Fréttablaðið - 18.05.2013, Blaðsíða 73

KYNNING − AUGLÝSING Útskriftir18. MAÍ 2013 LAUGARDAGUR 7
Ásmundur Kristjánsson á met í einingafjölda frá Verkmenntaskólanum á Akureyri og
þótt víðar væri leitað. Hann hefur lokið námi við skólann í bifvélavirkjun, vélstjórn og
rafvirkjun og er auk þess stúdent af tæknibraut. Samt sem áður titlar hann sig sem
kúreka í símaskránni. Hann brautskráðist síðast í desember 2012.
Glaðbeittir rafvirkjar; brautskráðir úr VMA um síðustu jól og á leið í sveinspróf.
Fjölbreytileiki nemenda-hópsins sem við útskrifum hverju sinni er gífurlegur en við brautskráum hátt í
þrjú hundruð nemendur á ári,“ segir
Hjalti Jón Sveinsson, skólameistari
Verkmenntaskólans á Akureyri.
Nýstúdentar skipa stærstan hluta
útskriftarnema skólans en einnig
brautskráist stór hópur iðnnema og
sjúkraliða, vélstjóra og nemenda af
starfsbraut fatlaðra við skólann. Þá
taka margir nemendur við fleiru en
einu skírteini við athöfnina.
„Vélstjórarnir okkar eiga að baki
lengsta námið en útskrifast líka sem
stúdentar og rafvirkjar. Þá lýkur
stór hópur stúdentsprófi að loknu
starfsnámi, til dæmis sjúkraliðar
og fólk úr iðnnámi sem lýkur jafn-
framt stúdentsprófi. Við leggjum
áherslu á að allir séu með húfur,
hver í sínum lit og athöfnin er öll
hin glæsi legasta,“ segir Hjalti en
brautskráningarathöfn skólans er
haldin í menningarhúsinu Hofi.
„Hof gefur athöfninni mjög
skemmtilegan blæ. Akureyri er
mikill skólabær. Hér er háskóli og
tveir framhaldsskólar og það er allt-
af mikill hátíðarbragur yfir braut-
skráningum skólanna. Þetta er ekki
bara hátíð í hugum nemenda heldur
er brautskráningin hátíð í hugum
fjölskyldna þeirra og starfsfólks skól-
ans. Oft má koma auga á skemmti-
legar aðstæður í tengslum við braut-
skráningarnemendur hverju sinni.
Oft útskrifast systkini saman; annað
af iðnbraut og hitt með stúdentspróf
til dæmis, eða mæðgin, mæðgur,
feðgin eða feðgar. Allt getur gerst í
svo fjölbreyttum skóla sem VMA er.
Það setur sérstakan svip á hópinn
okkar hvað aldursdreifingin getur
verið mikil.“
Hjalti Jón segist ævinlega vera
mjög stoltur á brautskráningardeg-
inum þó að hann finni jafnframt
fyrir söknuði yfir að þurfa að horfa
á eftir þessu góða fólki. „Það er allt-
af von okkar að nemendur VMA eigi
eftir að standa sig vel og bera bæði
uppruna sínum og skóla fagurt vitni
í framtíðinni; hvort sem þeir halda
beint út á vinnumarkaðinn að loknu
starfsréttindanámi eða til frekara
náms að loknu stúdentsprófi.“
Fjölbreytileiki í VMA
Verkmenntaskólinn á Akureyri brautskráir hátt í þrjú hundruð nemendur á ári. Nýstúdentar skipa stærsta hluta útskriftarnema
skólans en einnig brautskráist stór hópur iðnnema og sjúkraliða, vélstjóra og nemenda af starfsbraut fatlaðra við skólann.
Hlýtt á ræðu skólameistara í Hofi; matartæknar með rauðar húfur, sjúkraliði með gráa og stúdentar með hvíta kolla. MYND/HILMAR FRIÐJÓNSSON
Það er mikil fjölbreytni í brautskráningarhópi VMA hverju sinni. Eins og sjá má eru
húfurnar í mismunandi litum.
Brautskráningarnemendur
frá VMA vorið 2013
Stúdentar: 108
Sjúkraliðar: 6
Starfsbraut fatlaðra: 8
Iðnmeistarar: 11
Vélstjórar: 13
Kjötiðnaðarmenn: 3
Matartæknar: 3
Bifvélavirkjar: 6
Húsasmiðir: 10
Húsgagnasmiðir: 3
Rafvirkjar: 5
Stálsmiðir: 9
Brautskráningarnemar alls:
166
Skírteini samtals: 186