Fréttablaðið - 29.03.2014, Síða 52

FÓLK|HELGIN
Ég hef alltaf verið hrekkj-ótt og man eftir skelfilegu síma ati sem ég gerði að-
eins þrettán ára,“ segir Carola
og rifjar upp símahrekk sem enn
nagar samvisku hennar.
„Þá valdi ég kvenmannsnafn
af handahófi úr símaskránni og
þóttist vinna á saumastofu þar
sem maður hefði pantað handa
henni forláta kápu í óvænta
gjöf. Ég þyrfti því málin hennar.“
Fórnarlamb Carolu gaf henni
mál sín og aftur og aftur hringdi
Carola í spennta konuna.
„Á endanum sagði ég henni
að maðurinn væri hættur við og
hefði fundið aðra konu. Hversu
konan varð vonsvikin er mér
ógleymanlegt og hversu mér
þótti það fyndið, en svona var
ég, samviskulaus skepnan.“
ERFÐI STRÍÐNINA FRÁ AFA
Carola fæddist í Þýskalandi en
flutti eins árs til Íslands eftir að
móðir hennar kynntist Íslend-
ingi sem þar var við tannlækna-
nám.
„Maðurinn var Hængur Þor-
steinsson sem ættleiddi mig og
hefur verið pabbi minn frá því
ég man eftir mér. Ég hélt áfram
sambandi við ömmu mína, afa
og langömmu í Þýskalandi og
þaðan á ég stórkostlegar minn-
ingar um sumardvöl og góða
tíma,“ segir Carola sem fer á
ættarmót með þýskum ætt-
mennum í sumar.
„Ég erfði stríðnina frá móður-
afa mínum. Hann var stór-
skemmtilegur maður og hrika-
lega hrekkjóttur. Níræð systir
hans varð mest fyrir barðinu á
honum og alltaf jafn auðtrúa.“
Carola varð íslenskum út-
varpshlustendum að góðu kunn
þegar hún framdi óborganlega
símahrekki í útvarpsþættinum
Tveir með öllu í umsjón Gunn-
laugs Helgasonar og Jóns Axels
Ólafssonar á tíunda áratugnum.
„Gulli bað mig svo að gera
símahrekk fyrir Rás 2 fyrir
tveimur árum og þá hélt ég að
hann væri að grínast í mér. Ég
þurfti þó ekki að hugsa mig
lengi um því mér finnst ein-
staklega skemmtilegt að gera at
í fólki.“
Margir furða sig á hvernig
Carola nær að halda í sér hlátr-
inum í bráðfyndnum síma-
hrekkjunum, en hún er nú með
splunkunýja símahrekki í þætt-
inum Í bítið á Bylgjunni.
„Auðvitað hef ég oft verið að
farast úr hlátri en aðeins einu
sinni þurft að hætta í miðju
kafi,“ segir Carola sem setur sig
sterkt inn í karakterana til að
eiga minna bágt með hláturinn.
„Þá sátum við Gulli í pínulitlu,
gluggalausu stúdíói og gerðum
símaat í Sand- og malarsölunni.
Á þeim árum reykti fólk inni
á vinnustöðum og Gulli púaði
stóran vindil framan í mig. Ég sá
hvorki út úr augum né náði orð-
ið andanum og þegar þögult og
húmorslaust fórnarlambið fór
að hósta brjálaðist ég úr hlátri.
Ég skrifa það þó ekki á takmark-
aða sjálfsstjórn mína heldur
súrefnisleysið og vindlareykinn
hans Gulla,“ segir Carola og
hlær.
KVENNAGLEÐI Í NEW YORK
Carola er gift Jóni Viðari Guð-
jónssyni byggingarverkfræðingi
og eiga þau Andreu Idu leikkonu,
Arnar háskólanema og söngvara
og Þorstein Hæng grunnskóla-
nema og dansara.
„Ég er mikil fjölskyldumann-
eskja og vil helst alltaf hafa hana
hjá mér. Við erum heimakær en
skreppum stundum í Grímsnesið
til að smíða sumarhús. Mér hef-
ur þótt gaman að skoða heiminn
en er nú farin að róast og vil eiga
kúrukot nálægt borginni til að
hlusta á fuglasöng.“
Um helgina er Carola í kvenna-
ferð í stórborginni New York.
„Ég er dansmamma og hef
kynnst mjög skemmtilegum kon-
um í gegnum dansnám sonar
míns. Við ætlum út að borða, á
söngleik, versla, drekka rauð-
vín og allt sem konur gera
skemmtilegt saman þegar þær
eru einar.“
Í frístundum hefur Carola
yndi af því að mála myndir á
trönum og mála á postulín.
„Nú er ég að mála jóladiska
fyrir börnin og útkoman er alls
ekkert lummó heldur sláandi
flott. Ætli listamannsblóðið
komi ekki frá mömmu og afa;
svona ekta þýskt kúnstverk,“
segir hún hláturmild.
Æskudraumur Carolu var að
verða dýralæknir en draum-
urinn var úti þegar hún féll í
yfirlið við að sjá hest sinn saum-
aðan eftir stóran skurð á læri.
„Tennur voru vitaskuld mikið
ræddar á heimilinu og því lærði
ég tannsmíði þar sem handverk
á vel við mig. Ég vann náið með
pabba í þrjátíu ár en nú er hann
hættur að vinna og ég starfa
með öðrum tannsmið sem
er líka yndislegt. Það er ein-
staklega gefandi að sjá tennur
manns fara upp í fólk.“
HLÁTUR SKAPAR VELLÍÐAN
Carola á sér draumafórnarlamb
þegar kemur að símahrekkjum
og ætlar sér að ná honum einn
daginn þótt hún gefi ekki meira
upp að sinni.
„Ég upphugsa alla síma-
hrekkina sjálf og þeir eru spuni
frá upphafi til enda,“ segir
Carola sem áður varð bálreið
ef aðrir reyndu að hrekkja hana
en hefur nú gaman af góðum
hrekk. „Fæstir leggja þó í mig
því þeir vita að þeir fá það tífalt
til baka.“
En verður framhald á síma-
hrekkjunum í Í bítið?
„Vonandi. Það er yndislegt að
kitla fram hlátur fólks því það
er aldrei nóg af hlátri og öllum
líður vel eftir gott hláturskast.“
■ thordis@365.is
GOTT HREKKJUSVÍN
HELGIN Tannsmiðurinn Carola Ida Köhler er hrekkjusvín af Guðs náð og
ábyrg fyrir urrandi hlátursköstum landslýðs yfir kostulegum símahrekkjum.
GAMANSÖM Carola Ida Köhler erfði gamansemina frá þýskum móðurafa sínum og tekur hrekkjum nú til dags vel. MYND/VILHELM
Bíldshöfða 18 - 110 Reykjavík - sími: 557 9510 - www.patti.is
Opið virka daga kl. 10-18
laugard. 11-16
Roma hornsófi 2H2
Basel sófasett 3+1+1
Rín tungusófi
TILBOÐ
Sjónvarpsskápur Salsa Sjónvarpsskápur Cubic TV2
* í völdum áklæðum
Ábendingahnappinn má finna á
www.barnaheill.is
SKEPNA
„Hversu konan varð vonsvikin
er mér ógleymanlegt og hversu
mér þótti það fyndið, en svona
var ég, samviskulaus skepnan.”