Fréttablaðið - 29.03.2014, Síða 96

Brúðkaup LAUGARDAGUR 29. MARS 201418
Óvenjuleg
bónorð
Ef allt er eins og það á að vera er það mikil
gleðistund þegar stóra spurningin er borin upp.
Margir vilja fara hefðbundnar leiðir og eru
formfastir í bónorðsmálunum; karlmaðurinn á að
fara á skeljarnar. Aðrir vilja gera eitthvað
óvenjulegt og finnst gaman að koma makanum á
óvart og bera bónorðið upp þegar hann á síst von á.
Ef einhver er á biðilsbuxunum og vantar frumlegar
hugmyndir eru hér nokkrar.
Að bjóða sínum heittelskaða maka í
rómantískan kvöldverð á veitingastað,
fá þjónustufólkið í lið með sér og fela
bónorðið í mat eða drykk. Það er eflaust
ekki óvenjulegasta bónorð í heimi en
kemur á óvart og er reglulega krúttlegt.
Breytið venjulegum aðstæðum í óvenjulegar og berið fram stóru spurninguna þegar
makinn á síst von á. Bónorð í gönguferð á ströndinni er með því rómantískasta sem um
getur.
Ef þessi leið er farin er tilvalið að nota
Harry Potter bókina The Circlet of Eternity
og skera niður að kaflanum The Unbrea-
kable vow (Órjúfanlega heitið).
Þessi er góð fyrir bókmenntanördana.
Það má nota hvaða bók sem er og gefa
makanum sem verður eflaust mjög hissa
að sjá hvað leynist á bak við kápuna.
Skrifið stóru spurninguna í botninn á
morgunkaffibollanum. Þannig verður það
alveg á hreinu að svarið komi frá mann-
eskju sem er vakandi og skyni gædd.
Fáðu hjálp frá gæludýrinu. Gætið þess þó að dýrið gleypi ekki hringinn og bónorðið
verði skítlegt.
Brúðkaupsdagurinn er ekki kallaður „stóri dagurinn“ fyrir
ekki neitt. Margir skipuleggja hann með margra mánaða
fyrirvara og hefur jafnvel dreymt um hann í fleiri ár. Aðrir
hafa ekki þann hátt á og skipuleggja brúðkaup á nokkrum
vikum. Einhverjir taka andköf þegar þessi hugmynd berst
í tal en það er vel hægt að halda flott og skemmtilegt brúð-
kaup með stuttum fyrirvara.
Skipulagt á stuttum tíma
● Það er best að byrja á því að panta veislusal, kirkju og prest (eða annan til að
gefa brúðhjónin saman). Þegar það er komið þarf að senda út boðskort. Það er
auðvelt að gera þau heima í tölvunni og líka fljótlegra.
● Þá er komið að fötunum á brúðhjónin. Ekki gleyma fylgihlutum, svo sem skóm
og skartgripum. Hægt er að leigja allt sem til þarf á brúðarkjólaleigum.
● Ef panta á veitingar í veisluna þyrfti helst að skipuleggja það með nokkurra
vikna fyrirvara. Ef ekki er tími til þess má biðja vini og ættingja um aðstoð og fá
hvern og einn um að koma með einn rétt eða köku.
● Hafa þarf samband við ljósmyndara nokkrum vikum fyrir brúðkaup til að hann
sé örugglega laus þann dag. Í flestum fjölskyldum finnst svo yfirleitt einhver
sem getur tekið myndir í veislu og athöfn. Einnig er sniðugt að biðja gesti að
taka myndir og safna svo öllum myndunum saman á einhverja netsíðu.
● Gott er að fara í klippingu um það bil viku áður og vera þá búinn að ákveða
hvernig hár og förðun á að vera á stóra daginn.
● Skreytingar fyrir salinn og blóm þarf að kaupa nokkrum dögum fyrir brúð-
kaupið og gott ef hægt er að klára að skreyta salinn þá. Einnig þarf að huga
að því hvernig brúðhjónin eiga að ferðast um á brúðkaupsdaginn ef þau
þurfa að fara á milli til dæmis kirkju og
veislusalar.
● Það er um að gera að
virkja fólkið í kring
og láta alla sem
til taks eru til
að hjálpa
til við
undirbún-
inginn.
Svo er
mikil-
vægast
að
njóta
dagsins
og
skemmta
sér vel.