Fréttablaðið - 14.05.2014, Blaðsíða 42

| 10 14. maí 2014 | miðvikudagur
Bygging Norðurturnsins hófst
að nýju í ágúst í fyrra. Þá höfðu
stærstu kröfuhafar þrotabús Norð-
urturns ehf. leyst bygginguna til
sín og stofnað félagið Nýr Norð-
urturn hf. Það er í eigu Glitnis,
Íslandsbanka, Tryggingamið-
stöðvarinnar, Lífeyrissjóðs verk-
fræðinga, dótturfélags Bygging-
arfélags Gylfa og Gunnars (Hjúps
ehf.) og félaganna Bilskirnir ehf.
og Grænistekkur ehf.
„Eignin var þá gerð að hlutafé
í félaginu og samhliða var gengið
frá samningum við eigendur Hjúps
um að þeir myndu setja bygging-
arefni sem þeir höfðu keypt fyrir
verkefnið inn í félagið og þannig
eignast hlut í því. Samhliða var
gengið frá því að þeir myndu klára
bygginguna,“ segir Ríkharð Ottó
Ríkharðsson, framkvæmdastjóri
Nýs Norðurturns.
Eigendur félagsins sömdu í kjöl-
farið við Arion banka um fjár-
mögnun vegna framkvæmdanna
og þær eru nú að fullu fjármagn-
aðar. Ríkharð segir félagið ekki
vilja upplýsa um heildarkostnað
verkefnisins.
„Við vitum hver kostnaðurinn
við að klára þetta er en ég get sagt
að ef við færum í svona fram-
kvæmd frá grunni þá yrði kostnað-
urinn ekki undir fimm milljörðum
króna með bílastæðunum og öllu.“
Norðurturninn verður alls fjór-
tán hæðir með tólf skrifstofuhæð-
um og hver þeirra er um þúsund
fermetrar að stærð. Bygginga-
verktakarnir eru nú komnir upp
í ellefu hæðir og vinna nú við að
steypa gólfplötuna á elleftu hæð-
inni. Reginn fasteignafélag leigir
nú tvær neðstu hæðir hússins og á
annarri hæðinni er Baðhús Lindu.
Hinar hæðirnar tólf hafa ekki
verið leigðar út.
„Samningurinn við Regin var
ákveðinn grundvöllur fyrir því
að púsluspilið gekk saman. Nú er
unnið að því að fá fulla nýtingu í
húsið og það hafa verið viðræður
í gangi við aðila sem eru spenntir
fyrir því að koma inn í þetta en við
erum fyrst að skoða kjölfestuleigu-
taka í skrifstofuhúsnæði. Þetta
tekur sinn tíma en það er búið að
Allt á fullu í Norðurturninum
Norðurturninn við Smáralind verður líklega tilbúinn til afhendingar um mitt næsta ár. Þá verða liðin tæp átta
ár síðan framkvæmdir við bygginguna hófust en fyrstu hæðirnar voru hálfkláraðar í tæp fimm ár.
HORFT UPP Verktakar vinna nú meðal annars
við að glerja nokkrar hæðir byggingarinnar.
Á 11. HÆÐ Ríkharð Ottó Ríkharðsson, framkvæmdastjóri Nýs Norðurturns, segir samning við Regin fasteignafélag um leigu á tveimur neðstu hæðum byggingarinnar hafa verið mikilvægan þátt í að koma verkefninu af stað.
FRÉTTABLAÐIÐ/GVA
VIÐTAL
Haraldur Guðmundsson | haraldur@frettabladid.is
Norðurturninn ehf. var dótturfélag Fasteigna-
félags Íslands sem átti einnig Smáralindina.
Fasteignafélagið var að stærstum hluta í eigu
Glitnisbanka og Saxbyggs, félags sem var í
eigu Saxhóls, nú Heiðarsól ehf., og Byggingar-
félags Gunnars og Gylfa (BYGG).
Félagið hóf byggingu turnsins árið 2007 og
BYGG var þá aðalverktaki framkvæmdanna.
Þær stöðvuðust í nóvember 2008 vegna
fjárskorts. Farið var fram á greiðslustöðvun
og félagið úrskurðað gjaldþrota í september
2010.
Eftir sat fokheld hálfkláruð bygging, eig-
endum Smáralindarinnar og íbúum í hverfinu
til lítils augnayndis.
Skiptum þrotabúsins lauk 16. desember
síðastliðinn og þá fengu lánveitendur verk-
efnisins tæplega 22 prósent upp í kröfur sínar.
Kröfurnar námu rúmum 5,4 milljörðum króna.
Löng framkvæmdasaga Eigendur Nýs Norðurturns
26,82%
Glitnir
22,85% Íslandsbanki
14,9%
Tryggingamiðstöðin
23%
Hjúpur ehf.*
9,93%
Lífeyrissjóður
verkfræðinga
1,98%
Grænistekkur ehf.
sá góðum fræjum,“ segir Ríkharð.
„Við gerðum okkur grein fyrir
að það þyrfti þolinmæði til að ná
þessum kjölfestuleigutökum. Það
eru margar breytur sem þarf
að skoða áður en samningum er
lokað.“
Ríkharð segir bygginguna hafa
verið í mjög góðu ástandi þegar
félagið tók við henni miðað hversu
lengi hún stóð hálfkláruð.
„En það þurfti að sandblása og
styrktarmæla og styrkja jarð-
skjálftajárn með því að sjóða það
að utan,“ segir Ríkharð.
Hann segir markaðinn fyrir hús-
næði af þessari stærð góðan.
„Þetta er eina staðsetningin á
Stór-Reykjavíkursvæðinu sem
býður upp á möguleika fyrir fyrir-
tæki sem þurfa þrjú til fimm þús-
und fermetra á einni staðsetningu.
Í því tilliti höfum við verið að sjá
smá ljós við endann á göngunum og
að það sé markaður fyrir húsnæði
af þessum gæðaflokki þar sem eru
engin bílastæðavandamál.“
0,49%
Bilskirnir ehf.
Nú er unnið að því
að fá fulla nýtingu
á húsið og það hafa verið
viðræður í gangi við aðila
sem eru spenntir fyrir því
að koma inn í þetta en við
erum fyrst að skoða kjöl-
festuleigutaka í skrifstofu-
húsnæði. Þetta tekur sinn
tíma en það er búið að sá
góðum fræjum.
14 H ÆÐIR
Turninn gnæfir yfir
Smáralindina og
aðrar byggingar á
svæðinu.
*Dótturfélag Byggingarfélags Gylfa og Gunnars.