Fréttablaðið - 19.02.2014, Síða 2

19. febrúar 2014 MIÐVIKUDAGUR| FRÉTTIR | 2
MÁLSÓKN Hrannar Pétursson, upp-
lýsingafulltrúi Vodafone, segir
það af og frá að fyrirtækið neiti
að afhenda gögn vegna fyrirhug-
aðrar hópmálsóknar Málsóknar-
félagsins gegn fyrirtækinu.
Skúli Sveinsson hjá Málsókn-
arfélaginu hélt því fram í Frétta-
blaðinu í gær að fyrirtækið vildi
bara afhenda núverandi viðskipta-
mönnum gögn.
„Frá því að það var brotist hér
inn höfum við markvisst unnið
að því að koma gögnum til þeirra
sem hafa óskað eftir gögnum sem
tengjast símanúmerum þeirra
sjálfra,“ segir Hrannar. „Við verð-
um að sjálfsögðu að gera það með
réttum hætti og eingöngu að láta
umbeðnar upplýsingar í hendur
rétthafa hvers númers. Það er ein-
falt fyrir okkur að staðreyna hver
er skráður rétthafi þeirra síma-
númera sem við erum að þjónusta.
En við höfum ekki upplýsingar
um skráða réttahafa númera hjá
öðrum símafyrirtækjum þannig
að við erum háðir upplýsingum
frá þeim varðandi það,“ bætir
hann við.
Hrannar segir Vodafone því
þurfa að óska eftir staðfestingu
um rétthafa þaðan og að almennt
hafi fyrirtækin brugðist vel við.
„En það eru þó nokkur tilvik þar
sem símafélag hefur ekki svarað
erindum okkar þrátt fyrir ítrek-
anir.“ Aðspurður segir hann þær
fyrirspurnir vera allt að nokkurra
vikna gamlar. - fb
Hrannar Pétursson, upplýsingafulltrúi Vodafone, vísar ummælum á bug:
Neita ekki að afhenda gögn
HRANNAR PÉTURSSON Upplýsinga-
fulltrúi Vodafone segir fyrirtækið hafa
óskað eftir upplýsingum frá öðrum
símafyrirtækjum.
FRÉTTABLAÐIÐ/VILHELM
ÚTIVIST Félagarnir Haukur Snær
Hauksson, Andrés Júlíus Ólafsson,
Svavar Svavarsson og Ólafur Þór-
isson, sem allir starfa hjá Umboðs-
manni skuldara í Reykjavík, hjóla í
vinnuna á hverjum einasta morgni,
sama hvernig viðrar. Samanlagt
eru fimmtíu starfsmenn á vinnu-
staðnum.
„Við komum flestir ferlega langt
að,“ segir Haukur Snær um hjól-
reiðahópinn, sem ferðast þó í sitt
hvoru lagi í vinnuna. Hann býr í
Norðlingaholti og hjólar tíu kíló-
metra hvora leið. Svavar býr í
miðbæ Hafnarfjarðar, Andrés Júl-
íus í Kársnesi í Kópavogi og Ólaf-
ur í Kórahverfinu en áður hjólaði
hann frá Völlunum í Hafnarfirði.
„Við höfum farið síðustu sumur
í hjólreiðaferðir, til dæmis í Hval-
fjörð og á Þingvelli. Við erum tveir
á svipuðum aldri, ég og Ólafur sem
erum rúmlega þrítugir. Svo eru
þarna tveir karlar, rúmlega fimm-
tugir, og við drífum þá áfram,“
segir Haukur Snær í léttum dúr.
Síðasta sumar fóru þeir í sautj-
án daga hjólreiðaferð um Evr-
ópu þar sem svalandi mjöður var
drukkinn á helstu áningarstöðun-
um. Með í för var Ágúst, bróðir
Hauks.
Saman hjóluðu þeir í gegnum
sex lönd á 1.500 kílómetra leið
sinni frá Berlín til Mílanó. „Það
var mikið drukkið af bjór. Við
hjóluðum í Þýskalandi og Tékk-
landi, sem eru mikil bjórlönd, og
fórum líka í gegnum Liechten-
stein, Sviss og Austurríki og end-
uðum svo á Ítalíu. Þetta var mjög
gaman.“
Aðspurður segist Haukur hafa
byrjað að hjóla fyrir alvöru fyrir
fjórum árum vegna hnémeiðsla
eftir áralanga fótboltaiðkun.
