Morgunblaðið - Sunnudagur - 26.01.2014, Blaðsíða 39

26.1. 2014 MORGUNBLAÐIÐ SUNNUDAGUR 39
Oft er talað umMagnesíum sem„anti –stress“ steinefni
því það róar taugarnar og hjálpar okkur að slaka á.
Magnesíum stjórnar og virkir um 300 ensím sem gegna
mikilvægum hlutverkum í eðlilegri virkni líkamans.
Það er nauðsynlegt fyrir frumumyndun, efnaskipti og
til að koma á jafnvægi á kalkmyndun líkamans og fyrir
heilbrigða hjartastarfsemi. Magnesíum er líka afar
hjálplegt við fótaóeirð út af vöðvaslakandi eiginleikum
þess. Mjög gott er að taka magnesíum í vökvaformi
fyrir svefn til að ná góðri slökun og vakna úthvíldur.
Nánari upplýsingar á www.heilsa.is
Fæst í apótekum og heilsuvöruverslunum
• Til að auka gæði svefns
• Til slökunar og afstressunar
• Hröð upptaka í líkamanum
• Gott til að halda vöðvunummjúkum
Magnesium vökvi
VIRKAR STRAX
Á
meðan okkur konur snjóar og rignir niður hér á suðvesturhorni lands-
ins, geðvondar yfir þessum dimma janúar, blankheitum, gjaldeyris-
höftum, verðbólgu, „afnámi“ verðtryggðra húsnæðislána, síhækk-
andi tölum á vigtinni og allri kaótíkinni sem fylgir því að vera á lífi,
ganga systur okkar í París tískupallana ógurlega ferskar og lekkerar eins og
ekkert hafi í skorist.
Svo má ekki gleyma því að fötin sem þær klæðast úr Haute Couture-línum
frægustu hönnuða heims eru ekki bara úr fínustu efnum veraldar heldur er um
dýrustu flíkur heims að ræða. Jafnvel auðugustu konur heims hafa ekki efni á
þessum flottheitum.
Það er því ekki að undra þótt salan á Haute Couture-fatnaði sé dræm. En
hátískuhönnuðirnir þurfa ekki að örvænta því þeir hafa okkur, venjulegu spari-
guggurnar, sem viðhöldum ríkidæmi þeirra. Hátískuhús græða nefnilega lang-
mest á sölu á snyrtivörum sem svona venjulegar konur eins og við kaupa. Sem
er allt í lagi því ef við klíndum ekki svolitlu af púðri, farða og maskara
framan í okkur litum við líklega út fyrir að vera dánar – ekki lifandi.
Ef við þurfum á einhverju að halda í svarta janúar þá er það einmitt
það sem ég taldi hér fyrir ofan.
Það er auðvelt að fá andarteppu yfir Haute Couture-sýningum því
sumt er svo undurfallegt að konur eins og ég missa úr hjartaslag en
annað er svo hryllilega ósmekklegt að maður getur eiginlega ekki
sagt frá því nema breyta röddinni (á innsoginu). Að skoða myndir af
sýningum eins og þessum getur því vakið allskonar viðbrögð og til-
finningar líkt og við værum stödd í leikhúsi. Þess vegna er ágætt
að minna sig á, þegar við erum pínulítið á röngunni út af þessu
hér fyrir ofan, að hátískusýningar eru dægradvöl og eiga litla
sem enga stoð í raunveruleikanum.
Í svarta janúar eiga margir fullt í fangi með að halda sér inni á
veginum og þá er ágætt að minna sig á það hvað gef-
ur lífi okkar raunverulegan lit. Allan janúar hefur
ykkar ástkæra þurft að þakka fyrir það á hverju
kvöldi að hafa komist í gegnum daginn án þess að
hálsbrotna í hálkunni á 12 sm háum leðurstígvélum.
Það er nefnilega ákveðin uppgjöf að skipta stígvél-
unum út fyrir kuldaskó. Í þá verður ekki farið fyrr
en flutt hefur verið í þjónustuíbúð … sem er ekki á
dagskránni um helgina og heldur ekki helgina þar á
eftir … Hver veit hvað næsta haust ber í skauti sér.
Svo er fínt að minna sig á það að það er í okkar valdi hvort við lát-
um myrkur, kulda og almenn leiðindi buga okkur. Rannsóknir hafa
sýnt að þeir sem eru jákvæðir, alla daga – ekki bara á kvöldin og um
helgar, lifa skemmtilegra og innihaldsríkara lífi. Ef þú ert eitthvað að
hugsa um velgengni fólks í lífinu má líka benda á það að þeim sem eru
jákvæðir vegnar yfirleitt betur og þeir fá líka hærri laun. Ef fyrirsæt-
urnar þarna á Haute Couture-sýningunum geta glóð eins og demantar
á leiðinlegasta tíma ársins er ágætt að minna sig á að það er líka vetur í
París og skítkalt á köflum.
martamaria@mbl.is
Svartur janúar