Fréttablaðið - 29.03.2014, Side 56

KYNNING − AUGLÝSINGFerðir LAUGARDAGUR 29. MARS 20142
Akureyri er sívinsæll viðkomustaður Íslendinga yfir páskana og í því
eiga skíðabrekkurnar í Hlíðarfjalli stóran þátt. Hlíðarfjall býður upp
á frábæra aðstöðu fyrir skíða- og brettafólk á öllum aldri, byrjendur
jafnt sem lengra komna. Að sögn Guðmundar Karls Jónssonar, for-
stöðumanns í Hlíðarfjalli, er nægur snjór í fjallinu og langtímaveð-
urspáin góð fyrir næstu vikur. „Við bjóðum upp á sérstakan barna-
skíðaskóla fyrir börn á aldrinum 5-12 ára. Það er sérstaklega hent-
ugur möguleiki fyrir fjölskyldufólk sem á ung börn sem eru að stíga
sín fyrstu skref á skíðum. Krakkarnir koma hingað kl. 10 og eru að til
ýmist kl. 12 eða 14. Hér læra þau á skíði hjá fagmönnum og fá einn-
ig léttan hádegismat. Á meðan geta foreldrar skíðað áhyggjulaust.
Svo er einnig vinsælt meðal fullorðinna að fínstilla stílinn með því
að fá sér skíðakennara í einn til tvo tíma.“
Í vikunni fyrir páska er Hlíðarfjall opið kl. 10-19 en yfir páskana
er opnunartíminn kl. 9-16.
Allar nánari upplýsingar um aðstöðuna í Hlíðarfjalli og opnun-
artímann má finna á www.hlidarfjall.is og á Facebook.
Hlíðarfjallið heillar
Skíðakennarar skíðaskólans taka vel á móti krökkum. MYND/ÚR EINKASAFNI
Í frystihúsinu á Stokkseyri hefur Björg vin Tómasson orgel-smiður komið sér vel fyrir
með Orgelsmiðju sína. Björgvin
er eini orgelsmiður landsins og
eftir hann liggja ófá verk í íslensk-
um kirkjum, í allt 37 pípuorgel af
þeim 120 sem til eru á landinu.
„Árið 2005 bauðst mér pláss
hér á Stokkseyri og ég sló til
og f lutti,“ segir Björgvin sem
kann afar vel við sig í frystihús-
inu. „Í fyrstu angaði hér allt af
fiskilykt en svo múraði ég mig
frá fiskvinnslusalnum og inn-
réttaði þessa 430 fermetra fyrir
mína starfsemi,“ segir Björgvin
en frystihúsið er nokkurs konar
menningarmiðstöð í bænum. Þar
er rekið Draugasetur og þar hafa
aðstöðu listmálarar og leirkera-
smiður. „Við erum þó enn tengd
sjónum því hér er líka lítil fisk-
vinnsla sem heitir Krossfiskur,“
segir hann glettinn.
Björgvin segir vel fara um sig
á Stokkseyri. „Þetta er hentugur
staður fyrir starfsemi á borð við
mína enda í þægilegri fjarlægð
frá borginni. Þá er þetta þægilegt
samfélag, svipað því og þegar ég
var að alast upp í Mosfellssveit-
inni í gamla daga,“ segir hann
brosandi.
Spilar fyrir gesti
Í þau ár sem Björgvin hefur verið
með Orgelsmiðju sína í frysti-
húsinu hefur hann tekið á móti
fjölda fólks, bæði einstaklingum
sem hafa komið inn á verkstæðið
fyrir einskæra tilviljun og hópum
sem hafa gert boð á undan sér.
„Mér fannst því athugandi að
opna smiðjuna f yrir gestum
gegn gjaldtöku enda liggur heil-
mikil vinna í því að taka á móti
fólki og leiða það um verkstæðið,“
segir Björgvin. Hugmyndin fékk
góðar undir tektir og hlaut Björg-
vin til að mynda styrk frá Sam-
bandi sunnlenskra sveitarfélaga,
Landsbankanum og Nýsköpunar-
miðstöð til að láta hana verða að
veruleika. „Frá áramótum höfum
við unnið að því að breyta húsa-
kynnunum. Við höfum málað,
sett upp sýningargripi og sýn-
ingarfleka,“ lýsir Björgvin en með
honum starfa tveir smiðir, þeir
Jóhann Hallur Jónsson og Guð-
mundur Gestur Þórisson.
En hvað geta gestir búist við
að sjá? „Ég mun sýna þeim þróun
pípuorgelsins en það er gríðar-
lega gamalt fyrirbæri sem rekja
má aftur til ársins 246 fyrir Krist.
Ég mun fara yfir þróun hljóðfær-
anna og segja frá minni starfsemi
í þau 28 ár síðan ég sneri heim úr
námi,“ segir Björgvin sem einn-
ig leyfir gestum sínum að njóta
hljómanna úr hljóðfærunum. „Ég
er hér með eitt pípuorgel frá 1754
sem ég spila stundum á og segi þá
fólki frá því að allar líkur séu á að
Mozart hafi spilað á þetta sama
hljóðfæri,“ segir Björgvin glettinn
en orgelið umrædda á uppruna að
rekja til Austurríkis.
Gefandi en erfitt starf
Björgvin segist hafa dottið inn
í orgelsmíðina af hálfgerðri til-
viljun. „Ég var að velta fyrir mér
að fara út í píanóstillingar en svo
álpaðist ég út í pípuorgelin,“ segir
hann en Björgvin lærði orgel- og
harmóníumsmíði í Þýskalandi.
