Fréttablaðið - 19.02.2014, Blaðsíða 38

19. febrúar 2014 MIÐVIKUDAGUR| LÍFIÐ | 18
TÓNLIST ★★★★★
AGNES ÞORSTEINSDÓTTIR
MEZZÓ SÓPRAN OG AGNES LÖVE
PÍANÓ LEIKARI FLUTTU BLANDAÐA
DAGSKRÁ Í NORRÆNA HÚSINU
LAUGARDAGINN 15. FEBRÚAR.
Amma og ömmubarn héldu tón-
leika í Norræna húsinu á laugar-
daginn. Amman var Agnes Löve
píanóleikari, barnabarnið Agnes
Þorsteinsdóttir mezzósópran (f.
1990). Á dagskránni var fjöldinn
allur af lögum, bæði innlendum
og erlendum, auk þess sem aríur
ráku lestina. Maður fékk því
býsna góða hugmynd um hvers
söngkonan er megnug.
Agnes Þorsteins er með fallega
rödd, sérstaklega á efra sviðinu.
Hún er silkimjúk, kraftmikil
og hefur karakter. Einstöku
tónar á neðra sviði voru eilítið
ónákvæmir, sem má rekja til þess
að söngkonan er jú að stíga sín
fyrstu skref. Það lærir enginn að
halda tónleika nema með því að
gera það. Þetta voru debút-tón-
leikar.
Ógerningur er að fjalla um
Agnesi án þess að nefna ömmuna
í sömu andrá. Agnes Löve fylgdi
söngkonunni af kostgæfni. Þá á
ég ekki bara við að allar tíma-
setningar hafi verið nákvæmar.
Heldur það að túlkun píanóleikar-
ans var bókstaflega rafmögnuð.
Hvort sem það var Flickan kom
ifrån sin älsklings möte eftir
Sibelius, Syngdu ei fagra eftir
Rachmaninoff, söngperlur eftir
Jón Ásgeirsson, litlar vögguvísur
eða brjálaðar aríur. Alls staðar
var túlkunin sönn og borin fram
af smekkvísi og heiðarleika, en
samt ástríðu.
Túlkunin á Von ewiger Liebe
op. 43 nr 1 eftir Brahms var sér-
staklega hrífandi. Það var ein-
hver magnaðasti flutningur á
því lagi sem ég hef heyrt. Þarna
sprakk tónlistin í ógnarlegan
hápunkt eins og gjarnan vill
verða með tónlist Brahms. En
píanóleikarinn hélt ávallt reisn-
inni, þessum djúpa rytma sem
varð að dáleiðandi undirólgu. Það
var engin yfirborðsmennska eða
tilgerð. Einmitt svona á Brahms
að hljóma.
Þessi ákafi píanóleikur lyfti
söngnum hvað eftir annað upp
í hæstu hæðir. Agnes Þorsteins-
dóttir lagði greinilega allt í túlk-
un sína. Útkoman var einstak-
lega falleg, þó hún væri stundum
dálítið hrá eins og fyrr var
greint frá. Lögin eftir Sibelius
voru hvert öðru betra, lag Rach-
man inoffs tregafullt og myrkt.
Vögguvísa Faurés var full af
seiðandi laglínum og einhverju
ósegjanlegu í skáldskapnum sem
gerði tónlistina svo lokkandi.
Vínartónlistin í lokin var fynd-
in og aríur úr Cosi fan tutte eftir
Mozart tilkomumiklar. Alls stað-
ar var ljóðrænni fegurð miðlað
til áheyrenda í söngnum. Manni
leiddist aldrei. Agnes á erindi
í óperuna, svo mikið er víst. Hún
býr yfir spennandi hæfileikum;
söngur hennar þarf bara aðeins
að fágast. Hann mun gera það
með tíð og tíma.
Ég verð að minnast á, svona
í lokin, sambandið á milli píanó-
leikara og söngkonu. Það var
óvanalega fallegt, sjálfsagt
vegna skyldleikans. Amma og
ömmubarn höfðu sjarmerandi
sviðsframkomu – það var ekki
bara gaman að hlusta á þær, held-
ur líka að horfa á þær. Þetta er
dúett sem maður vill heyra í sem
fyrst aftur.
Jónas Sen
NIÐURSTAÐA: Bráðskemmti-
legir debút-tónleikar Agnesar
Þorsteinsdóttur. Hún er ein efni-
legasta söngkona sem ég hef heyrt í
lengi. Amma hennar Agnes Löve lék
með á píanó; leikur hennar var fullur
af músík og skáldskap.