„Mig vantaði nýja hreyfingu sem
færi ekki illa með hnén. Það var
líka bara einn bíll á heimilinu og
þarna gat maður slegið tvær flug-
ur í einu höggi og sparað pening.“
Hann hjólar í gegnum Elliðaár-
dal og Fossvog í Kringlu 1 þar sem
Umboðsmaður skuldara er til húsa.
Aðeins einu sinni á þessum fjór-
um árum hefur hann lent í óhappi,
eða þegar hann lenti í árekstri við
annað hjól. „Ég endaði uppi á spít-
ala en sem betur fer var ekkert
brotið,“ segir hjólreiðagarpurinn
og mælir eindregið með þessum
ferðamáta. freyr@frettabladid.is
-90%
AFSLÁTTUR
ALLT AÐ
Við höfum opnað útsölumarkað í öllum
okkar verslunum, mikið úrval af skrifstofu-
vörum, föndri, spilum , leikföngum, náms-
og kennsluvörum og fleira og fleira,
allt að 90% afsláttur.
Komdu við og gerðu góð kaup.
ÚTSÖLUMARKAÐUR
A4 Skeifunni 17 / A4 Smáratorgi 1 / A4 Reykjavíkurvegi 62, Hafnarfirði
A4 Dalsbraut 1, Akureyri / A4 Egilsstöðum / A4 Selfossi
Haukur Snær hefur skráð kíló-
metrafjöldann sem hann hefur
hjólað samviskusamlega niður.
Fyrst notaði hann til þess mæli á
hjólinu en undanfarið hefur hann
notað smáforritið Run keeper
sem skráir kílómetrafjöldann.
Samanlagt jafngildir þetta um
sextán og hálfum hringvegi en
hringvegurinn sjálfur er
1.322 kílómetra langur.
➜ Heildarfjöldi í km
Ár Km
2010 3.139,0
2011 6.173,8
2012 5.894,7
2013 6.756,7
Samtals km 21.964,1
➜ Sextán hringvegir á
fjórum árum
LEIÐ HAUKS Á RUNKEEPER
Hjólreiðagarpar sem
greiða úr skuldum
Fjórir vinnufélagar hjá Umboðsmanni skuldara hjóla í vinnuna á hverjum morgni,
sama hvernig viðrar. Þeir fóru í eftirminnilega hjólreiðaferð um Evrópu í fyrra.
Á HJÓLUNUM Frá vinstri: Svavar Svav-
arsson, Andrés Júlíus Ólafsson, Ólafur
Þórisson og Haukur Snær Hauksson starfa
saman hjá Umboðsmanni skuldara.
FRÉTTABLAÐIÐ/DANÍEL
Eva Dís, ætlið þið að hjóla í
þetta mál?
„Já, það er vonin að gera það í
sumar ef tími gefst.“
Eva Dís Þórðardóttir og Gísli Rafn Guð-
mundsson hlutu nýsköpunarverðlaunin fyrir
verkefnið Hjólaleiðir á Íslandi. Þar leggja þau
til að skráð verði hjólaleið um Suðurland.
SPURNING DAGSINS
TAÍLAND, AP Yingluck Shinawatra, forsætisráðherra Taílands, verður
hugsanlega kærð fyrir embættisglæpi. Spillingareftirlitið í Taílandi
sakar forsætisráðherrann um að hafa gengið ósmekklega fram við nið-
urgreiðslur til hrísgrjónabænda. Ríkisstjórnin hafði skuldbundið sig
til að selja hrísgrjónin á verði sem er langt fyrir ofan markaðsverð en
var mörgum mánuðum of sein að borga bændum fyrir hrísgrjónin.
