Fréttablaðið - 19.02.2014, Page 26

KYNNING − AUGLÝSINGVinnuvernd MIÐVIKUDAGUR 19. FEBRÚAR 20144
VINNUSLYS OF ALGENG
Samkvæmt skýrslu Alþjóða-
vinnumálastofnunarinnar deyr
verkamaður í vinnuslysi eða úr
atvinnutengdum sjúkdómum á 15
sekúndna fresti, einhvers staðar í
heiminum. Að sama skapi lenda
160 verkamenn í vinnuslysi á 15
sekúndna fresti. Þetta þýðir að á
hverjum degi látast að meðaltali
6.300 manns í vinnuslysum eða úr
vinnutengdum sjúkdómum, eða um
2,3 milljónir manna á ári. Samkvæmt
skýrslu stofnunarinnar eiga sér stað
um 317 milljónir vinnuslysa árlega
um allan heim og leiða mörg þeirra
til langrar fjarveru starfsmanna frá
vinnu. Áætlaður kostnaður vegna
þessa er gríðarlegur, eða um 4% af
landsframleiðslu allra ríkja heims.
Þegar kemur að vinnuvernd eru
aðstæður mjög mismunandi eftir
löndum, atvinnugreinum og þjóð-
félagshópum. Aðstæður eru sérstak-
lega slæmar í þróunarlöndunum þar
sem margir starfa við hættulegar að-
stæður í námuvinnslu, landbúnaði
og sjávarútvegi. Margir verkamanna
sem látast á þessum slóðum eru
konur, börn og grunlausir innflytj-
endur. Vinnuslys geta eðlilega haft
mjög mikil áhrif á starfsmenn sem
lenda í þeim og fjölskyldur þeirra
en talið er að koma megi í veg fyrir
stóran hluta þeirra.
VINNA UNGLINGA
1517 ÁRA
Vinnan göfgar manninn og já-
kvætt er að unglingar fái tækifæri til
að kynnast og taka þátt í atvinnulíf-
inu. Unglinga er almennt heimilt að
ráða til vinnu nema um sé að ræða
eftirfarandi aðstæður:
• Vinnu sem líklega er ofviða líkam-
legu eða andlegu atgervi þeirra.
• Vinnu sem líklega veldur
varanlegu heilsutjóni.
• Vinnu þar sem hætta er á
skaðlegri geislun.
• Vinnu þar sem fyrir hendi er
slysahætta sem gera má ráð fyrir
að börn og unglingar geti átt í erfið-
leikum með að átta sig á eða forðast
vegna andvaraleysis eða skorts á
reynslu eða þjálfun.
• Vinnu sem felur í sér hættu fyrir
heilsu þeirra vegna óvenjumikils
kulda, hita, hávaða eða titrings.
• Vinnu þar sem hætta er á ofbeldi
eða annarri sérstakri hættu, nema
ungmennin starfi með fullorðnum.
Í reglugerð nr. 426/1999 um vinnu
barna og unglinga er að finna í
viðauka 1-3 lista yfir hættuleg tæki,
verkefni, efni og störf þar sem
óheimilt er að ráða unglinga í vinnu.
Heimilt er að víkja frá þessu sé það
nauðsynlegt vegna starfsnáms
unglinga og þá samkvæmt reglum
sem ráðherra setur að fengnum til-
lögum stjórnar Vinnueftirlits ríkisins.
Heimild: Umboðsmaður barna (barn.is)
VINNUVERNDARVIKAN 2014
Árlega er haldin Evrópsk vinnuverndarvika undir forystu Vinnuverndarstofnunar Evrópu. Þetta sameiginlega átak
Evrópuþjóða nær hámarki í eina viku seinni hluta októbermánaðar ár hvert.
Markmiðið með vinnuverndarvikunni er að vekja athygli fólks á ákveðnum þáttum í vinnuumhverfinu í þeim tilgangi
að gera vinnustaðina heilsusamlegri og öruggari. Starfshópur, skipaður fulltrúum atvinnulífsins og Vinnueftirlitsins,
sér um framkvæmd verkefnisins hér á landi.
Yfirskrift Evrópsku vinnuverndarvikunnar í ár og á næsta ári er: Góð vinnuvernd vinnur á streitu – Stjórnun
streitu og sálfélagslegrar áhættu á vinnustöðum.
Vandinn er nokkuð yfirgripsmikill. Yfir helmingur evrópskra launþega segir að streita sé algeng á vinnustað
sínum. Streita, ásamt öðrum sálfélagslegum áhættuþáttum, er talin vera orsök a.m.k. 50% allra tapaðra
vinnudaga. Um 4 af hverjum 10 launþegum telja að illa sé unnið með vandamálið á vinnustað þeirra.
Helstu markmið átaksins er að bæta skilning á vinnutengdri streitu og sálfélagslegri áhættu, efla stjórnun á þessum
áhættuþáttum, fyrirbyggja neikvæð áhrif streitu, veita starfsmönnum og atvinnurekendum stuðning og leiðbein-
ingar og hvetja til notkunar á tiltækum verkfærum til að bæta sálfélagslegt vinnuumhverfi.
(öryggisverði,-trúnaðarmenn og mannauðstjóra)
• Lög og reglur í tengslum við vinnuverndarstarf
• Áhættumat starfa
• Umhverfisþættir s.s hávaða, lýsingu og loftgæði
• Félagslegir og andlegir áhættuþættir s.s. einelti, streitu ofl.
• Hættuleg efni og efnafræðilegir skaðvaldar
• Vinnuslys, atvinnusjúkdómar og líffræðilegir skaðvaldar
• Heilsueflingu á vinnustað
Skráning fer fram á www.vinnuvernd.is