Fréttablaðið - 22.03.2014, Síða 10

22. mars 2014 LAUGARDAGUR| FRÉTTIR | 10
Meistaranám í upplýsingafræði
FJARNÁM / STAÐNÁM þitt er valið
www.hi.is
FÉLAGS- OG MANNVÍSINDADEILD
Upplýsingafræði byggir á kunnáttu, eðli og einkennum upplýsinga og þekkingar.
Dæmi um áherslur:
• Upplýsingaöryggi • Markaðssetning upplýsinga- og skjalastjórnunar
• Gæða- og þekkingarstjórnun • Rekstur rafrænna gagnasafna og upplýsingakerfa
• Upplýsingahegðun og áhrifaþættir • Samfélagsmiðlar og upplýsingavefir
MIS í upplýsingafræði (Master of Information Science)
Nám fyrir fólk með grunnnám úr öðrum námsgreinum en upplýsingafræði.
MA í upplýsingafræði (Magister Artium)
Nám ætlað þeim sem lokið hafa grunnnámi í upplýsingafræði.
Upplýsingar veita Félags- og mannvísindadeild s: 525 5444 fom@hi.is, Jóhanna Gunnlaugsdóttir,
prófessor jg@hi.is, s: 892 4718 og Ágústa Pálsdóttir, prófessor agustap@hi.is, s: 696 5801.
Skráning er til 15. apríl á hi.is - Kíktu á nýtt kynningarmyndband á Youtube: Upplýsingafræði
Þótt fæstir séu beinlínis bjartsýn-
ir þegar kjaradeila er komin í hnút
ætlar Guðríður Arnardóttir, nýr for-
maður Félags framhaldsskólakenn-
ara, að leyfa sér að nálgast deiluna
af bjartsýni, eins og hún orðar það.
„Ég ætla að hugsa í lausnum en
ekki vandamálum. Ég tel að það sé
vilji allra sem að borðinu koma.
Þótt deilan leysist ekki á einum
eða tveimur dögum hef ég trú á
því að hún geri það fyrr en seinna.
Mikilvægasta verkefnið núna er
að leysa þessa deilu og koma stétt-
inni á lygnan sjó í kjaramálum.“
Ólgusjór varð þegar stytting
framhaldsskólans var kynnt sem
hluti af tillögum ríkisins í kjara-
samningaviðræðunum við kenn-
ara á dögunum. „Ráðherra er ekki
bara að stytta námið, heldur setur
hann þessar hugmyndir, sem við
vitum ekki hversu þróaðar eru,
inn sem skiptimynt gegn launa-
hækkun. Ég slæ engar hugmynd-
ir út af borðinu og er óhrædd við
breytingar, annars stöðnum við
en fyrst byrjar maður á faglegri
umræðu. Svo á að taka ákvörðun
um kerfisbreytingu. Í framhaldi
af því á breytingin, þegar hún
hefur verið útfærð, að koma inn
í kjaraviðræður.“
Að borðinu á öllum stigum
Faglega umræðan á að vera með
þátttöku framhaldsskólakennara,
að mati Guðríðar. „Sem faglegur
fyrirliði vil ég fá tækifæri til að
koma að borðinu á öllum stigum.
Þótt við höfum öll gengið í gegn-
um skólakerfið, og það reyndar
mismunandi mikið, þá verður ekki
fram hjá því gengið að sérfræð-
ingarnir eru inni í skólunum. Það
er sanngjörn krafa að sjónarmið
okkar stéttar komi að borðinu.“
Guðríður bendir á að skoða
þurfi vandlega alla þætti þegar
verið sé að bera skólakerfið hér
saman við skólakerfi í öðrum
löndum. „Skólaárið er mismun-
andi langt í OECD-ríkjunum auk
þess sem ekki er alls staðar lág-
markskrafa um ákveðinn árang-
ur við útskrift. Nemendur útskrif-
ast sama hver frammistaðan er. Í
Danmörku þurfa nemendur sem
hafa útskrifast sem stúdentar til
dæmis að fara í aðfaranám í ein-
hverjum tilfellum fyrir ákveðn-
ar háskólagreinar vegna ónógs
undir búnings í framhaldsskóla.
Slíkt aðfaranám er ekki alls stað-
ar á vegum hins opinbera. Ég tel
víst að við viljum ekki skerða
gæði stúdentsprófsins en ef við
ætlum að fækka námsárunum
þurfum við að lengja skólaárið.“
Ákveðin efnahagsaðgerð
Formaðurinn segir að slíkt yrði
ekki bara kerfisbreyting, held-
ur einnig ákveðin efnahagsað-
gerð. „Hún hefði áhrif á fjár-
hag íslenskra heimila. Við erum
með ákveðna samfélagsgerð þar
sem atvinnuþátttaka nemenda er
mikil. Þeir vinna fyrir bókum og
vasapeningum á sumrin og einnig
með námi á veturna. Búast má við
því að vinnan minnki mikið þegar
náminu er þjappað saman. Í Dan-
mörku fá framhaldsskólanemar
vasapeninga frá hinu opinbera.
