Morgunblaðið - Sunnudagur - 26.10.2014, Side 22

22 MORGUNBLAÐIÐ SUNNUDAGUR 26.10. 2014
Ferðalög og flakk
H
allir með grænslegnum
koparþökum, listafagrar
kirkjur, ólgandi síki,
fljótabátar, steinbrýr og
víðfeðm torg. Niður aldanna og
saga við hvert fótmál en samt svo
auðvelt að vera bara í núinu. Setj-
ast niður á veitingahúsum og kaffi-
stað og virða fyrir sér mannlífið.
Lifa sig inn í stemningu stundar.
Svona eru Feneyjar. Lýsingin gæti
þó allt eins átt við um Kaupmanna-
höfn. Ákveðinn svipur er með þess-
um tveimur stöðum þótt margt sé
gjörólíkt.
Í ósæð umferðarinnar
Frá bryggjunni á fastalandinu er
um það bil hálfrar stundar ferð til
Feneyja. Léttir smábátar eru not-
aðir til farþegaflutninga og ótölu-
legur fjöldi þeirra var á stíminu.
Karlinn sem sat undir stýri á bátn-
um, sem við Íslendingarnir fórum
með, virtist þaulvanur í sínu hlut-
verki. Þræddi með beygjum fram
hjá boðum og bátum og svo inn á
Canal Grande, sem er ósæð um-
ferðarinnar í Feneyjum. Er hlið-
stæða við Miklubraut í Reykjavík,
nema hvað þessi er S-laga. Og að-
albrautin þarf alltaf að vera greið-
fær, því hundruð þúsunda ferða-
manna heimsækja staðinn á hverju
einasta ári.
Það var á 5. öld eftir Krist sem
Feneyjar voru stofnaðar en þær
urðu fljótt verslunarstaður og mið-
stöð menningar og lista. Þegar
komið var fram á 8. öldina urðu
Feneyjar sjálfstæðar og héldu því
fram undir lok 18. aldarinnar, þeg-
ar sameining við Ítalíu varð nið-
urstaðan.
Hallir og tíu kirkjur
Í dag eru Feneyjabúar alls 67 þús-
und talsins og hefur fækkað tals-
vert á næstliðnum áratugum. Kem-
ur þar til landþröng sem aftur
hefur leitt af sér húsnæðisskort og
hátt leiguverð. Þá býður eyjalífið
kannski ekki upp á þá möguleika til
litríks lífs sem ungt fólk sækist eft-
ir. Fyrir vikið sækir það á ný mið.
Í Feneyjum, sem samanstanda af
ótölulegum fjölda eyja, hólma og
skerja, eru um 180 síki með um 400
brúm, ef einhver hefur þá tölu yf-
irleitt á hreinu. Við aðalæðina, það
er Canal Grande, eru ekki færri en
200 listahallir og tíu kirkjur.
Ævintýri í gondólum
Miðpunktur þessa alls er auðvitað
Markúsartorg með Markúsarkirkju
og skammt frá er Hertogahöllin. Á
þessum slóðum var mýgrútur
ferðamanna og sumir gerðu sér til
gamans að láta dúfur setjast á höf-
uð sér og herðar – og skreyta sig
þannig. Þá sat vænn hópur við eina
kaffihúsahöllina, þar sem hljóðfæra-
leikarar, sumir hverjir komnir frá
Moldóvu, slógu taktinn á við þrjá.
Léku standarda eins og All of me
og Evvítulagið fræga Don’t cry me
for Argentina.
Og þessi listamúsík og allskonar
ástarsöngvar ómuðu í huga fólksins
þegar snúið var til baka. Þá vorum
við í mótorbátnum sem renndi sér
fram úr gondólunum. Þar stóðu
ræðarar á skutnum og stjökuðu sér
áfram með árinni og í sætum var
fólk sem lifði ævintýrið alveg í
botn.
Markúsarkirkjan er
tilkomumikil og falleg
bygging þó að hún sé
nú að hálfu hulin
vegna viðgerða.
FENEYJUM SVIPAR TIL KAUPMANNAHAFNAR
Ævintýri í gondólum
HUNDRUÐ ÞÚSUNDA FERÐAMANNA KOMA TIL FENEYJA ÁRLEGA. ÞEIR TAKA
BÁT, SPÓKA SIG UM Á STRÆTUM OG FÁ SÉR HRESSINGU Á MARKÚSARTORGINU
ÞAR SEM TÓNLISTARMENN SLÁ TAKTINN Á VIÐ ÞRJÁ.
Sigurður Bogi Sævarsson sbs@mbl.is
* Í Feneyjum, semsamanstanda afótölulegum fjölda eyja,
hólma og skerja, eru
um 180 síki með um
400 brúm.
Í Feneyjum eru fljótabátar allt í senn strætisvagn og einkabíll, enda verður ekki um borgina farið nema á fleyi. Kirkja heilagrar Maríu, reist henni til dýrðar 1631 til að hefta útbreiðslu Plágunnar miklu.