Morgunblaðið - 19.07.2014, Blaðsíða 14

VEIÐI
Skúli Halldórsson
sh@mbl.is
Nýjustu veiðitölur frá Lands-
sambandi veiðifélaga þykja ekki
vera til marks um gott veiðiár. Það
sem af er sumri hefur veiðst miklu
minna af laxi en í meðalári. Sú von
virðist horfin sjónum að sumarið
yrði jafn hagstætt laxveiðimönnum
og metsumarið í fyrra.
Óðinn Sigþórsson, formaður
Landssambands veiðifélaga, segir
tölurnar í ár koma mönnum gjör-
samlega í opna skjöldu.
„Fyrir sumarið voru í raun öll
teikn á lofti um að laxveiðisumarið
yrði frábært. Aðstæður í hafinu voru
ekki eins og þær voru árið 2011, en
það sumar var hafið kalt og hafði að
geyma lítið seltumagn, sem gerði
það að verkum að lítið var um átu.
Núna sýndu mælingar hins vegar að
allir þessir þættir væru í góðu lagi.
Þá var seiðabúskapur ánna með hinu
besta móti. Nú þurfa vísindamenn
því að ráða ráðum sínum og finna út
hvað veldur þessu hruni.“
Sumarið ekki með öllu slæmt
Hann segir þó að sumarið sé ekki
með öllu slæmt. Til að mynda hafi
stórlaxinn verið með allra besta móti
í ár. „Við höfum ekki séð það áður að
tveggja ára laxinn geti borið uppi
veiðina fram á sumar eins og verið
hefur núna. Margir hafa því getað
glaðst yfir því að draga flotta og
skemmtilega stórlaxa á land,“ segir
Óðinn.
„Eitt mesta umhugsunarefnið,
hvað þessi mál varðar, er þetta gríð-
arlega misgengi á milli ára. Á þess-
ari öld höfum við verið með þokka-
lega sterkar smálaxagöngur og heilt
á litið hefur laxveiðin verið í mjög
góðu lagi, eftir dapran tíunda ára-
tug. Svo kemur árið 2012 sem var
auðvitað mjög slakt ár. Þar á eftir
kemur 2013 sem býður upp á stang-
veiði eins og hún gerist best. Í ár er-
um við svo aftur að sjá mikla sveiflu
niður á við. Veiðimenn eru vanir
langtímasveiflum sem ganga yfir
nokkur ár en nú er gríðarlegur mun-
ur á milli ára og þetta er sannarlega
vert rannsóknarefni,“ segir Óðinn,
og bætir við að úr því sem nú sé
komið sé ólíklegt að sumarið nái
sömu veiðitölum og meðalár.
Hlýrri sjór hindrar spár
Sigurður Guðjónsson, forstjóri
Veiðimálastofnunar, segir að flestar
forsendur hafi verið fyrir hendi til að
laxveiðisumarið yrði gott. „Til að
mynda gekk sterkur seiðastofn til
sjávar í fyrravor. Svo virðist sem
sjórinn hafi þó tekið illa við þeim.“
Þá segir hann að erfitt sé fyrir vís-
indamenn að spá fyrir um laxveið-
ina. „Við vorum komin með ákveðna
vísa í umhverfinu, hiti og sjávarselta
að vori sögðu oft mikið fyrir um veið-
ina. En allar þær vísitölur eru farnar
í þessu óvenjulega ástandi þegar
sjórinn er orðinn 2-3 gráðum hlýrri
en hefur verið. Forsendurnar fyrir
öllum okkar spámódelum eru eig-
inlega brostnar,“ segir Sigurður.
Ekki hreistrugir upp fyrir haus
Árni Friðleifsson, formaður
Stangveiðifélags Reykjavíkur, segir
tölurnar vera vonbrigði. „Vonin er
að sjálfsögðu stór hluti af veiðinni.
Við vorum að vonast til að með stór-
streyminu um síðustu helgi myndi
smálaxinn skila sér í auknum mæli í
árnar. Það varð þó ekki,“ segir Árni.
Jón Þór Júlíusson hjá veiðifélag-
inu Hreggnasa segir að fátt gott sé
hægt að segja um þessar tölur. „Við
myndum auðvitað allir vilja sjá betri
tölur. Ég hef verið að grúska í þessu
og mér sýnist sem þessu svipi mjög
til þess sem var árið 2007, en ástand-
ið er þó ívið betra í ár. Það ár var
heldur ekki þessi stórlax í aflanum
sem er að halda uppi veiðinni víða,
allavega í mínum ám, Laxá í Kjós og
Grímsá. En það er ekkert sjálfgefið í
veiðinni og þetta væri ekkert spenn-
andi ef við værum alltaf hreistrugir
upp fyrir haus,“ segir Jón Þór, léttur
í bragði.
Risableikja í Litluá
Í vikunni veiddist 80 cm bleikja
sem vó 15 pund í Litluá í Keldu-
hverfi. Sturla Sigtryggsson, stað-
arhaldari á Keldunesi, segir bleikj-
una vera óvenjustóra, þó að hún
komi honum ekki á óvart.
