Fréttablaðið - 15.06.2013, Side 36

15. júní 2013 LAUGARDAGUR| HELGIN | 36
ROSALEG
ÞÖRF TIL
AÐ GERA
EITTHVAÐ
NÝTT
Hljómsveitin Sigur Rós gefur út sína sjöundu
hljóðversplötu, Kveikur, á þjóðhátíðar-
deginum 17. júní. Fréttablaðið ræddi við
trommuleik ar ann Orra Pál Dýrason um
nýju plötuna, fjöl skyldulífið og viðskilnaðinn
við Kjartan Sveinsson.
Sjöunda hljóðversplata Sigur Rósar, Kveikur, kemur út á þjóðhátíðar-degi Íslendinga, mánu-daginn 17. júní. Hún er frábrugðin þeirri síðustu,
Valtari, sem var róleg og inn-
hverf. Ákefðin er meiri á þessari,
trommutakturinn þyngri og bass-
inn er meira áberandi.
Blaðamaður hitti trommarann
Orra Pál Dýrason í Iðnó og byrj-
aði á að spyrja hvort hljómsveitin
hefði meðvitað viljað breyta um
stefnu og kveðja rólegheitin sem
einkenndu Valtara.
„Við vorum orðnir svolítið
leiðir. Við fengum rosalega þörf
til að gera eitthvað nýtt, eitthvað
allt annað og nota aðrar aðferðir.
Kjartan var náttúrulega hættur
þannig að það breyttist helling við
það líka,“ segir Orri Páll en Sigur
Rós varð opinberlega að tríói í
janúar þegar hljómborðs- og píanó-
leikarinn Kjartan Sveinsson hætti
eftir fimmtán ár í bandinu. „Við
vorum í stúdíóinu að gera Valtara
en þegar það voru frídagar vorum
við farnir að hittast heima hjá mér.
Við byrjuðum þar úti í bílskúr að
semja fyrir Kveik. Við vorum rosa-
lega lengi með Valtara, alltof lengi,
og langaði bara að gera eitthvað
annað.“
Valtari naut engu að síður mik-
illa vinsælda. Hún komst í áttunda
sæti breska breiðskífulistans og
var fyrsta plata sveitarinnar til
komast inn á topp tíu á bandaríska
Billboard-listanum. Samanlagt
hefur hún selst í yfir 300 þúsund
eintökum úti í heimi og í fimm þús-
undum hér heima.
Nefndu tölvuna Kjartan
Orri Páll viðurkennir að það hafi
verið skrítið að sjá á bak Kjartani
eftir öll þessi ár. „Það var svolítið
öðruvísi að hittast bara við þrír.
Það er líka rosalega lítið píanó á
plötunni. Þegar við vorum að byrja
að semja notuðum við tölvuna rosa-
lega mikið. Við gerðum einhverja
grunna í tölvunni sem við spiluð-
um svo með. Við nefndum tölvuna
Kjartan,“ segir hann og hlær. „En
þetta varð allt eðlilegt mjög fljót-
lega.“
Hann segir þá félaga aldrei hafa
íhugað að leggja Sigur Rós niður
þegar Kjartan ákvað að hverfa á
braut. „Kjartan var búinn að tala
lengi um að hætta og það kom
okkur ekkert á óvart. Þetta var
allt í góðu og við erum góðir vinir.
En við vorum að fjarlægjast, fara
í mismunandi átt, eins og gerist í
langtímasamböndum.“
Íhuguðu að gefa út sjálfir
Samningur Sigur Rósar við stór-
fyrirtækið EMI, sem hefur gefið
út síðustu plötur sveitarinnar í
Evrópu og í Asíu, rann út eftir
útgáfu Valtara. Samkvæmt heim-
ildum Fréttablaðsins vildi Kjart-
an virða samninginn við EMI
áður en hann hyrfi á braut. Sigur
Rós hefur núna samið við bresku
útgáfuna XL, sem er smærri
í sniðum en EMI, og kemur
Kveikur út á hennar vegum úti
um allan heim.
Af hverju vilduð þið skipta
um útgáfufyrirtæki? „Á síð-
ustu plötu vorum við hjá XL
í Ameríku en núna erum við
hjá þeim yfir allan heiminn.
Við höfum mjög góða reynslu
af þeim. Þetta er miklu sann-
gjarnari samningur og þægi-
legra umhverfi en hjá EMI,
þó svo að ég sé ekkert að tala
illa um EMI. Þetta var bara
skömminni skárra.“ Aðspurð-
ur segir Orri Páll þá félaga
hafa íhugað að gefa plötuna
út sjálfir. „Við vorum að tala
um það en það er bara svo mikið
vesen. Ég held að peningalega
hefði það komið út á sama stað því
við hefðum þurft að ráða fullt af
fólki.“
Ekki þreyttur á gömlu lögunum
Sigur Rós hefur verið á tónleika-
ferð um heiminn frá því í fyrra
en árið 2012 spilaði sveitin fyrir
framan 350 þúsund manns á 38
tónleikum. Mörgum Íslending-
um eru minnisstæðir sjö þúsund
manna tónleikar sveitarinnar í
Nýju Laugardals höllinni á Iceland
Airwaves, sem voru þeirra fyrstu
á hátíðinni í ellefu ár. Sjónræni
þáttur inn var fyrirferðarmikill á
þeim tónleikum. „Við höfum alltaf
verið með vídeó en þetta er orðið
meira. Mér finnst þetta skipta
mjög miklu máli. Fólk notar augun
alveg eins og eyrun á tónleikum.