Ef ákveðið verður að vísa hugsanlegri ákæru um embættisglæpi
til öldungadeildar þingsins verður Yingluck tafarlaust látin víkja frá
störfum þar til dómur fæst í málinu. - ue
Framganga þótti ósmekkleg:
Sökuð um embættisglæpi
Í VIÐTALI Yingluck Shinawatra, forsætisráðherra Taílands. NORDICPHOTOS/AFP
MENNTUN Heiðar Ingi Svansson,
framkvæmdastjóri Iðnú og Iðn-
menntar, telur að hægt verði að
lækka verð á námsefni framhalds-
skólanema verulega ef og þegar það
verður fáanlegt í aukn-
um mæli í rafrænu
formi í framtíðinni.
Illugi Gunnars-
son, mennta- og
menningarmála-
ráðherra, sagði
á ársfundi Iðn-
menntar að
frumvarp til breytinga á lögum um
framhaldsskóla væri í vinnslu hvað
varðar rafrænt námsefni.
„Ef ríkið býr til lagaumhverfi
fyrir okkur gætum við hugsanlega
innheimt fyrir námsgögn með skóla-
gjöldum til nemenda,“ segir Heiðar
Ingi og telur að verðið gæti lækkað
um 30 til 40 prósent. „Í slíku við-
skiptaumhverfi þurfum við ekki að
hafa áhyggjur af ólöglegu niðurhali.
Þá erum við að tala um verulega
lækkun á verði námsgagna til nem-
enda.“
Í frumvarpinu um framhalds-
skólana er gert ráð fyrir „að skól-
um verði heimilt, með sérstöku leyfi
ráðherra, að innheimta gjald fyrir
rafrænt efni sem þeir ákveða að
nýta í kennslu. Gert er ráð fyrir því
að ráðherra veiti skólum slíka heim-
ild í tilraunaskyni í takmarkaðan
tíma fyrir tilteknar námsgreinar.“
Heiðar Ingi segir að fari frum-
varpið tiltölulega fljótt í gegnum
þingið ætti Iðnmennt að geta hafið
tilraunaútgáfu næsta haust.
- fb
Frumvarp um breytingar á lögum hvað varðar rafrænt námsefni er í vinnslu:
Verðið myndi lækka verulega
HEIÐAR INGI
SVANSSON
LÖGREGLUMÁL Rúmlega 50 fíkni-
efnamál hafa komið til kasta lög-
reglunnar á höfuðborgarsvæðinu
á undanförnum dögum. Í tilkynn-
ingu frá lögreglunni segir að hald
hafi meðal annars verið lagt á
amfetamín, e-töflur, kókaín og
MDMA. Karlar á þrítugsaldri
komu oftast við sögu og flest mál-
anna áttu sér stað í miðborginni.
Lögreglan hélt úti sérstöku
eftirliti um síðustu helgi og voru
nokkrir fíkniefnasalar hand-
teknir. - skó
Mikill fjöldi fíkniefnamála:
Sérstakt eftirlit
í miðbænum
REYKJAVÍK „850
bíða eftir félags-
legu húsnæði,
250 eftir þjón-
ustuíbúðum,“
sagði Áslaug
María Friðriks-
dóttir, borgar-
fulltrúi Sjálf-
stæðisflokksins,
á borgarstjórn-
arfundi í gær. Bara hafi fjölg-
að um 75 íbúðir Félagsbústaða á
kjörtímabilinu. Hún og Kjartan
Magnússon, einnig borgarfulltrúi
Sjálfstæðisflokks, gagnrýndu litla
uppbyggingu í húsnæðismálum. - skó
Gagnrýndu aðgerðaleysi:
Þörf á hraðari
uppbyggingu
ÁSLAUG MARÍA
FRIÐRIKSDÓTTIR
STJÓRNMÁL Verðbólguhorfur
munu versna ef dregið verð-
ur úr sjálfstæði Seðlabankans
og bankastjórum fjölgað. Þetta
kemur fram á vef IFS-greining-
ar. Yfirlýsingar forsætisráðherra
í þættinum Sunnudagsmorgni
í Ríkissjónvarpinu um að hann
vilji að Seðlabankinn taki upp
aðra vaxtastefnu og að til greina
komi að fjölga seðlabankastjórum
hafi ýtt undir óvissu hvað varðar
verðbólguhorfur.
Þá segir að tíð skipti á seðla-
bankastjórum geti verið vísbend-
ing um að sjálfstæði bankans sé
takmarkað. - hks
Breytingar valda óvissu:
Verðbólguhorf-
ur gætu versnað