Fréttablaðið - 14.05.2014, Síða 19

www.visir.is Sími: 512 5000 | Miðvikudagur 14. maí 2014 | 32. tölublað. tölublað | 10. árgangur
G Ö N G U M
HRE INT
T I L V E R K S !
NORDICPHOTOS/GETTY
LIÐKA ÞARF FYRIR FJÁRFESTINGU
ÁÐUR EN HÖFTUM ER LYFT
➜ Ísland er meðal þeirra þjóða
heims þar sem hvað mestar
hindranir eru í vegi beinnar
erlendrar fjárfestingar.
➜ Búast má við verðbólgu og
gengisfalli strax í kjölfar
afnáms gjaldeyrishafta að
mati Viðskiptaráðs Íslands.
➜ Fjárfestingarkostir og -um-
hverfi ræður því hvernig til
tekst eftir afnám hafta og
hvort landið fær staðið undir
erlendum skuldbindingum.
SÍÐA 6
Kaupa hlut í Keahótelum ehf.
Framtakssjóðurinn Horn II slhf., sem er í rekstri
Landsbréfa, sem er í eigu Landsbankans, hefur
fest kaup á 60 prósenta hlut í Keahótelum ehf., einu
stærsta hótelfélagi landsins.
Keahótel ehf. reka meðal annars Hótel Kea á
Akur eyri og Hótel Borg í Reykjavík. Seljandi er
eignarhaldsfélagið Hvannir ehf. Engin breyting
verður á rekstri félagsins við þessa breytingu á eig-
endahópnum samkvæmt tilkynningu.
Keahótel ehf. standa að mikilli uppbyggingu um
þessar mundir. Í haust tekur félagið meðal annars
við rekstri nýs hótels við Austurvöll þar sem áður
var Reykjavíkurapótek og vorið 2015 bætist við nýtt
hótel við Hverfisgötu og viðbygging við Hótel Borg
verður tekin í notkun. - fbj
Ætla að kaupa 10% eigin bréfa
Stjórn VÍS hefur tekið ákvörðun um framkvæmd
endurkaupaáætlunar um kaup á eigin bréfum í þeim
tilgangi að lækka útgefið hlutafé félagsins. Ákvörð-
unin var tekin á grundvelli samþykktar frá aðal-
fundi félagsins þann 13. mars síðastliðinn þar sem
stjórninni var heimilað að kaupa allt að 10 prósent
af hlutafé félagsins á næstu fimm árum.
Hámarksfjöldi hluta sem áætlunin kveður á um
að verði keyptir er að nafnverði kr. 55.000.000, en
það jafngildir um 2,2 prósentum af útgefnu hlutafé
félagsins. Fjárhæð endurkaupanna verður þó aldrei
hærri en kr. 500.000.000. Heimildin gildir fram að
aðalfundi félagsins 2015. Kaupin verða framkvæmd
í áföngum. - fbj
Margrét til Bláa lónsins
Margrét Stefánsdóttir hefur verið ráðin markaðs-
og kynningarstjóri Bláa lónsins. Hún hóf störf á
markaðssviði fyrirtækisins í byrjun árs.
Margrét starfaði áður sem upplýsingafulltrúi
Skipta og Símans og sem stjórnandi kynningar-
mála hjá Símanum. Hún hefur einnig starfað við
markaðsráðgjöf og almannatengsl hjá GSP Sam-
skiptum, ásamt því að starfa sem fréttakona á Stöð
2 og Bylgjunni. Þá hefur Margrét komið að rekstri
Íslandsfunda, fjölskyldufyrirtækis í ferðaþjónustu.
Margrét lauk B.Ed-námi frá Kennaraháskóla Ís-
lands og diplómanámi frá Háskóla Íslands í fjöl-
miðlun. - sáp