„Það hafa komið margar bleikjur
sem eru yfir 70 cm en þessi bleikja
slær þó metið í sumar og í raun má
leita nokkuð langt aftur til að finna
stærri bleikju.“
Sturla segir sumarið í Kelduhverfi
hafa reynst vel hingað til. „Þetta ár
er mjög gott, í vatninu hafa veiðst
rúmlega 500 bleikjur og það sem af
er sumri hafa veiðst næstum þúsund
fiskar í ánni.“
Litlaá er um margt sérstök, þar
sem hún á sér upptök í Brunnum, en
þar er vatnið óvenjuheitt. Í ánni
blandast vatnið kaldara vatni sem
gerir það að verkum að meðalhiti
vatnsins í ánni er í kringum 12°C.
Vaxtarhraði fiska í ánni er mikill og
er sjóbirtingsstofn árinnar einn sá
stærsti á landinu. Til dæmis veiddist
þar stærsti sjóbirtingur landsins ár-
ið 2004, 23 punda ferlíki.
Smálaxagöngur með minnsta móti
 „Forsendur fyrir spámódelum brostnar,“ segir forstjóri Veiðimálastofnunar  „Öll teikn voru á
lofti um frábært laxveiðisumar,“ segir formaður LV  Stórlaxinn heldur veiðinni uppi víða um land
Glaðbeittur Hópur Færeyinga veiðir árlega hjá Laxárfélaginu og þeir veiddu þennan myndarlega lax í vikunni.
Aflahæstu árnar
Heimild: www.angling.is
Blanda (14)
Þverá-Kjarrá (14)
Norðurá (15)
Eystri-Rangá (18)
Miðfjarðará (10)
Haffjarðará (6)
Laxá í Aðaldal (18)
Laxá á Ásum (2)
Elliðaárnar (6)
Ytri-Rangá & Hólsá, v. (20)
Vatnsdalsá í Húnaþingi (7)
Selá í Vopnafirði (7)
Laxá í Kjós (8)
Grímsá og Tunguá (8)
Víðidalsá (8)
Veiðivatn (Stangafjöldi) Veiði
Á sama tíma
Staðan 16 júlí 2014
2013 2012
1030
1423
1817
438
678
905
218
187
517
516
189
156
330
515
170
490
326
592
598
318
543
193
73
514
601
100
474
182
188
72
882
505
470
363
328
285
208
201
200
189
176
152
132
131
130
14 FRÉTTIRInnlent
MORGUNBLAÐIÐ LAUGARDAGUR 19. JÚLÍ 2014
Villidýr á verði · tiger.is
„Onímeððetta!“
Hrannast upp drasl af óþörfu? Leystu málið með Tigerkörfu!
Þriggja (stiga) körfusett 4500 kr.
Röð og regla
Sendum í póstkröfu · s. 5288200
Alls sóttu 30 um stöðu bæjarstjóra í
Hafnarfirði, tveir drógu umsókn sína
til baka, en umsóknarfrestur um
stöðuna rann út 13. júlí sl.
Bæjarstjórn Hafnarfjarðar sam-
þykkti á fundi sínum 18. júní að aug-
lýsa stöðu bæjarstjóra lausa til um-
sóknar og fól bæjarráði ábyrgð á
ráðningarferlinu. Skipuð var þriggja
manna valnefnd sem fékk það hlut-
verk að greina starfið, skilgreina
hæfniskröfur, stýra matsferlinu og
meta hæfi umsækjenda. Í valnefnd-
inni eru Rósa Guðbjartsdóttir, Guð-
laug Kristjánsdóttir og Gunnar Axel
Axelsson.
Umsækjendur um stöðuna eru Ás-
geir Einarsson, Ásta Dís Ólafsdóttir,
Baldur Þórir Guðmundsson, Bergur
Hauksson, Bjarki Jóhannesson,
Drífa Jóna Sigfúsdóttir, Egill Anton
Hlöðversson, Elín Björg Ragnars-
dóttir, Erla Björk Þorgeirsdóttir,
Guðmundur Jóhann Árnason, Guð-
rún Pálsdóttir, Gylfi Kristinn Sigur-
geirsson, Haraldur L. Haraldsson,
Jóhann Guðni Reynisson, Jón Hrói
Finnsson, Jón Ólafur Gestsson, Jón
Ólafur Ólafsson, Kristinn Dagur
Gissurarson, Kristinn Tómasson,
Magnús Jóhannesson, Magnús Ægir
Magnússon, María Kristín Gylfa-
dóttir, Ólafur Guðjón Haraldsson,
Ólafur Ólafsson, Óli Örn Eiríksson,
Páll Línberg Sigurðsson, Þórður
Sverrisson og Þórey S. Þórisdóttir.
Morgunblaðið/Eggert
Hafnarfjörður Íbúar bíða nú spenntir eftir því hver verður bæjarstjóri.
30 vilja bæjarstjóra-
stólinn í Hafnarfirði
 Valnefnd metur umsækjendur