Stígandi - 01.10.1946, Blaðsíða 33

væri miklu meira en hlutur hans eins á vorvertíð tveimur árum
áður.
Ekki bjó Jón lengi í „íbúðarhúsi" sínu á Grenivík. Vorið 1861
flutti hann búferlum norður í Keflavík í Fjörðum. Sá búferla-
flutningur mun nútímamönnum þykja einkennilegur og jafnvel
vandræðalegur, því að eigi getur nú eyðilegri stað eða afskekkt-
ari en Keflavík. En samtímamönnum Jóns hefir ólíklega þótt
nokkuð athugavert við þessi bústaðaskipti, því að þeir kunnu skil
á mörgum þvílíkum. Þannig hafði Hákarla-Jörundur áður flutt
frá Grenivík út í Hringsdal og þaðan út á Grímsnes á Látra-
strönd, þó að hann flytti að vísu þar á eftir aftur inn til Hríseyjar.
Guðmundi í Hvammi hafði þótt það eftirsóknarvert að flytja út
að Steindyrum og síðar flutti hann að Vík á Flateyjardal. Einhver
farsælasti hákarlamaðurinn, Jónas Jónsson, bjó að Látrum, Afla-
Steinn hóf hákarlaútgerð á Svæði við Grenivík, en flutti þaðan út
í Vík í Héðinsfirði, og í Úlfsdölum vestan Siglufjarðar var „Páll í
Dölum" með Dalaúlf sinn. Hákarlaveiðarnar teygðu kappsöm-
ustu og dugmestu formennina og útgerðarmennina út á annesin.
Þar voru einmitt eftirsótitustu jarðirnar um þessar mundir, þó að
nú séu þær flestar í eyði. Jóni Loftssyni hefir einmitt þótt það
ákjósanlegt að geta lagt jakt sinni innan skerja í Þorgeirsfirði og
farið heim til sín í Keflavík, er hann varð að gera hlé á veiðunum
vegna óhagstæðs veðurs eða tregrar veiði, en þaðan var stutt á góð
mið, undir eins og líklegt þótti að hefja veiðiför. Hinu verður
trauðlega neitað, að eigi var hann þarna vel settur til þátlttöku í
almennu félagslífi, er haustbrim riðu að Norðurlandi eða vetur
gekk í garð með stórviðrum og fannfergi á nyrztu fjallvegum.
En einmitt nú, er Jón flutti í fásinnið norður í Keflavík, sást
bezt, hversu mjög þótti um liann vert. Fyrsta árið, sem hann bjó
þar, bauð Bernhard August Steinke, forstjóri Gudmannsverzlun-
ar á Akureyri og hinn ágætasti maður, honum félagsgerð um út-
gerð á nýju skipi. Eru þau orð höfð eftir Steinke kaupmanni, að
Jón ætti skilið að fá nýtt og gott skip til umráða. Skipið smíðaði
Gisli Jónsson í Svínárnesi, mágur Jóns, og hét Jrað Ingólfur.
Tvennum sögum fer um það, hver mestan hlut hafi áitt í skipinu,
og segja sumir, að Jón hafi átt Jrað að mestu, en aðrir, að það hafi
aðallega verið eign Gudmannsverzlunar eða Steinkes kaupmanns.
En líklegt má telja, að Jreir kaupmaður og Jón hafi átt sinn helm-
inginn hvor í skipinu. Annars gengu skipshlutar mjög kaupum og
sölum og var algengt að menn ættu 1/6, 1/4, 1/3 eða 1/2 skips.
STÍGANDI 271