Fréttablaðið - 14.05.2014, Qupperneq 36

KYNNING − AUGLÝSINGVeiði MIÐVIKUDAGUR 14. MAