Morgunblaðið - Sunnudagur - 15.12.2013, Page 60

60 MORGUNBLAÐIÐ SUNNUDAGUR 15.12. 2013
R
omário fór í pólitík eftir að ferlinum lauk og hef-
ur látið til sín taka á þeim vettvangi – svo eftir
hefur verið tekið. Hvort hann er á atkvæðaveið-
um skal ósagt látið en allavega er hann mjög á
móti öllum þeim milljörðum sem fara í heims-
meistaramótið sem fram fer í heimalandi hans næsta sumar.
Pelé, Ronaldo og Bebeto, auk annarra goðsagna frá Bras-
ilíu, eru í forsvari fyrir heimsmeistaramótið en á meðan er
Romário rödd fólksins og rödd fólksins er ansi hávær eins og
sást á mótmælum sem stóðu yfir meðan álfukeppnin fór fram
fyrr í ár. Hann hefur pottþétt veitt nokkur atkvæði út á að
vera sýnilegur í mótmælunum.
„Það getur enginn sagt mér að þegja, jú fólk getur reynt
það en það er aldrei að fara að gerast,“ sagði Romário í við-
tali við New York Times fyrir skemmstu. „Þegar ég var leik-
maður var ég goðsögn. Ég komst á toppinn og var bestur í
heimi um stund.
Í pólitík verð ég kannski ekki besti pólitíkusinn í heimi en
ég mun gera mitt allra besta.“ Pólitíkin hans Romários er
ansi fjölbreytt; frá íþróttum til heilbrigðismála. Hann hefur
verið í miklu stríði við knattspyrnusamband landsins, CBF,
um langa hríð og það hljóp á snærið hjá Romário þegar for-
seti sambandsins, Ricardo Teixeira, sagði af sér vegna spill-
ingar og mútuþægni. „Allt sem hefur verið að brasilískum
fótbolta undanfarinn áratug kristallaðist í Teixeira. Hann var
djöfullinn. José Maria Marin (eftirmaður Teixeira) er jafnvel
verri,“ sagði Romario við stórblaðið. Þegar New York Times
reyndi að fá viðbrögð við þessum ummælum frá knattspyrnu-
sambandinu neitaði það að tjá sig.
„FIFA er einnig sökudólgurinn. Þeir eru að ræna bras-
ilíska þjóð. Sepp Blatter hefur engan áhuga á að skilja við
þjóðina í betri málum. Þeir komu hingað til þess eins að ná í
peninga. Það tókst þeim.“
20 mínútna hlé til að fagna marki
Romário er einn besti framherji sögunnar og skoraði yfir
þúsund mörk á ferlinum. Reyndar taldi hann mörkin sín
sjálfur og tók æfingaleiki og yngriflokkamörkin með en það
er sama. Þúsund mörk eru þúsund mörk.
Hápunktur ferils hans var í Bandaríkjunum 1994 þar sem
mörk hans og leikni tryggðu Brasilíumönnum heimsmeist-
aratitilinn í fjórða sinn. Var hann valinn leikmaður ársins af
FIFA sama ár enda hafði hann skorað 30 mörk í 33 leikjum
með Barcelona það tímabil. Ferill hans er glæsilegur. 70
landsleikir og 55 mörk segja sitt og hann var alltaf vinsæll
meðal áhorfenda. Þegar hann skoraði sitt þúsundasta mark
var gert 20 mínútna hlé á leiknum til að Romário gæti fagn-
að með aðdáendum sínum. Hann fór ótroðnar leiðir í nálgun
sinni að leiknum og í raun ótrúlegt að hann hafi spilað þang-
að til hann var nánast fertugur. Hann stundaði næturlífið
grimmt, borðaði það sem hann vildi og drakk gríðarlega. „Ef
ég fer ekki út á kvöldin þá skora ég ekki,“ sagði hann þegar
hann var á forsíðu slúðurblaðs í Barcelona daginn fyrir mik-
ilvægan leik liðsins. Romário skoraði þrennu í þessum leik og
var frábær. Þá mætti hann stundum á þyrlu á æfingar,
nennti ekki að vera fastur í umferð.
Fáfróðir fornir félagar
En víkjum aftur að stjórnmálamanninum Romário. Þegar
Álfukeppnin fór fram voru gríðarleg mótmæli víða um Bras-
ilíu þar sem fólk mótmælti leikvöngunum sem byggðir eru
sérstaklega fyrir mótið. Á meðan er heilbrigðisþjónustan í
lamasessi en Romário þekkir heilbrigðiskerfið í Brasilíu vel
eftir að hafa þurft að ganga þann erfiða stíg með dóttur
sinni, sem fæddist með downs heilkennið. Ronaldo sagði,
þegar mótmælin stóðu sem hæst, að HM væri haldið með
leikvöngum, ekki sjúkrahúsum. Bebeto jánkaði þessari setn-
ingu í beinni útsendingu. „Þeir tveir vita ekkert. Annað hvort
vita þeir ekki hvað er í gangi í þessu landi eða þeir eru að
þykjast ekki vita það. Hvort sem er, þá eru þeir fáfróðir.“
Ástæðan fyrir mótmælum var að þegar Brasilía fékk HM
var skattborgurunum lofað að enginn peningur færi úr hag-
kerfi landsins til að halda mótið. Núna er reikningurinn orð-
inn þrír milljarðar dollara. Endanlegur reikningur mun
hljóða upp á 13,8 milljarða dollara. Inni í þessum reikningi er
Romário skoraði 55
mörk í 70 landsleikjum.
Syndir á móti straumnum
ROMÁRIO DE SOUZA FARIA, BETUR ÞEKKTUR SEM ROMÁRIO, ER EINN BESTI LEIKMAÐUR SÖGUNNAR. HANN HEFUR
EKKI ALLTAF FARIÐ HEFÐBUNDNAR LEIÐIR Í LÍFINU OG NÚ ÞEGAR AÐRAR FYRRVERANDI KNATTSPYRNUHETJUR SYNGJA
LOFSÖNG UM MIKILVÆGI HM Í BRASILÍU ER ROMÁRIO ALFARIÐ Á MÓTI PENINGAAUSTRI STJÓRNVALDA TIL MÓTSINS.
Að teygja
með Ronaldo.
Árin tvö með
Barcelona voru
Evrópubúum
eftirminnileg.
Pólitíkusinn Romário. Stefnir
á borgarstjórastólinn í Rio.
Stórkostleg stund.
Með HM bikarinn
1994 eftir sigur á
Ítalíu.
* „Hann er tækifærissinni en þvílíkur markaskorari.Afgerandi hæfileikar og ótrúlegur í teignum. Ég lærðimikið af því að spila með honum.“
Ronaldo um Romário.
Boltinn
BENEDIKT BÓAS
benedikt@mbl.is