Amma og ömmubarn
AGNES ÞORSTEINSDÓTTIR
Norræna tónleikaferðin Nordisk
2014 nær til Íslands í dag og eru
fyrirhugaðir tónleikar á Græna
hattinum á Akureyri í kvöld og
á Harlem Bar í Reykjavík annað
kvöld.
Nordisk 2014 er samnorræn tón-
leikaferð um Danmörku, Færeyjar
og Ísland. Hljómsveitirnar koma
frá Danmörku, Noregi, Færeyj-
um og Íslandi og eru Sekuioa frá
Danmörku, Sea Change frá Nor-
egi, Byrta frá Færeyjum og Good
Moon Deer frá Íslandi.
„Þetta er danskt batterí, sem
hefur það markmið að fara með
ungar og efnilegar hljómsveitir
á staði sem eru ekki í alfaraleið.
Þær hafa verið að spila í litlum
bæjum hér og þar í Danmörku og
hafa ferðast saman síðan um miðj-
an janúar,“ segir Baldvin Esra tón-
leikhaldari um ferðalagið. Mark-
mið tónleikaferðalagsins er að
kynna samnorræna menningu.
„Það var nefnd í Danmörku sem
valdi þær hljómsveitir sem fengu
að fara í ferðalagið og að þessu
sinni var hljómsveitin Good Moon
Deer frá Íslandi valin.“
Íslenski rafdúettinn Good Moon
Deer er skipaður Guðmundi Inga
Úlfarssyni á hljóðgervla og Ívari
Pétri Kjartanssyni á trommur.
Good Moon Deer leikur sjónræna
og óhefðbundna raftónlist sem
daðrar jafnt við djass og teknó.
Good Moon Deer hefur komið
fram á tónlistarhátíðum á borð
við Iceland Airwaves, Reykjavík
Music Mess og Lunga.
- glp
Norræn tónleikaferð
endar hér á landi
Nordisk 2014 tónleikaferðalagið nær hingað til lands
í dag og fara tvennir tónleikar fram hér á landi.
FYRIR HÖND ÍSLANDS Rafdúettinn Good Moon Deer kemur fram á Nordisk 2014
tónleikferðalaginu. MYND/EINKASAFN
Fyrstu tónleikar vortónleikaraðar
Jazzklúbbsins Múlans verða haldn-
ir í kvöld. Alls verða ellefu tón-
leikar í tónleikaröðinni sem fara
mun fram á miðvikudagskvöldum
í Björtuloftum í Hörpu.
Á tónleikunum í kvöld kemur
fram hljómsveitin Múla-sext-
ettinn sem skipuð er Birki Frey
Matt híassyni sem leikur á tromp-
et, saxófónleikurunum Hauki
Gröndal og Ólafi Jónssyni, píanó-
leikaranum Eyþóri Gunnarssyni,
Þorgrími Jónssyni sem leikur á
bassa og trommuleikaranum Scott
McLemore. Sextettinn mun leika
tónlist Art Blakeys og djasssendi-
boða hans.
Múlinn er að hefja sitt átjánda
starfsár en hann er samstarfsverk-
efni Félags íslenskra hljómlistar-
manna (FÍH) og Jazzvakningar.
Klúbburinn heitir í höfuðið á Jóni
Múla Árnasyni sem jafnframt var
heiðursfélagi og verndari Múlans.
Tónleikarnir hefjast klukkan 21.
Múlinn í Björtuloft um
Vortónleikaröð Jazzklúbbsins Múlans hefst í Hörpu í kvöld.
Tónleikarnir marka upphaf átjánda starfsárs klúbbsins.
ART BLAKEY Tónlistin á tónleikunum í kvöld er sótt í smiðju trommugoðsagnar-
innar Arts Blakey.
GEYSIR
HAUKADALUR
Verslunin á Geysi í Haukadal óskar eftir starfsfólki í allar deildir
fyrirtækisins. Við leitum að duglegum einstaklingum með góða
þjónustulund til að vinna með okkur á ört vaxandi vinnustað.
• Mikil tækifæri í boði , framtíðarstörf og sumarstörf
• Vinnutími og starfshlutfall eftir samkomulagi
• Umsóknir berist á netfangið: heida@geysir.net
Spennandi atvinnutækifæri á Geysi
MENNING