Þeir þurfa heldur ekki að greiða
fyrir námsbækur.“
Breyting á námsefni hefur
verið í umræðunni að undan-
förnu. „Kennarar hafa lagt mik-
inn metnað í gerð námsefnis. Þeir
hafa gert það að lið í undirbúningi
kennslu að koma námsefni á raf-
rænt form. Við þurfum að stór-
auka styrki til að nútímavæða
námsefni svo ég grípi til orða
menntamálaráðherra um breyt-
ingu á því.“
Guðríður kveðst leggja áherslu
á að umræðan um skólamál-
in verði yfirveguð. „Menn hafa
verið að hengja sig á eitt úrræði
og kasta því inn í umræðuna,
eins og til dæmis brottfallstölur.
Inni í þeim tölum eru nemendur
sem hafa skipt um skóla en hafa
útskrifast á réttum tíma. Það
gleymist að benda á þessa stað-
reynd. Það er auk þess fásinna
að reikna dæmið, eins og gert
var í skýrsu sveitarfélaganna
um kostnað vegna brottfalls, að
svokallaðir brottfallsnemendur
fari á fjárhagsaðstoð sveitar-
félaganna.“
Spurð um hvort menntun kenn-
ara séu nógu góð segir Guðríður
svo vera. „Kennarar eru hæfir og
vel menntaðir en menntun þeirra
má ekki staðna. Það er brýnt
verkefni að upplýsa almenning
um hvað felst í kennarastarfinu.
Kennarar eru stétt sem vinnur
óreglulegan vinnutíma og vinn-
ur síst minna en aðrar vinnandi
stéttir. Við erum ekki bara í sól-
böðum á sumrin og í jólabakstri
í desember.“
Óhrædd við kerfisbreytingar
Nýr formaður Félags framhaldsskólakennara, Guðríður Arnardóttir, ætlar að koma stéttinni á lygnan sjó í kjaramálum. Sanngjörn krafa
að kennarar fái að koma sjónarmiðum sínum á framfæri á öllum stigum umræðunnar um breytingar á náminu til stúdentsprófs.
NÝR FORMAÐUR Guðríður Arnardóttir fer á viðræðufundi hjá ríkissáttasemjara í næstu viku. FRÉTTABLAÐIÐ/GVA
Ég ætla að hugsa í
lausnum en ekki
vandamálum. Ég tel að
það sé vilji allra sem að
borðinu koma.
Guðríður Arnardóttir,
formaður Félags
framhaldsskólakennara.
KENNARAR Í KJARABARÁTTU
Ingibjörg Bára
Sveinsdóttir
ingibjorgbs@frettabladid.is
ÁSTRALÍA, AP Leit ástralskra leitar-
flugvéla að braki úr malasísku
þotunni sem hvarf fyrir rúmum
tveimur vikum bar engan árang-
ur í gær.
Leitað var á stóru svæði um
2.500 kílómetra vestur af megin-
landi Ástralíu eftir að hlutir sem
gætu verið brak úr vélinni sáust á
gervihnattamyndum sem teknar
voru fyrir nokkrum dögum.
Leitarvélarnar eru um fjórar
klukkustundir að fljúga frá Ástra-
líu á leitarsvæðið og hafa aðeins
flugþol til að leita í tvær klukku-
stundir áður en þær þurfa að
fljúga til baka. Þrjár ratsjárvélar
tóku þátt í leitinni í gær.
Warren Truss, starfandi forsæt-
isráðherra Ástralíu, reyndi að slá
á væntingar til leitarinnar. „Hlut-
ir sem flutu fyrir mörgum dögum
gætu verið sokknir niður á botn
í dag. Það er einnig augljóst að
brakið gæti hafa borist hundruð
kílómetra á þeim tíma sem er lið-
inn frá því það sást.“
Tvær kínverskar leitarvélar
og tvær flugvélar frá Japan eru
væntanlegar til Ástralíu í dag.
Floti skipa er á leiðinni á svæði
frá Kína, en nokkrir dagar eru í
að skipin geti hafið leit.
Norskt vöruflutningaskip er á
svæðinu við leit og fleiri skip hafa
tekið stefnuna á þennan afskekkta
hluta Indlandshafs í þeirri von að
finna eitthvað sem gæti gefið vís-
bendingu um hvað varð um týndu
malasísku þotuna. - bj
Umfangsmikil leit að malasísku þotunni í Ástralíu:
Leit flugvéla bar
engan árangur í gær
LANGFLUG
Þrjár ástr-
alskar P-3C
Orion ratsjár-
vélar búnar
fullkomnum
leitartækjum
hafa tekið
þátt í leitinni
að malasísku
þotunni.
FRÉTTABLAÐIÐ/AP