Fréttablaðið - 19.02.2014, Blaðsíða 30

| 8 19. febrúar 2014 | miðvikudagur
„Við erum að gera okkur vonir
um að þriðjungur af hlutabréf-
um félagsins fari í sölu í apríl og
að félagið verði í kjölfarið skráð
á markað í maí,“ segir Vilhjálm-
ur Vilhjálmsson, forstjóri HB
Granda, um undirbúninginn að
skráningu félagsins á Aðalmark-
að Kauphallarinnar.
Stjórnendur félagsins og stærstu
eigendur tilkynntu í nóvember að
þeir hefðu náð samkomulagi um
skráninguna. Félagið er nú skráð
á First-North-markað Kauphall-
arinnar en skráning á Aðalmark-
að á að auka seljanleika bréfanna
og stuðla að dreifðara eignarhaldi.
„Annars hafa veiðarnar geng-
ið ágætlega í bolfiskinum en það
sama verður ekki sagt um loðnuna
eins og hefur ekki farið fram hjá
neinum. Hún hefur verið ótrúlega
brellin og óvenjulítið um þéttar
torfur og veðrið hefur alls ekki
hjálpað til,“ segir Vilhjálmur.
HB Grandi fékk úthlutað fimm-
tán þúsund tonna loðnukvóta á
þessari vertíð en í fyrra veiddi
félagið samtals 85 þúsund tonn.
Loðnuvertíðin veldur því að öllum
líkindum gríðarlegum vonbrigð-
um líkt og hjá öðrum fyrirtækj-
um sem veiða uppsjávarfiskinn.
Vilhjálmur byrjaði ungur að
vinna í fiskvinnslu og fór fimm-
tán ára til sjós og sigldi í nítján ár.
„Síðan fór ég í land og vann í
nokkur ár hjá Landssambandi
íslenskra útvegsmanna (LÍÚ).
Svo var ég ráðinn til Tanga,
sjávarútvegsfyrirtækis sem
gerði út togara og uppsjávar-
skip á Vopnafirði, árið 2000, og
var þar skrifstofustjóri og tók
síðan við sem framkvæmda-
stjóri og fylgdi með inn í HB
Granda í ársbyrjun 2005 þegar
félögin voru sameinuð. Þá sá ég
um rekstur uppsjávarveiða og
vinnslu,“ segir Vilhjálmur, en
hann var ráðinn forstjóri í sept-
ember 2012.
Siglir félaginu inn á Aðalmarkaðinn
Vilhjálmur Vilhjálmsson, forstjóri HB Granda, fór fimmtán ára gamall til sjós og sigldi í nítján ár. Hann stýrir
nú stærsta sjávarútvegsfyrirtæki landsins. Vilhjálmur er Valsari og stuðningsmaður Liverpool í ensku deildinni.
SVIPMYND
Haraldur Guðmundsson | haraldur@frettabladid.is
„Vilhjálmur er mjög rólegur og yfirvegaður maður. Hann
hefur mjög gaman af stangveiði og það er virkilega
gaman að fara með honum í veiðiferðir því Vilhjálmi
finnst gaman að segja frá því þegar hann er að kljást við
fiskana og lýsingarnar hjá honum eru oft skemmtilegar.
Hann er óskaplega þægilegur yfirmaður og það er gott að
vinna með honum og undir hans stjórn. Hann er sann-
gjarn og tekur tillit til skoðana annarra og treystir sínum
mönnum vel.“
Magnús Þór Róbertsson, vinnslustjóri HB Granda á
Vopnafirði.
Skemmtilegur veiðifélagi
VILHJÁLMUR Starfsmenn HB Granda voru að landa ufsa og karfa úr ísfisktogar-
anum Ottó N. Þorlákssyni þegar Fréttablaðið bar að garði. FRÉTTABLAÐIÐ/GVA
Vilhjálmur lauk verslunar-
prófi frá Verzlunarskóla Ís-
lands, fór þaðan í Stýrimanna-
skólann og útskrifaðist seinna
sem útgerðartæknir frá Tækni-
skólanum. Hann er giftur Stein-
unni Ósk Guðmundsdóttur
þroskaþjálfa og eiga þau fjög-
ur börn.