Þetta á að vera öðruvísi en að
hlusta bara á plötuna og við reyn-
um að gera þetta að upplifun.“
Trymbillinn segir gaman að spila
nýju lögin á tónleikum í bland við
þau gömlu, sem þeir hafa verið að
spila síðan sumarið 1999. Inntur
eftir því hvort hann verði aldrei
þreyttur á að spila eldri lögin
neitar hann því. „Nei, það er alveg
ótrúlegt. Að spila á tónleikum
er eitt ferli en það er samt alltaf
gaman að spila nýtt lag. Maður er
ekki alveg eins öruggur og þarf að
fara út fyrir þægindarammann og
leggja aðeins á sig.“
Þið eigið mikið af lögum í ykkar
lagasafni. Er ekki gott að geta
róterað þeim á milli tónleika? „Við
gerum það voða lítið, þetta er alltaf
mjög svipað,“ segir hann og brosir.
Þolir ekki Coachella-hátíðina
Þegar Sigur Rós er ekki að spila
á stórum tónlistarhátíðum spilar
hljómsveitin spilar iðulega fyrir
framan fimm til tíu þúsund manns
í hvert sinn. Orri Páll getur alveg
hugsað sér að spila á stærri stöð-
um, til dæmis íþróttaleikvöngum.
„Ef fólk myndi mæta værum við
alveg til í það en ég hef ekki trú á
að það muni gerast. Við erum ekki
beint poppband og svo er þetta allt
á íslensku.“
Hljómsveitin er í þriggja vikna
fríi heima á Íslandi áður en hún fer
í tónleikaferð um Evrópu þar sem
spilað verður á tónlistarhátíðum á
borð við Hróarskeldu í Danmörku
og Rock Werchter í Belgíu, en Orri
Páll hefur mjög gaman af því að
spila á þeim báðum. Hann segir
hátíðirnar samt vera misskemmti-
legar. „Sumar eru bara leiðinlegar
eins og Coachella [í Kaliforníu]. Ég
þoli ekki Coachella, mér finnst það
mjög leiðinleg hátíð.“
Aðspurður hvort einhver frægur
en ólíklegur Sigur Rósar-aðdáandi
hafi hitt hljómsveitina baksviðs
í gegnum árin nefnir hann eftir
smá umhugsun klámmyndaleikar-
ann Ron Jeremy á tónleikum í Los
Angeles. „Hann kom einu sinni.
Það var mjög ólíklegt.“
Skrítið samband við trommurnar
Spurður út í trommuleik sinn
segist Orri Páll eiga mjög skrítið
samband við trommurnar. Hann
snertir þær helst ekki nema hann
verði að gera það og spilar þess
í stað á píanó eða gítar. „Þetta er
svolítið óþægilegt hljóðfæri og
óumhverfisvænt. Það er eigin-
lega bara í stúdíóinu og þegar við
erum að semja og túra sem ég spila
á trommur. Ég var reyndar að fá
mér rafmagnstrommusett, þar sem
er hægt að vera með heyrnartól
þannig að kannski á ég eftir að æfa
mig meira. Ég verð að gera það því
ég verð ferlega ryðgaður þegar við
leggjum af stað á túra eða förum í
stúdíó.“
Flytur í Skerjafjörðinn
Fríið á Íslandi hefur Orri Páll nýtt
með fjölskyldu sinni en hann á tvö
börn með eiginkonu sinni Lukku
Sigurðardóttur og eina dóttur úr
fyrra sambandi. Fram undan eru
flutningar úr Bústaðarhverfinu
í litla Skerjafjörðinn um næstu
mánaðamót. Hann segir fjölskyld-
una vera duglega að koma með sér
á tónleikaferðalög. „Krakkarnir
elska rútuna. Ég á tvo litla stráka
og 13 ára stelpu og þau fíla það
mjög vel. En annars er þetta svo-
lítið sjóaralíf. Þetta er gert í hálf-
gerðum vertíðum. Þessi túr er eitt
og hálft ár en áður en Valtari kom
út túruðum við ekki í fjögur ár.“
Vilja semja kvikmyndatónlist
Eftir að ferðalagi Sigur Rósar um
Evrópu lýkur í lok ágúst er förinni
heitið til Norður-Ameríku. Þar
spilar hljómsveitin í september
og október og ferðast svo aftur til
Evrópu, þar sem síðustu bókuðu
tónleikarnir verða í Noregi 28.
nóvember. Eftir það er óvíst hvað
tekur við hjá Orra Páli, söngvar-
anum Jónsa og bassaleikaranum
Georg Holm. „Okkur dauðlangar
að fara að semja eitthvað. Ég veit
ekki hvort það verður plata. Okkur
langar svolítið til að gera tónlist við
bíómynd. Það væri gaman að eyða
góðum tíma í eitthvað svoleiðis.“
Gátu ekki sagt „nei“ við The Simpsons
Það vakti heimsathygli þegar Sigur
Rós kom fram í þætti af Simpsons-
fjölskyldunni og samdi einnig tónlist-
ina í þættinum. „Þetta var mikill
heiður. Þegar við vorum spurðir hvort
við vildum gera þetta þá höfðum við
engan tíma en við sögðum samt „já“
um leið. Við bjuggum til tíma, baksviðs
og á hótelherbergjum, og bjuggum til
tónlist og tókum upp. Við gátum bara
ekki sagt „nei“,“ segir Orri Páll.
TRÍÓ Hljómsveitin Sigur Rós er núna skipuð Orra Páli Dýrasyni, Jóni Þór Birgissyni
og Georg Holm.
ORRI PÁLL DÝRASON
Trommari Sigur Rósar er í
þriggja vikna fríi á Íslandi.
FRÉTTABLAÐIÐ/GVA
Freyr
Bjarnason
freyr@frettabladid.is