Morgunblaðið - 06.11.2014, Blaðsíða 14

14 FRÉTTIRInnlent
MORGUNBLAÐIÐ FIMMTUDAGUR 6. NÓVEMBER 2014
SVIÐSLJÓS
Viðar Guðjónsson
vidar@mbl.is
Möguleikar höfuðborgarsvæðisins
þegar kemur að hafntengdri ferða-
þjónustu eru vannýttir. Fyrir vikið
vinnur Höfuðborgarstofa að því að
vekja íbúa af höfuðborgarsvæðinu
til meðvitundar þá þjónustu sem er
umhverfis gamla hafnarsvæðið auk
þess að veita ferðamönnum af
skemmtiferðaskipum, sem leggjast
að í Reykjavík, tækifæri á að upp-
lifa svæðið með skilvirkari hætti.
„Okkur langar að setja meiri „fók-
us“ á gömlu höfnina, sem fengið
hefur endurnýjun lífdaga. Um-
hverfis höfnina er sjálfsprottinn
pottur af menningu, hönnun og
ferðaþjónustutengdum hlutum. Að
sumu leyti eru Reykvíkingar ekki
búnir að fatta það hvaða mögu-
leikar eru í kringum höfnina. Þar
eru flottir veitingastaðir og margt
í gangi. Við beindum athygli okkar
að þessu svæði á menningarnótt í
fyrra og teljum mikil sóknarfæri í
viðburðahaldi og öðru á þessu
svæði“ segir Einar Bárðason, for-
stöðumaður Höfuðborgarstofu.
Óttast að missa af skipinu
Hann segir að stofan hafi átt í
samræðum við Faxaflóahafnir um
að nýta enn betur þann straum
ferðamanna sem er að koma með
skemmtiferðaskipum sem leggjast
að við Skarfabakka og Miðbakka.
„Það eru í raun betri sóknarfæri
með skipin sem eru að leggjast að
við Miðbakka sem er nær mið-
bænum. Stærsta verkefnið felst í
framleiðslu þemakorta, þar sem
við erum að beina athygli að
ákveðnum þáttum sem höfuðborg-
arsvæðið hefur upp á að bjóða,“
segir Einar.
Meðal annars nefnir hann hönn-
unarkort þar sem merktar eru
hönnunarverslanir og söfn á öllu
höfuðborgarsvæðinu. „Fólk sem
kemur hingað með skemmti-
ferðaskipum hefur oft ekki nema
sólarhring eða dagsstund á hönd-
um sér. Við höfum komist að því að
það sem þetta fólk er hræddast við
er að missa af skipinu.“ segir Ein-
ar. Að auki eru uppi hugmyndir
um að gera bjórkort og veit-
ingastaðakort. Bjórkortið er að
sögn Einars að belgískri fyr-
irmynd og hafa yfirvöld í Brussel
gert sams konar kort. Á það eru
merkt inn brugghús og veitinga-
staðir sem selja sinn eigin bjór,
auk þess sem þar eru tilgreindir
eru staðir sem hafa mest úrval af
erlendum, sem innlendum bjór.
Reykvíkingar skilja ekki höfnina
 Möguleikar í hafntengdri ferðaþjónustu  Þemakort fyrir ferðamenn sem koma með skemmtiferða-
skipum  Bjórkortið hjálpar fólki í besta bjórinn  Sinna þarf áhöfnum því þar er besta sölufólkið
Morgunblaðið/Styrmir Kári
Skemmtiferðaskip Farþegar af skemmtiferðaskipum óttast það mest að missa af skipinu og fara því gjarnan ekki
langt. Fyrir vikið hefur höfuðborgarstofa gert þemakort sem hjálpar fólki að komast þangað sem áhuginn liggur.
,,Með þess-
um áherslu-
kortum get-
ur fólk verið
á eigin veg-
um og
kannað það
sem vekur
mestan
áhuga hjá
þeim með
skilvirkum
hætti. Með þessu móti er fólk
ekki bara ráfandi um í smá
tíma áður en það fer í skipið
aftur til að missa ekki af
farinu,“ segir Einar.
Bestu sölumennirnir
Hann segir að jafnframt séu
áætlanir um að sinna áhöfn-
unum betur. ,,Fólkið sem vinn-
ur í bátunum er náttúrlega
bestu sölumennirnir. Það í
þessu allt árið og sama fólkið
sem kemur hér til lands aftur
og aftur. Við ætlum að vera
með áhafnarkaffihús og annað
slíkt til að ná betri sam-
skiptum við þær," segir Einar.
Fólk ráfi ekki
lengur um
ÁHÖFNUM BETUR SINNT
Einar
Bárðarson
Nú styttist í að skíðaáhugafólk geti
dregið fram búnað sinn og brunað
niður brekkurnar. Starfsmenn
skíðasvæðanna um allt land eru í
startholunum en forstöðumenn
skíðasvæðanna komu saman til ár-
legs haustfundar í gær.
Viggó Jónsson, umsjónarmaður
skíðasvæðis Skagfirðinga í Tinda-
stóli, segir stefnt að því að opna 14.
nóvember næstkomandi. Snjórinn er
mættur á svæðið en Viggó vonast til
þess að veðurguðirnir bæti í.
Í vetur verður sú nýbreytni að
skíðasvæðin á Norðurlandi samein-
ast um einn passa, sem getur gilt á
öll svæðin. Viggó segir þetta spenn-
andi nýjung. Siglfirðingar stefna að
því að opna sitt svæði 22. nóvember
og á vef Hlíðarfjalls kemur fram að
þar verði opnað 19. desember. Í
Oddsskarði stendur til að opna ann-
an í jólum.
Göngubrautir í Seljalandsdal á
Ísafirði verða opnaðar fyrir alvöru
næsta mánudag en óvíst er hvenær
lyfturnar fara í gang. Svipaða sögu
er að segja af Böggvisstaðafjalli við
Dalvík. Í Bláfjöllum er vonast til
þess að veður leyfi opnun síðar í
þessum mánuði eða þeim næsta. Þar
fara vetrarkort í tilboðssölu 1. des.
Morgunblaðið/Björn Björnsson
Tindastóll Skíðasvæði Skagfirðinga snævi þakið fyrir fáum árum. Nú
styttist í að það verði opnað, sem og fleiri skíðasvæði á landinu.
Styttist í að skíða-
svæðin verði opnuð
 Stefnt að opnun í Tindastóli 14. nóv.
Sýslumaðurinn í Reykjavík hefur
í samræmi við úrskurð Héraðs-
dóms Reykjavíkur lagt lögbann á
að Síminn veiti aðgang að til-
teknum vefsíðum. Síminn mun því
loka fyrir aðgang að umræddum
vefsíðum í dag, fimmtudag. Um
er að ræða sex slóðir að tveimur
netsíðum sem bjóða höfund-
arvarið efni án leyfis efniseig-
enda. Þetta eru annars vegar
slóðir að síðunni Deildu.net og
hins vegar að The Pirate Bay.
Lögbannið setur sýslumaður að
kröfu STEFs, Sambands tón-
skálda og eigenda flutnings-
réttar.
Í tilkynningu segist Síminn
taka undir mikilvægi þess að höf-
undarréttur sé virtur.
Síminn lokar á Deildu og The Pirate Bay
Uppskriftina í heild sinni ásamt eldunaraðferð
er að finna á www.holta.is/uppskriftir.
Rauðvínssoðinn, reyktur kjúklingur
með skallottulauk og sveppum.