„Ég stunda stang- og skotveiði
og veiði rjúpu, silung og lax.
Síðan held ég með Val og fylgist
með enska boltanum. Þar held ég
með Liverpool og maður hefði nú
getað verið ánægðari með leik-
inn á sunnudaginn en það fór
eins og það fór,“ segir Vilhjálm-
ur og hlær.
„Frá því að Vilhjálmur tók við sem forstjóri hefur hann
sett mikið af nýjum hlutum í gang. Hann er fylginn sér í
að gera góðar breytingar og á ekki bara auðvelt með að
vinna með okkur yfirstjórnendunum heldur hefur hann
einnig gert sér far um að hitta hvern einasta starfshóp
í fyrirtækinu, hverja einustu áhöfn, en við erum með
ellefu skip og allar þessar vinnslur á þremur stöðum á
landinu. Ég fékk að taka þátt í einni syrpu með honum
og það var mjög áhugavert.“
Svavar Svavarsson, yfirmaður viðskiptaþróunar HB
Granda.
„Við þurfum aðeins að
hugsa hvernig við byggjum
undir vöxt horft til framtíðar
og þar er alþjóðageirinn
gríðarlega mikilvægur. Stað-
an er þannig að auðlinda-
greinarnar standa undir ¾
af heildarútflutningi Íslands,
alþjóðageirinn þessum
fjórðungi sem eftir stendur.
Við viljum breikka og fjölga
þeim stoðum sem standa
undir útflutningi. Enda er
það þannig að ef við ætlum
að vaxa með sjálfbærum
hætti þá er mikilvægt að
útflutningur vaxi í takt við
hagkerfið í heild.“
FROSTI ÓLAFSSON
Við höfum tækifæri til
að standa í fremstu röð
Frosti Ólafsson er gestur Klinks-
ins á Vísi þessa vikuna.
Frosti er hagfræðingur og
MBA frá London Business School
og starfar sem framkvæmda-
stjóri Viðskiptaráðs Íslands.
Frosti starfaði áður hjá
McKins ey&Company í Kaup-
mannahöfn.
Frosti ræddi við Klinkið um
Viðskiptaþing Viðskiptaráðs sem
haldið var í síðustu viku undir
yfir skriftinni „Open for business?
– Uppbygging alþjóðageirans á Ís-
landi“ og helstu tækifæri á þeim
vettvangi. Frosti ræddi einnig um
helstu hindranir í vegi uppbygg-
ingar alþjóðageirans og skipan
peningamála í íslensku samfélagi.
Þá ræddi Frosti við Klinkið
um stöðu menntamála á Íslandi,
hvernig fjármagni er úthlutað og
hvaða tækifæri eru til að ná betri
árangri á því sviði.
Fanney Birna Jónsdóttir
fanney@frettabladid.is
Viðtalið við Frosta Ólafsson er
hægt að sjá í þættinum
Klinkinu á www.visir.is.
„EF GJALDEYRISHÖFTIN VERÐA
AFNUMIN OG VIÐ SKÖPUM RÉTT SKILYRÐI
FYRIR ÞESSI FYRIRTÆKI ÞÁ ER HÆGT AÐ
BYGGJA HÉR UPP ÖFLUGAN ALÞJÓÐAGEIRA.“
„Ég held að
það sé alveg
fyrirsjáanlegt
að ef höftin
verða hérna
um ókomna tíð
þá verða ekki
til mörg ef þá
nokkur stórfyrir-
tæki.“
„Það kom okkur að vissu leyti á
óvart hversu mikill vilji var til breyt-
inga [á menntakerfinu] vegna þess
að kerfið hefur verið svolítið vanafast
og menn ekkert rosalega viljugir til
að ræða breytingar á því.“