Fréttablaðið - 11.05.2013, Qupperneq 18

HELGIN
11. maí 2013 LAUGARDAGUR
Atli Fannar Bjarkason
framkvæmdastjóri
Í partí til Ragga
„Ég ætla að fara í partí til
Ragga félaga míns. Hann er
öflugur körfuboltamaður og
fínn gaur. Partí hjá slíkum
mönnum geta ekki klikkað.“
Hjólhestamót Hjóladagur Vestur-
bæjar verður haldinn í annað sinn
í Hagaskóla í dag og byrjar dag-
skráin klukkan 10. Boðið er upp
á þrautabrautir, hjólreiðakeppni,
hjóla viðgerðir, skiptihjólamarkað,
skrúðhjólatúr og fleira.
Nemendur Hagaskóla sjá um veit-
ingasölu og einnig verður markaður
með ýmsan varning. Allir velkomnir,
með eða án hjólhesta.
Hjóladagur Vesturbæjar
Hjólin snúast
Kjarakaup Vínylmarkaðurinn mætir
aftur til leiks á KEX Hostel, í dag. Sér-
staða þessa vínylmarkaðar, sem nú
er haldinn í fjórða sinn, er sú að ein-
ungis er boðið upp á íslenska músík
á vínyl að þessu sinni.
Auk markaðarins munu alls konar
hljómsveitir og tónlistarfólk koma
fram, meðal annarra hljómsveitin
Valdimar, Low Roar, Hjaltalín, Kippi
Kaninus og fleiri.
Fjörið hefst klukkan 13 og stendur
til klukkan 20.
Vínylmarkaður á KEX
Íslenskur vínyll
Hressandi Í dag verður boðið upp á
fjölskyldugöngu á Álftanesi. Gengið
verður frá bókasafninu að Jörva, þar
sem María B. Sveinsdóttir ábúandi
tekur á móti hópnum og leiðir
göngu um svæðið kringum Jörva og
Skansinn.
Mæting í bókasafninu í Álftanes-
skóla, Eyvindarstaðavegsmegin.
Gangan, sem hefst klukkan 11,
tekur um klukkustund og eftir hana
verður boðið upp á hressingu á
bókasafninu. Létt ganga fyrir bæði
börn og fullorðna.
Gengið um Álft anes
Söguganga
Hafið er mér mikill inn-blástur og býr yfir djúpum leyndardóm og sannleik rétt eins og tónlistin fyrir mér. Þessir þættir
sameinast í þessu verki,“ segir
Lilja Birgis dóttir myndlistar-
maður spurð um innblásturinn
að verki sínu Vessel Orchestra
sem er opnunar verk Lista hátíðar
í Reykjavík sem sett verður
næsta föstudag. Í því leika skips-
flautur skipanna sem liggja við
bryggju í Reykjavíkurhöfn en
Lilja mun stýra verkinu frá mið-
bakka Reykjavíkurhafnar. „Það
hefur verið alveg ótrúlega gaman
að undirbúa þetta verk, skip-
stjórarnir og þeir sjómenn sem ég
hef verið í sambandi við eru alveg
yndislegir. Það er mér mikill heið-
ur að fá að vinna með þeim.“
Blaðamaður rölti með Lilju
niður að höfn þar sem þau hittu
fyrir skipstjóra Þórs, eins af varð-
skipum Landhelgisgæslunnar,
sem leiðir okkur um skipið. „Við
verðum bara að fylgjast með verk-
inu á netinu,“ segir Halldór B.
Nellet, skipherra Þórs. „Þór verð-
ur farinn úr höfn en flauturnar í
Tý og Ægi hljóma reyndar miklu
betur,“ segir hann og bendir á
skipin sem liggja við hlið Þórs.
Lilja samdi annað skipaflautu-
verk fyrir listahátíðina Villa
Reykjavík sem haldin var árið
2010. „Núna hef ég fleiri hljóðfæri
og nýja meðlimi í bandinu mínu,“
segir Lilja kímin en nú taka mun
fleiri skip þátt en fyrir þremur
árum. „Og ég verð að bæta við að
Úlfur Hansson hjálpaði mér við
tæknilega gerð verksins.“
Lilja hefur fengist við myndlist
síðan hún útskrifaðist úr Lista-
háskólanum árið 2010. Fyrir utan
að sinna sinni list hefur hún líka
unnið að margvíslegum hönnunar-
verkefnum iðulega í félagi við
systur sína Ingibjörgu. Þær hafa
meðal annars unnið mikið fyrir
tónlistarmenn og hönnuðu til
dæmis plötuumslög fyrir Sigur
Rós og Jónsa, sem er bróðir
þeirra. „Við erum mjög samrýmd-
ar og eigum auðvelt með að vinna
saman. Það er svo auðvelt fyrir
okkur að segja nákvæmlega hvað
okkur finnst um það sem hinir eru
að gera, sem er auðvitað mikill
kostur,“ segir Lilja en meðal þess
sem þær systur eru að fást við eru
verkefni fyrir Norræna húsið og
útgáfa þeirra fyrstu bókar.
