Morgunblaðið - Sunnudagur - 26.01.2014, Blaðsíða 60

T
homas Hitzlsperger kom fram í viðtali í
blaðinu Die Zeit í byrjun mánaðarins þar
sem hann opinberaði samkynhneigð sína.
Hann fékk gríðarlega góðar viðtökur við
viðtalinu og víða hrósuðu menn og konur
honum fyrir hugrekkið að taka þetta skref. Ekki
bara í Þýskalandi heldur víða um heim. Fyr-
irsögn flestra miðla var Hetja og mynd af bros-
andi Hitzlsberger fylgdi með.
„Hugrekki og rétt ákvörðun. Virðum Thomas
Hitzlsperger,“ skrifaði þýski landsliðsmaðurinn Lu-
kas Podolski á twitter-síðu sína. „Hamingjuóskir til
Thomas Hitzlspergers fyrir hugrekkið að vera fyrsti leik-
maðurinn sem hefur spilað í ensku úrvalsdeildinni sem
kemur út úr skápnum,“ skrifaði Gary Lineker, fyrrverandi fyr-
irliði enska landsliðsins. Gordon Taylor, framkvæmdarstjóri
samtaka knattspyrnumanna á Englandi, telur að yfirlýsing
Thomas Hitzlsperger muni hjálpa öðrum samkynhneigðum
knattspyrnumönnum að koma úr skápnum.
„Ef fleiri stíga þetta skref er það vísbending um heilbrigt
umhverfi í knattspyrnuheiminum. Hér áður fyrr var komið
fram við samkynhneigða líkt og um glæpamenn væri að ræða.
En þetta er tákn um betri tíma,“ sagði Taylor við breska fjöl-
miðla.
Hitzlsperger lagði skóna á hilluna á síðasta ári en aðeins
einn atvinnumaður, sem var enn á launaskrá félags, hefur kom-
ið út úr skápnum. Það var Justin Fashanu árið 1990. Nokkur
önnur dæmi má þó tína til.
Halda liðin dyrunum lokuðum?
John Amaechi varð fyrsti NBA-leikmaðurinn til að koma út
úr skápnum. Hann var engin stórstjarna og vakti litla lukku
með Orlando, Utah og Houston á ferlinum. Hann kom út úr
skápnum, 2007 og samfélag NBA-leikmanna tók þeim tíðindum
misvel. Enginn fagnaði beint ákvörðun hans, enginn stóð með
honum heldur voru flestir sem höfðu eitthvað að segja við
hann. Jason Collins úr sömu deild varð fyrsti liðsíþróttamað-
urinn vestan hafs sem greindi frá samkynhneigð sinni meðan á
ferlinum stóð. Fjölmargir fögnuðu ákvörðun Collins en eftir að
hann rann út á samningi hefur ekkert lið komið hlaupandi heim
til hans með samning. Hans NBA-ferli er því væntanlega lokið.
Gareth Thomas er landsleikjahæsti Walesverjinn í rúgbí en
hann kom út úr skápnum 2009 þegar ferillinn var nánast búinn.
Hann hætti 2010. Steven Davies krikketspilari kom reyndar út
úr skápnum 2011 en hann er eini krikketspilari heimsins sem
hefur viðurkennt samkynhneigð sína. Hann spilar með Surrey
og er enskur landsliðsmaður.
Anton Hysén, Olivier Rouyer
og David Testo eru aðrir knattspyrnumennirnir sem hafa komið
út úr skápnum, allt neðri deildar leikmenn. Hysén er enn að
spila í sænsku þriðju deildinni.
Hætti við að hætta
Þó er eftir að segja sögu Bandaríkjamannsins Robbie Rogers
sem spilaði með Leeds en hætti þegar hann ákvað að koma út
úr skápnum á síðasta ári. Rogers flutti aftur til Bandaríkjanna,
burt frá Englandi. Hann óttaðist að fótboltaheimurinn þar í
landi væri ekki tilbúinn enda var hann aðeins annar leikmaður í
enska boltanum sem hafði komið út. En margt hefur breyst frá
því Fashanu kom út úr skápnum 1990. Öllum var sama um
kynhneigð hans. Fyrst hann var góður í fótbolta þá vildu lið
semja við hann. Trúlega vildu öll lið hafa 11 frábæra samkyn-
hneigða leikmenn í byrjunarliðinu en 11 miðlungs gagnkyn-
hneigða. Rogers tók skóna úr hillunni og spilar nú með LA Ga-
laxy. Í maí 2013 kom hann inn á í leik Galaxy og Seattle og
varð þar með fyrsti samkynhneigði atvinnumaðurinn í stóru at-
vinnumannadeildunum í Bandaríkjunum, NFL, NBA, MLB og
MLS.
Vildi bara vera fótboltamaður
Það sem sker Hitzlsperger frá hinum er að hann var mjög góð-
ur fótboltamaður. Landsliðsmaður og spilaði í ensku, þýsku og
ítölsku deildinni. Hann lék 52 landsleiki fyrir Þýskaland og var
bæði á HM 2006 og EM 2008. Meiðsli komu í veg fyrir að
hann tæki þátt í HM 2010.
