Morgunblaðið - Sunnudagur - 23.02.2014, Blaðsíða 25

23.2. 2014 MORGUNBLAÐIÐ SUNNUDAGUR 25
Ótrúlega margir heilsuræktendur sleppa því að teygja á vöðvumbæði fyrir og eftir líkamsrækt. Þá telja margir sig vera aðteygja með því að fara hratt í gegnum 30 teygjuæfingar á
fimm mínútum. Ég þori að fullyrða þetta eftir óformlega rannsókn sem
ég framkvæmdi í síðustu viku en þá tók ég mér
það bessaleyfi að fylgjast með fólki á líkamsrækt-
arstöðvum. Það lítur reyndar ekki vel út að full-
orðin maður viðurkenni slíkar persónunjósnir en
ég réttlæti háttalag mitt í þágu góðs málstaðar
því teygjur virðast vera stórlega vanmetnar hér-
lendis.
Þrátt fyrir að ýmsir misvitrir vísindamenn hafi
dregið gagnsemi teygjuæfinga í efa á síðast-
liðnum árum held ég að allir sem hafa lagt stund
á líkamsrækt viti hversu gagnlegar og góðar slík-
ar teygjuæfingar eru í raun. Það þarf ekki annað
en að fylgjast með háttalagi dýra til að átta sig á
hvað teygjur eru flestum dýrum náttúrulegar og mannskepnan er þar
engin undantekning.
Talið er að teygjuæfingar bæti lið- og hreyfanleika, stuðli að bættri
samhæfingu, bæti árangur við líkamsrækt og vinni gegn meiðslum. Af
þessum sökum ætti enginn að vanmeta mátt teygjuæfinga og það á alls
ekki að sleppa þeim. Mikilvægt er framkvæma teygjuæfingar rétt og
vera meðvitaður um að fara stigvaxandi inn í hverja teygju.
Það borgar sig ekki að rykkja og hamast á vöðvunum og sérstaklega
ekki ef þeir eru kaldir. Teygjur verða mun áhrifaríkari ef þú gefur þér
nægan tíma, t.d. 20 mínútur eftir æfingu og þumalputtareglan er að
hver teygja taki um 30 sekúndur. Mestu máli skiptir þó að hlusta á lík-
amann, draga djúpt andann og njóta þess að teygja á hverjum vöðva
óháð strangri tímatöku. Þeir sem teygja í mesta lagi í 5 mínútur eftir
æfingu eru í raun ekki að auka liðleikann heldur er líklegt að þeir séu í
besta falli eingöngu að viðhalda þeim liðleika sem fyrir var. Mun æski-
legra er að gefa sér lengri tíma, fara í djúpslökun og nota þennan tíma
til að slaka vel á eftir erfiðan vinnudag eða æfingu.
Teygjuæfingar eru góðar fyrir alla og þú þarft ekki að vera inni á sér-
stöku teygjusvæði á líkamsræktarstöð til að leggja stund á slíkar æfing-
ar. Þær er hægt að framkvæma hvar sem er og hvenær sem er, lyk-
ilatriðið er að gefa sér tíma, anda djúpt og njóta.
Allt of margir virðast vanmeta gildi teygjuæfinga við líkamsrækt.
Morgunblaðið/Ernir
NJÓSNAÐ
Í RÆKTINNI
Heilbrigt líf
JÓN HEIÐAR
GUNNARSSON
Í
þróttakempur leynast víða í samfélaginu og þær eru á
ýmsum aldri. Þær koma í öllum stærðum og gerðum
en eiga það sameiginlegt að vera (eða hafa verið) í
góðu líkamlegu formi á einhverjum tímapunkti í sínu
lífi. Kempurnar eru sem betur fer til í að deila reynslu
sinni með okkur og veita okkur góð ráð.
Kempa dagsins er hin 18 ára gamla skíðakona Helga
María Vilhjálmsdóttir. Hún vakti verðskuldaða athygli á
vetrarólympíuleikunum í Sotsjí í vikunni er hún hafnaði
29. sæti í keppni í risasvigi. Þessi árangur er besta frum-
raun íslenskrar skíðakonu á Ólympíuleikum í heil 38 ár
og sá næstbesti frá upphafi. Þá náði hún einnig góðum
árangri í stórsvigskeppni á leikunum en þar endaði hún í
46. sæti.
Þessi rísandi skíðastjarna leggur stund á nám í skíða-
menntaskóla í Noregi og er tilbúin að veita okkur innsýn
í sitt líf.