„Svo er ég reyndar líka að
vinna fyrir Kling og Bang
gallerí á Hverfisgötu 42 sem er
listamanna rekið gallerí sem fagn-
ar 10 ára afmæli á árinu.“
Vessel Orchestra verður flutt
klukkan 17.30. „Það verður gaman
að heyra flautur skipanna óma
um borgina. Vonandi mæta sem
flestir,“ segir Lilja brosandi að
lokum áður en hún er rokin.
Stjórnar íslenska flotanum
Lilja Birgisdóttir er myndlistarmaður sem samdi tónverk fyrir skipsflautur fyrir nokkrum árum. Það
verk var síðan valið til að opna Listahátíð í Reykjavík sem hefst næstu helgi.
Sigríður Björg Tómasdóttir
sigridur@frettabladid.is
Edda Óskarsdóttir,
fyrirsæta og námsmaður
Þarf að læra
„Ég er í prófum og þarf að
læra um helgina. Það gæti þó
verið að ég kíki í heimsókn
til bestu vinkonu minnar sem
býr í Hveragerði.“
Dagur Hjartarson
rithöfundur
Les Sjálfstætt fólk
„Ég ætla að halda áfram að
lesa Sjálfstætt fólk og svo
ætla ég að vinna í skáldsög-
unni minni Davíð Oddsson
og ég.“
Halldóra Gyða Matthíasdóttir Proppé,
útibússtjóri og lýsandi í Formúlunni
Dale Carnegie og þríþraut
„Ég er á Dale Carnegie-námskeiði fyrir þjálfara
allan daginn í dag en tek mér pásu í hádeginu
fyrir tímatökuna í Formúlunni. Á sunnudaginn
byrja ég daginn á Kópavogsþríþrautinni, fer svo
að lýsa Formúlunni og lýk deginum með góðri
hjólaæfingu.“
Styrkir rannsóknir
Styrktarfélagið Göngum
saman efnir til vorgöngu
fyrir alla fjölskylduna víða
um land á morgun, mæðra-
daginn, klukkan 11. Félagið
styrkir grunnrannsóknir á
brjóstakrabbameini og hefur
frá stofnun veitt íslenskum
rannsóknaraðilum á sviði
brjóstakrabbameins um 32
milljónum. Lagt er af stað frá
Skautahöllinni í Laugardal í
Reykjavík en nánari upplýs-
ingar eru að finna á gongum-
saman.is.
Bolir og höfuðklútar
Gangan er gjaldfrjáls en
göngufólki gefst kostur á að
styrkja rannsóknir á brjósta-
krabbameini með frjálsum
framlögum eða með því að
festa kaup á margvíslegum-
varningi Göngum saman.
Í ár verða meðal annars
seldir bolir og höfuðklútar
sem hannaðir voru sérstak-
lega fyrir félagið af Kron by
Kronkron en á bak við það
merki eru hönnuðirnir Magni
Þorsteinsson og Hugrún
Dögg Árnadóttir.
Brjóstabollur
Styrktarfélagið Göngum
saman nýtur einnig góðs
af samstarfi við Lands-
samband bakarameistara.
Bakarar landsins standa
fyrir sölu á brjóstabollum
í bakaríum um allt land
alla helgina í tengslum við
mæðradaginn. Félagið hvet-
ur landsmenn því til þess
að bjóða upp á gómsætar
brjóstabollur með kaffinu
alla mæðradagshelgina og
láta þannig gott af sér leiða,
brjóstanna vegna.
Gengið saman á mæðradaginn
Árleg ganga til styrktar rannsóknum á brjóstakrabbameini fer fram á morgun. Í ár verða einnig seldir bolir og
höfuðklútar hannaðir af Magna og Hugrúnu í Kron og brjóstabollur í bakaríum til styrktar rannsóknunum.
Borgarnes
Selfoss
Reykjanesbær
Reykjavík
Vestmannaeyjar
Stykkishólmur
Patreksfjörður
Ísafjörður
Blönduós
Siglufjörður
Akureyri
Egilsstaðir
Reyðarfjörður
Höfn
➜ Lilja og systir hennar
Ingibjörg hafa unnið mikið
saman, meðal annars
plötuumslög fyrir bróður
sinn Jónsa í Sigur Rós.
Í GÓÐUM FÉLAGS-
SKAP Lilja Birgis-
dóttir ásamt þeim
Jóhanni Erni
Sigurjónssyni og
Pálma Jónssyni af
varðskipinu Þór.
FRÉTTABLAÐIÐ/VILHELM