Morgunblaðið - 19.07.2014, Qupperneq 47

MENNING 47
MORGUNBLAÐIÐ LAUGARDAGUR 19. JÚLÍ 2014
STOFNAÐ1987
einstakt
eitthvað alveg
Ú r v a l e i n s t a k r a m á l v e r k a o g l i s t m u n a e f t i r í s l e n s k a l i s t a m e n n Sk i pho l t 50a | S ím i 581 4020 | www.ga l l e r i l i s t . i s
M
ál
ve
rk
:
Á
sg
ei
r
Sm
ar
i
Guðrún Ingibjörg Þorgeirsdóttir
gith@mbl.is
Tónlistarhátíðin KEXPort er haldin í
dag, laugardaginn 19. júlí, í þriðja
sinn. Eins og áður er um útitónleika
að ræða og fara þeir fram í portinu
við Kex Hostel en þar er svið sem
byggt var fyrir fyrstu KEXPort há-
tíðina árið 2012 og stendur enn vakt-
ina. Aðstandendur hátíðarinnar eru
Kex Hostel, KEXLand og banda-
ríska útvarpsstöðin KEXP. Stöðin
hefur komið árlega til landsins á
Airwaves-tónlistarhátíðina og út-
varpað beint frá þeim tónleikum
Airwaves sem fram fara á Kex Hos-
tel en íslenskar hljómsveitir hafa
þannig fengið tækifæri á spilun og
tónleikahaldi úti í Bandaríkjunum.
Ein af hugmyndunum á bak við há-
tíðina er því að styrkja samband
stöðvarinnar við Kex Hostel. Áheyr-
endur mega búast við sannkölluðu
tónlistarmaraþoni, því hátíðin hefst
kl. tólf á hádegi og lýkur ekki fyrr en
kl. tólf á miðnætti.
Nýjar hljómsveitir árlega
„Það má eiginlega kalla þetta hálf-
maraþon,“ segir Baldvin Esra, port-
maður hátíðarinnar. „Þetta verða
tólf hljómsveitir alls, sem koma fram
á tólf klukkutímum. Það verða auð-
vitað uppstillingarhlé á milli atriða
en annars er þetta allt í beit.“ Fjöl-
breytt úrval hljómsveita kemur fram
á hátíðinni í ár og eru þær ekki af
verri endanum en flytjendur verða
1860, Atónal blús, Dimma, dj flugvél
og geimskip, Ghostigital, kimono,
Kött Grá Pjé, Low Roar, Mr. Silla,
Pétur Ben, Reykjavíkurdætur og
Sometime.
„Við reynum eftir fremsta megni
að halda þessu fersku og skemmti-
legu með því hafa nýjar hljómsveitir
á dagskránni hjá okkur, það er lítið
gaman að festast alltaf í sama
farinu,“ segir Baldvin. „Reyndar er
ein hljómsveitanna í ár að koma í
annað sinn til okkar, Ghostigital, en
þeir voru með lokaatriðið á fyrstu há-
tíðinni 2012. Þeir verða þá eina
hljómsveitin sem hefur spilað hjá
okkur oftar en einu sinni.“
Góð stemning er vanalega í port-
inu þegar hátíðin fer fram. „Auðvitað
eru einhverjir sem koma við, hlusta í
svolitla stund og fara svo eitthvað
annað en það eru líka alltaf margir
sem koma til okkar á hádegi og fara
ekki fyrr en á miðnætti,“ útskýrir
Baldvin.
