Fréttablaðið - 22.03.2014, Blaðsíða 32

22. mars 2014 LAUGARDAGUR| HELGIN | 32
Flíkin sem stenst
tímans tönn
Ef það er einhver flík sem er ómissandi í fataskápinn er það
hvíta skyrtan. Flíkin sem passar við allt og má finna í óteljandi
útgáfum frá flestum tískuhúsum heims í gegnum tíðina. Í upp-
hafi var skyrtan einungis ætluð herramönnum en er nú lykilflík í
fataskápum beggja kynja. Tískuhúsin eru sammála um að hvíta
skyrtan eigi heima í vor- og sumartískunni sem, með hækkandi
sól, ekki er seinna vænna að gefa gaum.
Skyrtan kom fyrst fram á sjónarsviðið árið 1793 á málverki af drottn-
ingunni Marie Antoinette. Síðan þá hefur mikið vatn runnið til sjávar.
Í byrjun síðustu aldar var hvíta skyrtan tákn um auð enda ekki á færi
allra að klæðast kríthvítum skyrtum nema þeim sem unnu ekki verka-
mannavinnu og gátu því haldið flíkinni flekklausri.
Leikkonan og tískufyrirmyndin Audrey Hepburn klæddist gjarna hvít-
um skyrtum af öllum stærðum og gerðum. Annaðhvort
stórum herraskyrtum
sem hún batt í
mittið til að gera
línurnar kvenlegri eða
þröngum hvítum sem
hún gyrti ofan í buxur
jafnt sem pils.
Ritstýra bandaríska
Vogue, Anna Wintour,
gerði tímamótaforsíðu
á aprílhefti blaðsins
árið 1992 er hún fékk
níu ofurfyrirsætur, þar
á meðal Claudiu Schiff-
er, Cindy Crawford
og Naomi Campbell,
til að klæðast alveg
eins hvítum skyrtum
bundnum í mittið.
Hvítar skyrtur í gegnum tíðina
ACNE
ALEXANDER WANG
PRABAL GURUNG
3.1 PHILLIP LIM
NINA RICCI
BOTTEGA
VENETA
VICTORIA
BECKHAM
BALENCIAGA
VICTORIA BECKHAM
Álfrún
Pálsdóttir
alfrun@frettabladid.is