Morgunblaðið - 21.12.2013, Qupperneq 11

skyldufyrirtækinu Kiano í Hvera-
gerði.
Húðflúr, bómull og flauel
Í gamla húsinu á Skólavörðustíg
heyrist örlítið á milli hæða og þess
vegna veit Auður Gná yfirleitt hve-
nær Jón Þór húðflúrari er á staðnum.
Það á vel við því sem fyrr segir vinna
þau óbeint saman.
„Ég bý í miðbænum og hafði
margoft gengið framhjá húsinu
Skólavörðustíg 21. Á jarðhæðinni var
eitt rýmið autt og einn daginn spurði
ég Jón Þór, sem leigði á báðum hæð-
um, hvort ég gæti leigt það af honum.
Hugmynd hans var að á neðri hæð-
inni yrði einhver rekstur sem gæti
tengst flúrinu,“ útskýrir Auður Gná.
Jón Þór hefur sérhæft sig í jap-
önskum húðflúrmyndum og í því eru
fallegir litir og mynstur. „Ég hugsaði
með mér að það gæti verið gaman að
færa það yfir á vörur í heimilislínu,“
segir Auður Gná sem fékk systur sem
reka Textílprentun Íslands til að
prenta myndirnar stafrænt á efni og
þannig urðu púðarnir til. Hún hefur í
hyggju að nýta myndirnar hans Jóns
Þórs í fleira sem tengist heimilinu eins
og viskustykki, koddaver og svuntur.
Annars vegar er prentað á 100%
bómull og hins vegar á slétt flauel.
Íslensk hönnun til útlanda
Það eru margir sem koma að
verkunum sem seld eru í Insula þó
svo að Auður Gná og Jón Þór skipi
þar stóran sess. Nægir þar að nefna
sútarann á Sauðárkróki, fjölskyldu-
fyrirtækið í Hveragerði, konuna á
Borgarfirði eystra sem saumar sam-
an veskin úr lambsleðrinu og hnífa-
smiðinn í Mosfellsbæ. Þetta er sam-
vinna og afraksturinn má sjá í
íslenskri hönnun sem er fyrir vikið af-
ar vönduð. Auður Gná fékk fyrir
skemmstu styrk frá Nýsköpunarsjóði
til að kynna skinnpúðana erlendis og
stefnir hún að því að byrja á næsta ári
í tískuborginni Lundúnum.
Skinn Hér má sjá hvernig púðarnir líta út þegar skinnið sem notað er í þá
hefur verið unnið og litað. Útkoman er litrík og fjölbreytileg.
Morgunblaðið/Golli
Sjaldan ef nokkurn tíma hefur
annað eins framaboð verið af
borðspilum á íslensku. Ubongo er
eitt þeirra og eins og segir
framan á því þá er það
bæði klikkað og taum-
laust.
Spilið er fyrir tvo til
fjóra leikmenn og fær hver
og einn þrautaspjald og tólf
form sem leikmenn eiga að
móta úr sérstökum gimsteinum
þegar þar að kemur. Teningi er
kastað og um leið er stundaglasi
spilsins snúið við. Teningurinn
segir til um hvaða form leikmenn
eiga að móta rétt með gimstein-
unum á spjaldið sem hver leik-
maður hefur fyrir framan sig. Sá
sigrar sem í leikslok er með
flesta gimsteina í sama lit.
Spil vikunnar Ubongo
Ubongo Í spilinu þurfa leikmenn að móta ýmis form með gimsteinum.
Taumlaust og klikkað spil
Aldur: 8+
Verð: Frá 5.999 kr.
Kostir: Reynir á snerpu ungra sem eldri
leikmanna. Spilið er einfalt og auðvelt að
tileinka sér reglurnar.
Ókostir: það getur verið erfitt að hætta í
spilinu eins og í öðrum skemmtilegum
leikjum.
Sölustaðir: A4, Bónus, Hagkaup,
Elko, Eymundsson og Spilavinir.
DAGLEGT LÍF 11
MORGUNBLAÐIÐ LAUGARDAGUR 21. DESEMBER 2013