„Þetta hefur bæði verið skemmti-
legt en líka erfitt enda hefur
maður þurft að berjast fyrir til-
vist sinni. En vitanlega er mjög
gefandi starf að hanna hljóðfæri
frá byrjun og sjá það rísa smátt og
smátt. Þá er ánægjuleg tilfinning
þegar hljóðfærið er vígt í kirkj-
unni,“ segir Björgvin sem hlakk-
ar til að hefja nýjan kafla í ferða-
þjónustu. „Ég hef mjög gaman af
að taka á móti fólki. Það liggur
ágætlega fyrir mér að segja frá og
ég verð var við að fólk fer fremur
ánægt héðan út,“ segir hann glað-
lega og vonast til að sjá sem flesta
í smiðjunni sinni.
Mikið framboð fyrir ferðamenn
Orgelsmiðjan er enn ein fjöðrin í
hatt nágrannaþorpanna Stokks-
eyrar og Eyrarbakka en þar geta
ferðamenn fundið margt til að
skoða og gera. „Á Stokkseyri
má nefna Veiðisafnið, kajak-
leiguna, gallerí þar sem heima-
fólk er með handverk, veitinga-
staðinn Fjöruborðið, gistihús-
ið Kvöldstjörnuna, gróðrarstöð
sem er algjör vin í þorpinu og
afar gott tjaldstæði. Á Eyrar-
bakka býður Siggeir Ingólfsson
upp á gönguferðir um þorpin og
Húsið á Eyrar bakka er skemmti-
legur viðkomustaður. Þá er búið
að endurvekja búð sem Guðlaug-
ur Pálsson rak í eina tíð en hann
var í áratugi einn elsti kaupmað-
ur landsins. Það er Magnús Karel
Hannes son sem bregður sér í
hlutverk Guðlaugs og lætur mann
detta marga áratugi aftur í tím-
ann,“ telur Björgvin upp og nefnir
einnig hjónin Valgeir Guðjónsson
og Ástu Kristrúnu sem ætla sér
að byggja upp menningartengda
ferðaþjónustu í bænum. Þá má
ekki gleyma Konubókastofu sem
er einnig hluti Bókabæjar austan
fjalls. „Það verður enginn svikinn
af sunnudagsbíltúr hingað,“ segir
hann glaðlega.
Opnun Orgelsmiðjunnar fer
fram núna um helgina og verð-
ur ókeypis í dag og á morgun en
opið er frá kl. 11 til 17. Hljómsveit-
in Var mun halda tónleika í Orgel-
smiðjunni í dag klukkan 16.
Sýningin verður opin framveg-
is kl. 10 til 18 virka daga og eftir
samkomulagi um helgar. Orgel-
smiðjan er til húsa á Hafnargötu
9, sjávarmegin, á Stokkseyri.
Nánar á www.orgel.is.
Gestagangur í
Orgelsmiðjunni
Björgvin Tómasson orgelsmiður hefur opnað verkstæði sitt á Stokkseyri
fyrir ferðamönnum. Þar mun hann leiða fólk í allan sannleikan um pípuorgel
auk þess sem hægt er að fylgjast með starfi smiðanna. Í tilefni opnunarinnar
verður frítt inn á laugardag og sunnudag frá 11 til 17.
Björgvin er eini orgelsmiður landsins. Í íslenskum kirkjum er að finna 37 orgel sem
smíðuð eru af honum. MYND/STEFÁN
Í Kína er að finna allnokkra furðu-
lega ferðamannastaði. Einn slík-
ur er „Kingdom of the Little People“
eða Konungsríki smáa fólksins sem
er skemmtigarður nærri borginni
Kunming. Allir starfsmenn garðs-
ins eru dvergvaxnir eða minni en
130 cm.
Garðurinn var stofnaður í sept-
ember árið 2009 af Chen Mingjing,
auðugum fjárfesti á fasteignamark-
aði. Ári eftir stofnun garðsins voru
starfsmenn orðnir um hundrað
talsins en Chen vonast hins vegar til
að með árunum muni dvergvöxn-
um starfsmönnum fjölga í eitt þús-
und. Flestir gestir garðsins koma
úr nærliggjandi bæjum en framtíð-
arstefnan er að gera garðinn að áfangastað erlendra ferðamanna í
auknum mæli.
Starfsmennirnir smávöxnu búa allir saman í búðum nærri garð-
inum, í byggingum sem eru sérstaklega útbúnar fyrir dvergvaxnar
manneskjur.
Starfsmenn syngja og dansa fyrir gesti og setja upp ævintýri og
ballettsýningar með grínívafi. Þá eru af og til hip hop-danssýning-
ar. Oft er í aðalhlutverki svokallaður Dvergakonungur, leikari sem er
aðeins metri á hæð. Hann klæðist gullskikkju og ekur um á mótor-
þríhjóli.
Fjölmörg alþjóðleg samtök hafa gagnrýnt garðinn og telja að hann
líkist helst mennskum dýragarði, geri grín að dvergvöxnu fólki og sé
til þess fallinn að einangra þá fötluðu frá samfélaginu. Chen vill hins
vegar meina að garðurinn veiti fólki vinnu sem að öðrum kosti fengi
hvergi annars staðar starf.
Umdeild dvergaparadís
Starfsmenn garðsins syngja og dansa fyrir gesti. NORDICPHOTOS/GETTY