Morgunblaðið - Sunnudagur - 26.01.2014, Síða 34
Þ
etta er klikkuð sýning. Ameríkanar og sér-
staklega þeir í Vegas kunna alveg að búa
til flottar sýningar.“ segir Harald Pét-
ursson hjá Nova, en hann stýrir við-
skiptaþróun fyrirtækisins og er nýkominn heim frá
Las Vegas þar sem hann skoðaði nýjustu strauma
og stefnur sem í tækniheiminum á sýningunni
CES. Öll tæki og tól virðast nú hafa forskeytið
„snjall“ á undan og á sýningunni mátti sjá snjall-
ísskáp, snjalltannbursta og hvaðeina.
Harald segir að tvennt hafi þó verið mest áber-
andi á sýningunni. Annars vegar svokölluð klæð-
anleg tækni (e. wearables) og hins vegar nettengd-
ir bílar (e. connected cars). „Klæðanleg tækni
verður næsta stóra málið sögðu þeir þarna úti.
Þeir eru að spá því að þetta verði jafnstórt og
snjallsímarnir eru orðnir. Nú er hægt að fylgjast
með heilsunni, skrefafjölda, kaloríufjöldanum,
svefninum og nánast öllu með einu armbandi.
Heilsa og klæðanleg tækni virðist haldast í hend-
ur,“ segir Harald.
Hægt að leggja bíl með símanum
Nettengdu bílarnir voru ekki síður áberandi. „Allir
nýir bílar frá Chevrolet verða nettengdir og það
virðist vera að hitta í mark. Allir stóru bíla-
framleiðendur voru þarna að kynna sínar tækni-
nýjungar og þarna var meðal annars hægt að
leggja Range Rover með símanum og margt
margt fleira.“
Bæði sjónvörp og snjallsímar eru komin með
sveigðar línur sem framleiðendur segja að sé
vegna þess hvernig augað virki. Þá nær notandinn
að setja fókus á fleiri staði og fylli betur út í skjá-
inn. „Það sem maður hefur tekið eftir á síðustu
sýningum er að þrívíddartæknin er eiginlega á
undanhaldi, hún er að fjara út. Þetta sem kallast
4K er að taka yfir í sjónvörpum.“
4K upplausn er 3840 × 2160 pixla upplausn en
venjulegt sjónvarp er yfirleitt full HD þar sem
upplausnin er 1920 × 1080.
Hann segir einnig að heilsan hafi verið í fyrir-
rúmi þarna vestanhafs. Allt sé gert til að spyrna
við fótum gegn offitu. „Öll þessi armbönd greina
skrokkinn frá a-ö. Maður sér hvenær maður er í
djúpsvefni og hvenær í grunnsvefni, hvað maður
brennir mikið yfir daginn og fleira og fleira. Fram-
leiðendur gera þetta svolítið töff með samfélags-
netinu þannig að maður getur skoðað brennslu og
annað hjá tilteknum hópum, til dæmis hjá öðrum
karlmönnum í sama aldursbili.“ Sjálfur er Harald
með Nike armband þar sem hann getur fylgst með
líkamsstarfseminni hjá sér. „Ég hef borið það í ár
og líkar rosalega vel þennan aukahlut – finn ekk-
ert fyrir þessu. Ég sting þessu beint í USB í tölv-
unni og hleð þetta kannski einu sinni í mánuði.
Þetta verður næsta „megatrend“ í heiminum,
þessi armbönd munu kosta frá 20 þúsund krónum
og eiga eftir að slá í gegn á þessu ári – ég er
sannfærður um það.“
EPA
Meira að segja
tannburstar
eru orðnir
snjallir.
Harald Pétursson stýrir viðskiptaþróun Nova. Hann segir það mikla upplifun að fara á
sýningu í Las Vegas. Klæðanlegri tækni var spáð velgengni á CES-sýningunni í ár.
Morgunblaðið/Þórður
Á STÆRSTU TÆKNISÝNINGU HEIMS
Klæði og netbílar
HARALD PÉTURSSON ER NÝKOMINN AF CES, STÆRSTU RAFTÆKJASÝNINGU HEIMS,
SEM HALDIN VAR Í LAS VEGAS. KLÆÐANLEG TÆKNI OG NETTENGDIR BÍLAR VORU
MEST ÁBERANDI Á SÝNINGUNNI Í ÁR.
Benedikt Bóas benedikt@mbl.is
150 þúsund manns mættu á CES sem stóð yfir frá 7.-10.
janúar þar sem 3.200 framleiðendur frumsýndu nýjustu
tækin og tólin. Hér má sjá sveigð og beygð sjónvörp.
Sony Smart-
band var
frumsýnt á
CES en það
kemur á
markað í
apríl.
Flestir snjallsímar sem
verða frumsýndir á
árinu 2014 verða með
sveigðar línur.
Heimaspjallið í gegnum
LG-símann og LG-ísskáp.
Með því er hægt að spyrja
ísskápinn hvað sé til.
Bílaframleiðandinn
Range Rover sýndi nýj-
ustu tækninýjung sína,
Valeo, þar sem hægt er
að leggja bílum með
símanum. Tólf skannar
eru á bílnum, fjórar
myndavélar og laser
skanni að framan og aft-
an til að allar hreyfingar
verði sem nákvæmastar.
*Græjur og tækniMargir nota tölvupóst til samskipta en ýmis ráð eru gagnleg til að flokka hann og skipuleggja »36