegar nær dregur hátíðum vilja þær
allt að tvöfaldast. Þá berast mér líka bréf og jafnvel er hringt.
Þetta er bara skemmtun – engin kvöð,“ segir hann hógvær.
Spurður út í áhugann á mat og matseld segir Ragnar hann
hafa verið fyrir hendi svo lengi sem hann muni eftir sér. For-
eldrar hans eru bæði miklir matgæðingar og listakokkar að hans
sögn, þótt því hafi kannski ekki alveg verið að heilsa í byrjun.
„Móðir mín vildi líka strax skila mér út í heiminn sem sjálf-
stæðum, ungum manni sem kynni að baka skúffuköku, sjóða egg
og fleira til, ólíkt föður mínum þegar hún „tók við“ honum í
byrjun,“ slær hann á létta strengi. Ragnar fékk því snemma að
leika sér í eldhúsinu, auk þess sem ekki dró úr áhuganum að
fara fljótlega, eða 12 ára, að sjá um allt frá innkaupum kvöld-
matarins til uppvasks, einu sinni í viku. Sú hefð hefur reyndar
gengið í erfðir og er elsta dóttir hans, Valdís Eik 12 ára, nú þeg-
ar farin að sjá um matseldina á heimilinu á Skáni á þriðjudags-
kvöldum.
Frítími og fjölskyldustundir
Dags daglega starfar Ragnar sem lyf- og gigtarlæknir. Liggur
nærri að spyrja hvernig hann nái að sinna bæði krefjandi starfi,
fjölskyldu og vera jafn iðinn og hann er við bæði blogg og mat-
seld? „Bara með góðu verklagi og fjölskyldu held ég. Hér í Sví-
þjóð hef ég líka haft aðeins meiri frítíma en ég hafði sem starf-
andi læknir á Íslandi held ég að ég geti sagt. Þetta áhugamál,
matseldin, snýst líka svo mikið um samveruna, það eru allir
saman í eldhúsinu. Auk þess sem þetta verðlaunar sig líka eig-
inlega sjálft – þegar allir setjast niður til að borða og eru glaðir,
sáttir og saddir,“ segir hann að lokum.
LÆKNIRINN Í ELDHÚSINU KOMINN Á PRENT
Matur til að njóta
LYF- OG GIGTARLÆKNINN RAGNAR FREYR INGVARSSON ÞEKKJA MARGIR FYRIR MATARBLOGG
HANS, LÆKNIRINN Í ELDHÚSINU, SEM NOTIÐ HEFUR MIKILLA VINSÆLDA. ÞAR HEFUR ÞESSI
ÁSTRÍÐUKOKKUR LÝST TILRAUNUM SÍNUM OG AFRAKSTRI Í ELDHÚSINU UM SJÖ ÁRA SKEIÐ.
NÝVERIÐ KOM ÚT BÓK MEÐ BROTI AF ÞVÍ BESTA ÚR HANS FÓRUM. MATGÆÐINGAR
HUGSA SÉR EFLAUST GOTT TIL GLÓÐARINNAR Í ÞEIRRI BIBLÍU.
Gunnhildur Ásta Guðmundsdóttir gunnhildur@mbl.is
1 kg lambarifjur
5 greinar rósmarín
10 greinar tímían
2 tsk. blóðberg
nýmalaður pipar
2 msk. smjör
3-4 tsk. dijon-sinnep
handfylli steinselja
1 msk. jómfrúarolía
Aðferð
1. Skerið lambarifjurnar í þriggja til
sex rifja bita. Skolið með vatni og
þerrið.
2. Kryddið með pipar og setjið í
pokana. Raðið kryddjurtunum
með í pokana.
3. Innsiglið og lofttæmið í vél eða
lofttæmið undir vatnsþrýstingi í
ziploc-poka.
4. Setjið í pott með 57-60 gráða
heitu vatni og látið liggja í
vatninu í eina og hálfa klukku-
stund. Tryggið að hitinn haldist á
þessu bili með því að hafa hita-
mæli í vatninu allan tímann.
5. Takið pokana úr pottinum og
opnið. Notið vökvann sem fellur
til í sósuna.
6. Skafið síðan kryddið af kjötinu,
leggið til hliðar og þerrið kjötið
vel. Saltið ríkulega.
7. Bræðið smjör á pönnu og steikið
puruna í tvær til þrjár
mínútur í heitu smjörinu þar til
hún er fallega brúnuð. Leggið til
hliðar.
8. Smyrjið puruna með dijon-
sinnepi.
9. Setjið handfylli af steinselju í mat-
vinnsluvél ásamt kryddinu
sem kemur af lambinu í pokunum
og blandið í fínt kryddmauk.
10. Smyrjið síðan kryddmaukinu ofan
í sinnepið.
11. Skerið lambarifjurnar í sneiðar og
raðið á disk.
Gott að bera fram með rót-
argrænmetisgratíni.
Ljúffengar
lambarifjur