Óvænt uppákoma
Þegar svona mörg bönd spila í ein-
um pakka, er líklega erfitt að gera
upp hug sinn ef ekki er tími til að
hlusta á þau öll. Fyrir hverju er port-
maðurinn hvað spenntastur? „Ég er
auðvitað spenntur fyrir þessu öllu en
sérlega spenntur fyrir Dimmu – þeir
eru nefnilega búnir að segjast ætla
að vera með svolítið „show“. Svo
verða Reykjavíkurdætur með loka-
atriðið í ár og það verður skemmti-
legt. Sjálfur er ég líka mikill aðdá-
andi dj flugvél og geimskips, hún er
töffari. Þannig að það er af nógu að
taka.“ Inntur eftir því hvers konar
„show“ sé á dagskrá Dimmu, segist
Baldvin ekki hafa heyrt nein staðfest
smáatriði þar að lútandi. „Ég veit
ekki nákvæmlega hvað þetta verður
en er spenntur. Umfangið fer líka að
einhverju leyti eftir veðri, veðurspáin
hótar rigningu en við sjáum hvað set-
ur.“ Baldvin segir þeirri hugmynd
hafa verið slegið upp í gríni að dansa
regndans fyrr um morguninn til að
afstýra rigningu. Blaðamanni líst vel
á hugmyndina og leggur til að fólk
leggist á eitt og dansi slíkan dans
heima við áður en það mætir á KEX-
Port. Getur varla sakað.
Augljóst er að engin ástæða er til
að sitja heima í dag, en frítt er inn á
KEXPort-tónlistarhátíðina. „Ég
hvet sem flesta til að mæta,“ segir
Baldvin. „Það er gott að njóta lífsins
á Kex Hostel.“
Hálfmaraþonið
KEXPort í dag
Stemning Líf og fjör er á tónlistarhátíðinni KEXPort, sem haldin er utandyra í portinu við Kex Hostel.
Gamaldags Hljómsveitin 1860 treður upp í dag. Töff Sometime lætur sig ekki vanta á hátíðina.
 Tólf hljómsveitir á tólf klukkutímum
Listahátíðin LungA sem fram fer á
Seyðisfirði hefur verið í fullum gangi
undanfarna daga en á dagskránni
hafa verið fyrirlestrar, námskeið og
listasmiðjur. Allt tekur þó enda og
hátíðinni lýkur í kvöld með glæsi-
legum lokatónleikum. Um sannkall-
aða uppskeruhelgi er að ræða því
fyrr um daginn verður afrakstur
listasmiðja vikunnar sýndur. Hljóm-
sveitir sem fram koma á tónleik-
unum eru Cell 7, Prins Póló, Moses
Hightower, Sin Fang, Hermigervill
og Retro Stefsson.
Gaman er að undirbúningi loka-
tónleikanna, en í vikunni sem leið
hafa listamenn, smiðir og arkitektar
unnið hörðum höndum að því að
smíða svið fyrir tónleikana. Sviðið er
hannað af Baldri Helga Snorrasyni,
nema í arkitektúr, og Mads Binde-
rup, arkitekt og smiði. Grunnur
sviðsins er úr fiskikörum en inn-
blástur fengu þeir frá umhverfinu,
höfninni og náttúru Seyðisfjarðar.
Auk þessa sjá listamenn um að
skreyta umhverfið í kring og má þar
nefna gamalt skipshús sem hlotið
hefur nýtt líf sem bar.
„Tónleikarnir í ár verða haldnir
svolítið utan við bæinn,“ segir El-
ísabet Karlsdóttir, einn skipuleggj-
enda listahátíðarinnar. „Auðvitað er
mikil vinna að hanna og smíða okkar
eigið svið en það væri hvort sem er
mikil vinna að flytja svið til okkar.
Auk þess fannst okkur skapandi svið
hæfa hátíðinni mun betur en venju-
legt svið. Fólk hefur unnið að list-
sköpun hér alla vikuna og sviðið er
hluti af því.“
Miðasala á lokatónleikana fer
fram á midi.is en rútuferðir verða
frá höfuðstöðvum LungA, Herðu-
breið, að tónleikasvæðinu.
gith@mbl.is
Smíða svið fyrir
lokatónleikana
Ljósmynd/Magnús Elvar Jónsson
Í smíðum Svið LungA er listrænt og skapandi, enda afrakstur listahátíðar og innblásið af náttúru Seyðisfjarðar.