Hversu oft æfir þú á viku?
Erfitt að segja en við tökum tarnir og þegar við erum
á skíðum æfum við í 4,5 tíma á dag. Annars æfum við í 2
tíma á dag og svo koma auðvitað frídagar þarna inni á
milli.
Henta slíkar æfingar fyrir alla?
Nei, alls ekki, þetta eru að mestu leyti útiæfingar og
það hentar fáum að vera úti í hvaða veðri sem er.
Hvernig er best fyrir nýliða að koma sér af stað?
Ætli það sé ekki bara að æfa eins mikið og hægt er, öll
æfing skilar einhverju.
Hver er lykillinn að góðum árangri?
Þolinmæði, þrautseigja og vilji.
Hvað er það lengsta sem þú hefur hlaupið?
21,6 kílómetra hálfmaraþon.
Hvað ráðleggurðu fólki sem vill hreyfa sig meira?
Að skrá sig í eitthvert námskeið eða æfingar sem eru
með föstum tímum, en flestir eiga erfitt með að finna
tíma eða einfaldlega að koma sér út.
Líður þér illa ef þú færð ekki reglulega útrás fyrir
hreyfiþörfina?
Já, en stundum þarf maður frí og þá er ekkert betra
en að liggja uppi í sófa.
Hvernig væri líf án æfinga?
Ætli ég væri ekki spikfeit, en freistingar
eru minn helsti veikleiki.
Hvernig heldurðu þér í formi þegar þú
ferð í frí?
Ég fer voða sjaldan í frí.
Ertu almennt meðvituð um mat-
aræðið?
Já, ég borða ekki hvað sem er en auðvitað
verður maður að leyfa sér smá.
Hvað borðarðu til að halda þér í formi?
Ég get voða lítið ráðið því, þar sem ég er oft á hótelum
og bara einn valkostur í boði, eða í skólanum með brauð í
nesti.
Hvaða óhollustu ertu veik fyrir ?
Ég er veik fyrir öllu sem er bakað.
Hvað ráðleggurðu fólki sem vill bæta mataræðið?
Að skipta út óhollustunni fyrir vörur sem eru lífrænt
ræktaðar í stað þess að taka allt út.
Hvaða gildi hefur hreyfing og líkamsrækt fyrir þig?
Þetta er lífsstíll og er því stór hluti af lífi mínu og tek-
ur næstum jafn mikið af tímanum mínum og skólinn.
Hver eru heimskulegustu meiðslin sem þú hefur
orðið fyrir?
Erfitt að segja þar sem ég er alltaf að meiða mig á
heimskulegan hátt.
Hvað eru algeng mistök hjá fólki við æfingar?
Þegar ég fer í ræktina sé ég oft fólk sem framkvæmir
æfingar svo vitlaust, það leiðir að meiðslum og verkjum í
líkamanum. Í þokkabót byrjar fólk oft allt of bratt í æf-
ingunum í staðinn fyrir að trappa sig upp.
Hver er erfiðasta mótherjinn á ferlinum?
Ætli það sé ekki bara ég sjálf.
Hvert var hámark ferilsins?
Hann er ekki búinn ennþá.
Skilaboð að lokum?
Það er aukaæfingin sem skapar meistarann.
ÍÞRÓTTAKEMPA VIKUNNAR HELGA MARÍA VILHJÁLMSDÓTTIR
Erfiðasti mótherjinn er ég sjálf
Helga María
Vilhjálmsdóttir
skíðakona.
Chia fræ eru stútfull af hollustu. Þau innihalda prótein, trefjar, kalk,
vítamín, omega fitusýrur og ýmis stein- og andoxunarefni. Þú getur
stuðlað að mun heilsusamlegra mataræði eingöngu með því að bæta
1-2 matskeiðum af chia fræum við daglega neyslu.
Mögnuð chia fræ* Einhvers staðar á bak við hrjúft og vel þjálfaðyfirborð íþróttakonu leynist lítil stelpa semvarð ástfangin af leiknum og leit aldrei til baka.
Haltu áfram að spila fyrir þessa litlu stelpu. Mia Hamm
Sérfræðingar hjá STOÐ aðstoða þig við val á hlífum
Fæst einnig í vefverslun
Stoðar og
Trönuhrauni 8 | 220 Hafnarfirði | Sími 565 2885
stod@stod.is | www.stod.is | Opið kl. 8 - 17 virka daga