Morgunblaðið - Sunnudagur - 26.01.2014, Blaðsíða 51

ns þátt í aðgerðinni. Yrði slökkviliði og sjúkraflutningum skipt upp er Jón Viðar ekki viss um að eins stór hópur kæmi á vettvang.
Morgunblaðið/Júlíus
arfélögin hafa ákveðið að stefna rík-
inu vegna ógreiddra reikninga er
snúa að sjúkraflutningum.
Málsaðilar hittust á fundi í Ráð-
húsi Reykjavíkur í gær. Ráðherra
var ekki á fundinum en að sögn
Jóns Viðars Matthíassonar var lagt
fram bréf frá honum þess efnis að
hann tæki undir afstöðu stjórnar
SHS, samrekstur sé heppilegasta
fyrirkomulagið. Af hálfu ráðherra
geti febrúarsamkomulagið þó ekki
orðið grundvöllur nýs samnings. Í
þessu ljósi var ákveðið að fresta
undirbúningi að verklokum meðan
málsaðilar ráða ráðum sínum hvor í
sínu lagi.
Fjölhæfnin styrkur
Sjálfur tekur Jón Viðar heilshugar
undir sjónarmið stjórnar SHS.
Samreksturinn sé til hagsbóta og
verði sjúkraflutningar og slökkvi-
starf skilið að gæti það dregið úr
öryggi borgaranna. Betra sé að
komast fram fyrir vandann, eins og
tekist hafi, en að vera sífellt að elta
hann.
Jón Viðar bendir á að árangur
SHS sé til mikillar fyrirmyndar í
mörgum þáttum starfsins í al-
þjóðlegu samhengi. „Við erum með
gott fólk og góða þjónustu. Það
hlýtur að skerða gæði þjónustunnar
og styrk að fara úr einu liði í tvö.
Verði það gert er ekki hægt að
tryggja sama árangur, hvorki varð-
andi bruna né sjúkraflutninga.“
Útköll vegna sjúkraflutninga eru
mun fleiri en vegna bruna. Í fyrra
var SHS kallað út 26.036 sinnum,
þar af 24.974 sinnum vegna sjúkra-
flutninga. Brunaútköll eru sumsé
4% af starfseminni.
Að jafnaði eru sjúkraflutningar
62 á sólarhring en flest hafa útköll
orðið 109 á sólarhring. Líkamlegt
og andlegt álag á sjúkraflutn-
ingamenn getur því orðið ansi mikið
á einni vakt. „Ef ekki væri fyrir
samrekstur slökkviliðs og sjúkra-
flutninga væri ómögulegt að anna
þjónustunni þegar álagið er mest,“
segir Jón Viðar.
Brunaútköllum hefur sama og
ekkert fjölgað á síðustu tuttugu ár-
um, sem Jón Viðar þakkar meðal
annars öflugum forvörnum, meðan
útköll sjúkraflutninga hafa meira en
tvöfaldast. Jón Viðar segir skýr-
inguna fyrst og fremst liggja í því
að þjóðin er að eldast en eldra fólk
þarf oftar á sjúkrabíl að halda en
yngra. Árið 2013 voru um 55%
flutninga með sjúklinga sem voru
60 ára og eldri en um 42% með 70
ára og eldri.
SHS hefur þrjár slökkvistöðvar, í
Skógarhlíð og á Tunguhálsi í
Reykjavík og í Skútahrauni í Hafn-
arfirði. Á Kjalarnesi er stöð mönn-
uð hlutastarfandi slökkviliðs-
mönnum. Til stendur að bæta við
fjórðu stöðinni, á Skarhólabraut í
Mosfellsbæ, á næsta ári en Jón Við-
ar segir þá framkvæmd nú í upp-
námi vegna óvissunnar sem ríkir
varðandi samninginn við ríkið. Þeg-
ar sé til dæmis búið að fresta álmu
fyrir sjúkrabíla.
Jón Viðar veltir vöngum yfir
kostnaðarliðnum. Öryggi höfuðborg-
arbúa komi alltaf til með að kosta
peninga, hvort sem það snýr að
slökkvistarfi eða sjúkraflutningum.
Menn hljóti að gera sér grein fyrir
því. Hann segir sveitarfélögin hafa
teygt sig eins langt og þau mögu-
lega geti í samningaviðræðum við
ríkið og séu að bjóðast til að sinna
þjónustunni með minni tilkostnaði
en óháðum aðila, KMPG, hafi þótt
eðlilegt.
„Ég sé ekki hvernig ríkið ætlar
að fara að því að reka þessa þjón-
ustu með minni tilkostnaði en SHS
er að bjóða. Og sama slagkrafti. Þá
er ég bara að tala um rekstr-
arkostnað, ekki stofnkostnað sem
hlýtur að verða umtalsverður. En
sjúkraflutningar eru lögbundið hlut-
verk ríkisins þannig að það ræður
að sjálfsögðu hvernig það vill
standa að þessum málum. Frá mín-
um bæjardyrum séð er aðalatriðið
að ekki verði slakað á kröfum um
gæði og öryggi þegar kemur að
þjónustu við íbúa höfuðborgarsvæð-
isins og þá sem það heimsækja,“
segir Jón Viðar.
Rætt hefur verið um einkavæð-
ingu sjúkraflutninga en Jón Viðar
telur það óráð. „Ég hef ekkert á
móti einkavæðingu sem slíkri en
hún á ekki við þegar kemur að ör-
yggi borgaranna. Dæmin sanna líka
í löndunum í kringum okkur að
maður fær aldrei öfluga samkeppni
varðandi þessa þjónustu. Svo má
nefna að það fylgir því áhætta að
segja mönnum upp og aðskilja þjón-
ustuna. Það verður ekki auðveld-
lega aftur snúið ef skrefið er stigið.
Þekking og reynsla getur tapast,
hinir fjölhæfu starfsmenn SHS fara
jafnvel til annarra starfa og snúa
ekki aftur, samstaða og starfsandi
hafa laskast og langan tíma myndi
taka að ná aftur fyrri styrk.“
Jón Viðar vonar enn að samn-
ingar takist milli SHS og ríkisins
enda sé það öllum fyrir bestu. „Ég
trúi því ekki fyrr en ég tek á því að
menn ætli að eyðileggja kerfi sem
virkar. En lengi má manninn
reyna.“
Alvarlegt bílslys á Þrengslavegi fyrir nokkrum árum. Fyrsti bíll var 17 mínútur á
staðinn og tókst að bjarga lífi ökumannsins sem hlaut fjölmarga alvarlega áverka.
Morgunblaðið/Júlíus
Slökkviliðsmaður. Sjúkraflutningamaður. Útbúinn fyrir leit með landflokki. Klippari. Kafari.
26.1. 2014 MORGUNBLAÐIÐ SUNNUDAGUR 51