Morgunblaðið - 29.03.2014, Qupperneq 23

FRÉTTIR 23Innlent
MORGUNBLAÐIÐ LAUGARDAGUR 29. MARS 2014
Friðrik Már
Baldursson
Göran
Persson
Þorsteinn Már
Baldvinsson
Sigmundur Davíð
Gunnlaugsson
Ásdís Halla
Bragadóttir
Björgólfur
Jóhannsson
Sigrún Ragna
Ólafsdóttir
Margrét Pála
Ólafsdóttir
Stephane
Garelli
Skráning á www.sa.is
ÁRSFUNDUR ATVINNULÍFSINS 2014
Í HÖRPU – SILFURBERGI
FIMMTUDAGINN 3. APRÍL KL. 14-16
AUKIN SAMKEPPNISHÆFNI
BETRI LÍFSKJÖR ALLRA
Netagerð að loknum fundi kl. 16-17, tónlist og tilheyrandi.
Fundurinn verður sýndur beint á vef Samtaka atvinnulífsins.
SAMTÖK ATVINNULÍFSINS#arsfundur
ÁVÖRP
Björgólfur Jóhannsson, formaður Samtaka atvinnulífsins.
Sigmundur Davíð Gunnlaugsson, forsætisráðherra.
AUKIN SAMKEPPNISHÆFNI
Friðrik Már Baldursson, prófessor við Háskólann í Reykjavík.
GÓÐ RÁÐ AÐ UTAN
Stephane Garelli, framkvæmdastjóri IMD – rannsóknarstofnunar um
samkeppnishæfni þjóða heims og prófessor við IMD viðskiptaháskólann í Sviss.
Göran Persson, fyrrverandi forsætisráðherra Svíþjóðar.
BETRI LÍFSKJÖR – KJARNI MÁLSINS
Ásdís Halla Bragadóttir, stofnandi og forstjóri Sinnum.
Þorsteinn Már Baldvinsson, stofnandi og forstjóri Samherja.
Margrét Pála Ólafsdóttir, stofnandi og forstjóri Hjallastefnunnar.
Fundarstjóri: Sigrún Ragna Ólafsdóttir, forstjóri VÍS.
Lögreglan á höfuðborgarsvæðinu
handtók þrjá karla á þrítugsaldri í
tveimur fíkniefnamálum sl. fimmtu-
dag. Tveir mannanna voru hand-
teknir á bifreiðastæði í austurborg-
inni þegar lögreglumenn urðu vitni
að sölu fíkniefna, að því er fram
kemur í tilkynningu frá lögregl-
unni.
„Í framhaldinu var framkvæmd
húsleit í tveimur íbúðum í borginni
og einum bílskúr, en lagt var hald á
um 100 söluskammta af kannabis-
efnum, auk peninga sem taldir eru
vera tilkomnir vegna fíkniefnasölu.
Þriðji maðurinn var handtekinn í
Kópavogi, en á heimili hans var
lagt hald á kannabisplöntur, sölu-
skammta af kannabisefnum og 20
söluskammta af ætluðu amfeta-
míni,“ segir í tilkynningunni.
Urðu vitni
að fíkni-
efnasölu
 Lögðu hald á kanna-
bis og amfetamín
Morgunblaðið/Júlíus
Fyrsti aðalfundur Fjöreggs, félags
um náttúruvernd og heilbrigt um-
hverfi í Mývatnssveit,var haldinn í
Skjólbrekku á fimmtudagskvöldið.
Undirbúningur að stofnun þessa
félags hefur staðið yfir í vetur.
Á þessum fyrsta aðalfundi voru
lög samþykkt fyrir félagið og stjórn
kosin, formaður er Harpa Barkar-
dóttir. Samþykkt var m.a. að ein-
staklingsaðild að félaginu yrði óháð
búsetu, en stjórnarseta bundin
heimilisfestu í sveitinni.
Undir liðnum önnur mál bar Kári
Þorgrímsson í Garði fram tillögu:
„Fundurinn skorar á orku- og auð-
lindaráðherra og Alþingi að taka
Bjarnarflagsvirkjun úr nýtingar-
flokki áætlunar um vernd og nýt-
ingu landsvæða. (Rammaáætlun-
ar)“.
Eftir töluverðar umræður og líf-
leg skoðanaskipti þar sem fjölmarg-
ir tóku til máls var borin fram frest-
unartillaga sem var felld en tillaga
Kára síðan samþykkt með þorra at-
kvæða.
Auk aðalfundarstarfa og fyrr-
greindrar tillögu um Bjarnar-
flagsvirkjun flutti framkvæmda-
stjóri Sorpsamlags Þingeyinga,
Hafsteinn H. Guðmundsson, kynn-
ingu á ástandi og framkvæmd sorp-
hirðumála í héraðinu á undanförnum
árum ásamt framtíðarhorfum og var
góður rómur gerður að máli hans.
Fundinn sóttu um 50 manns og
lætur nærri að 25% fundargesta
tækju til máls á fundinum, sem stóð
í nær 4 klukkustundir.
Fundarstjóri var Sigrún Stefáns-
dóttir frá Akureyri.
Ályktuðu um Bjarnarflag
Morgunblaðið/Birkir Fanndal
Stjórn Nýkjörin stjórn náttúruverndarfélagsins Fjöreggs í Mývatnssveit.
Frá vinstri eru Halldór Þ Sigurðsson, Óli Þröstur Stefánsson, Harpa Bark-
ardóttir, formaður Fjöreggs, Kári Þorgrímsson, Arngrímur Geirsson, Berg-
þóra Kristjánsdóttir, Arnþrúður Dagsdóttir og Bergþóra Kristjánsdóttir.
 Félag um náttúruvernd og heilbrigt umhverfi í Mývatnssveit
Embætti sér-
staks saksóknara
hefur kært úr-
skurð Héraðs-
dóms Reykjavík-
ur í máli
Hannesar Smára-
sonar til Hæsta-
réttar. En á mið-
vikudag vísaði
héraðsdómur frá
ákæru á hendur
Hannesi fyrir fjárdrátt á þeim for-
sendum að verknaðarlýsing í ákær-
unni væri óljós.
„Við teljum að þessi niðurstaða fái
ekki staðist,“ sagði Ólafur Þór
Hauksson, sérstakur saksóknari, í
samtali við mbl.is.
Ólafur sagðist eiga von á því að
málið yrði tekið fyrir hjá Hæstarétti
innan skamms tíma. Um mjög af-
markað atriði væri að ræða. Ólafur
sagði að embættið væri á öndverðum
meiði við niðurstöðu héraðsdómara
en staðfesti Hæstiréttur úrskurð
héraðsdóms hefur ákæruvaldið
möguleika á því að bæta úr og ákæra
að nýju að sögn Ólafs. „Við tökum
hvert skref fyrir sig í þessu og reyn-
um að vanda málsmeðferðina eins og
við getum“.
Kærir úr-
skurð um frá-
vísun ákæru
Ólafur Þór
Hauksson