Morgunblaðið - Sunnudagur - 26.01.2014, Blaðsíða 32

32 MORGUNBLAÐIÐ SUNNUDAGUR 26.1. 2014
Matur og drykkir
É
g ætla, fyrir utan maki-rúllurnar, að bjóða upp svínabóg í aðalrétt og
Créme Brûlée með engifer- og hindberjasósu í eftirrétt. Þær sem fá
að njóta þessarar himnesku sælu eru Margrét Thedórsdóttir, Pat-
rycja Wittstock Einarsdóttir og Helena Rós Friðþórsdóttir.
Tinna Björg Friðþórsdóttir er 24 ára lögfræðinemi í HR og þrátt fyrir að
vera ung að árum hefur hún verið að stússast í matargerð frá því hún man
eftir sér. „Ég man bara að þegar ég byrjaði í matreiðslu í skólanum þegar
ég var sex ára gömul kunni ég ótrúlega margt. Mamma var heima með okk-
ur börnin, þannig að maður var mikið í eldhúsinu með henni og hún var
alltaf að baka og elda og er ennþá og pabbi er ekkert síðri. Það má líka
bæta því við að Siggi Hall var eiginlega fyrsta ástin mín, ég horfði á alla
þætti með honum,“ segir hún og hlær.
Tinna Björg byrjaði með matarblogg í júlí síðastliðnum, tinnabjorg.com,
og segist ánægð með viðtökurnar. „Ég er í fullu námi og með lítið barn en
áhuginn er farinn að beinast í þessa átt. Við systurnar erum með í bígerð
matreiðslubók með ákveðnu þema, sem við viljum ekki gefa upp að svo
stöddu, en draumurinn væri að fylgja henni eftir með sjónvarpsþætti. Er
það ekki það sem alla matarbloggara dreymir um? segir Tinna Björg og
brosir.
Tinna Björg fékk Kitchen Aid-hrærivél frá kærastanum í jólagjöf og seg-
ist ekkert hafa móðgast við það. „Mér fannst það besta gjöfin, hún er ynd-
isleg í baksturinn.“ Og aðspurð segist hún frekar vilja búsáhöld um þessar
mundir en skartgripi. „Hann opnaði einhverjar dyr sem verður ekki lokað
aftur. Nú er ég bara sjúk í öllum búsáhaldabúðum,“ segir Tinna sposk og
drífur sig í að skera kjötið.
Saumaklúbburinn samanstendur af þeim Patrycju Wittstock Einarsdóttur,
Margréti Theodórsdóttur, húsfreyjunni Tinnu Björgu og systur hennar
Helenu Rós Friðþórsdóttur.
ÞRÍRÉTTAÐ HJÁ TINNU BJÖRGU
Matreiðslubók í
burðarliðnum
* Tinna Björgbyrjaði meðmatarblogg í júlí
síðastliðann, tinna-
bjorg.com, og segist
ánægð með viðtök-
urnar. „Ég er í fullu
námi og með lítið
barn en áhuginn er
farinn að beinast í
þessa átt.“
GIRNILEGAR MAKI-RÚLLUR MEÐ HUMAR TEMPURA LIGGJA Á FALLEGA DÚKUÐU BORÐ-
INU EN ÞAÐ ER SAUMAKLÚBBUR TINNU BJARGAR FRIÐÞÓRSDÓTTUR SEM ER AÐ HITT-
AST OG EIGA GÓÐA STUND SAMAN. AÐ ÖLLU JÖFNU TAKA ÞÆR Í PRJÓNA EN NÚ
ÆTLA ÞÆR EINGÖNGU AÐ NJÓTA MATARGERÐARLISTAR LÖGFRÆÐINEMANS OG MAT-
ARBLOGGARANS TINNU BJARGAR.
Unnur H. Jóhannsdóttir uhj@simnet.is
HRÍSGRJÓN
80 ml hrísgrjónaedik
40 g sykur
1⁄3 tsk. salt
500 g sushi-hrísgrjón
550 ml vatn
Hitið hrísgrjónaedik, sykur og
salt saman í potti þar til sykurinn
leysist upp án þess þó að blandan
sjóði. Kælið ediksblönduna.
Hreinsið hrísgrjón með köldu
vatni í glerskál, nuddið burt
sterkjuna og hellið af þeim. End-
urtakið 3-4 sinnum þar til vatnið
verður tært. Hellið köldu vatni
yfir hrísgrjónin og látið standa í
30 mínútur eða þar til grjónin
verða hvít. Sigtið hrísgrjónin og
setjið í pott með loki ásamt vatni
og hitið að suðu. Lækkið hitann
og látið þau krauma í 15 mínútur.
Takið pottinn af hellunni og látið
hann standa í 15 mínútur með
loki.
Setjið hrísgrjón í viðarskál eða
eldfast mót og hellið ediksblöndu
jafnt yfir. Blandið saman með við-
aráhaldi eins og verið sé að skera
þau í sundur. Reynið að kremja
hvorki hrísgrjónin né hræra í
þeim heldur einungis að dreifa úr
þeim, losa í sundur og kæla.
HUMAR TEMPURA
300 g smáir humarhalar
125 g hveiti
½ tsk. lyftiduft
salt
svartur pipar
180-200 ml sódavatn
olía
Blandið hveiti, lyftidufti, salti og
svörtum pipar saman í skál og
pískið sódavatn saman við. Þerr-
ið humarhala og dýfið í deigið.
Maki-rúllur með
humar tempura
Hitið olíu að 180° og leggið
humarhala varlega ofan í. Djúp-
steikið þar til deigið hefur
brúnast fallega.
HVÍTLAUKSMAJONES
2 msk. majones
1 hvítlauksrif
½ tsk. chillimauk
Pressið hvítlauk og hrærið
saman við majones og chilli-
mauk.
MAKI-RÚLLUR
8 nori-þarablöð
elduð sushi-hrísgrjón
humar tempura
1 avocado
klettasalat
hvítlauksmajones
Leggið nori-þarablað á bamb-
usmottu þannig að glansandi
hliðin snúi niður. Þekið það með
hrísgrjónum en skiljið eftir auða
u.þ.b. 1½ cm breiða ræmu á öðr-
um endanum. Leggið humar
tempura á þvert yfir miðju þara-
blaðsins ásamt handfylli af kletta-
salati. Skerið avocado í mjóar
ræmur og leggið ofan á klettasal-
atið. Sprautið mjórri rönd af
hvítlauksmajonesi yfir fyllinguna
og rúllið upp með bambusmott-
unni.
Athugið að hafa fingurna alltaf
blauta þegar sushi-hrísgrjónin
eru meðhöndluð því þau klístrast
auðveldlega.
Þegar maki-rúllurnar eru
skornar er gott að hafa hárbeitt-
an hníf og dýfa honum í vatn á
milli skurða. Skerið hverja rúllu í
8-10 jafnstóra bita.
Berið fram með sojasósu,
súrsuðu engifer og wasabi-
mauki.
Morgunblaðið/Þórður