Eftir að hafa byrjað með unglingaliði FC Bayern samdi hann
við Aston Villa þar sem hann sló í gegn. Hann hélt þó heim til
Þýskalands og samdi við Stuttgart þar sem hann varð meistari
2007. Hann fékk fljótlega viðurnefnið Hamarinn enda var hann
með frábæran fót og mögnuð skot. Flestöll mörk hans mörk
voru með langskotum sem voru oft endursýnd. Ferill hans var
nokkuð góður þó að hann hafi verið óheppinn með meiðsli sem
settu strik í reikninginn. Í september játaði hann sig sigraðan á
meiðslunum og setti skóna upp í hillu. Hann fékk nokkur boð
um samning en var orðinn þreyttur á meiddum líkamanum.
Ólíkt Fashanu vissi Hitzlsperger ekki að hann væri samkyn-
hneigður fyrr en fyrir nokkrum árum. Fashanu vissi það ungur
maður. Hitzlsperger átti kærustu, Ingu, og ætlaði að giftast
henni í júní árið 2007. Hann hætti við brúðkaupið mánuði fyrr.
„Ég gæti ekki ímyndað mér að gera þetta ef ég væri að spila
fótbolta á sama tíma. Í lok ferilsins var ég nokkuð viss um að
ég væri samkynhneigður, að ég vildi vera með manni og búa
með manni.
Fyrir tveimur árum var ég nánast kominn á það stig að vilja
greina frá þessu. Ég hef aldrei skammast mín fyrir þetta og ég
hugsaði um þetta í lok ferilsins. Ég vildi samt meira vera fót-
boltamaður en að tala um einkalíf mitt,“ sagði Hitzlsperger í
viðtalinu í Die Zeit.
Fordómarnir alls staðar
Aðeins er vitað um einn íslenskan fótboltamann sem komið hef-
ur út úr skápnum meðan hann spilaði. Steindór Sigurjónsson,
leikmaður Sindra á Hornafirði í þriðju deild, kom út úr skápn-
um 2009 en hann sagði í viðtali við fótbolta.net að því hefði
verið tekið vel af liðsfélögum sínum þegar hann tilkynnti þeim
að hann hefði tekið skrefið.
Afar sjaldgæft er að karlmenn í hópíþróttum komi op-
inberlega fram með samkynhneigð sína. Af einhverjum ástæð-
um viðurkenna fleiri íþróttakonur samkynhneigð sína. Úr
kvennaknattspyrnu á Íslandi eru t.d. fjölmörg dæmi um sam-
kynhneigðar konur sem stunda íþrótt sína og margar hafa kom-
ist í landsliðið.
Á Ólympíuleikunum í London 2010 voru 10.900 keppendur
skráðir til leiks. 23 voru samkynhneigðir. Þrír voru karlmenn
og enginn í liðsíþrótt.
ÞEGAR ÞÝSKI KNATTSPYRNUMAÐURINN THOMAS HITZLSPERGER KOM ÚT ÚR SKÁPNUM Í BYRJUN
JANÚAR VORU VIÐBRÖGÐ KNATTSPYRNUHEIMSINS ALLT ÖNNUR EN ÞEGAR BRETINN JUSTIN FASHANU
KOM ÚT 1990. FASHANU VAR NÁNAST ÚTSKÚFAÐUR ÚR FÓTBOLTAHEIMINUM OG BRÓÐIR HANS AF-
NEITAÐI HONUM. MARGIR HAFA HINS VEGAR HRÓSAÐ HITZLSPERGER OG LITIÐ ER Á HANN SEM HETJU.
Thomas
Hitzl-
sperger er
stærsta
stjarnan
sem sam-
kynhneigðir
hafa eignast í
heimi knatt-
spyrnunnar.
Anders Lindegaard, varamarkvörður Manchester United,
bloggaði árið 2012 á síðuna sína þar sem hann sagði sína
skoðun. „Leikmenn myndu samþykkja þetta, ekki spurn-
ing. En aðdáendur ekki. Andrúmsloftið er oft erfitt á leik-
vöngum. Knattspyrnuheimurinn er fastur í steinöld og
samkynhneigðir þurfa einhverja hetju til að standa upp.“
Matt Jarvis sat fyrir á forsíðu
hommablaðsins Attitude fyrir
skömmu. Hann er þriðji fótboltamað-
urinn sem prýðir forsíðu blaðsins
en hann fetaði í fótspor Davids
Beckhams (2002) og Freddie Ljung-
bergs (2006).
Hetjan Hitzlsperger
AFPAFP
60 MORGUNBLAÐIÐ SUNNUDAGUR 26.1. 2014
* Sem stuðningsmaður Aston Villa hef ég alltaf dáðst að því semHitzlsperger gerði á vellinum, en ég dáist enn meira að honum ídag. Hugrakkt og mikilvægt skref. David Cameron forsætisráðherra Bretlands.BoltinnBENEDIKT BÓAS
benedikt@mbl.is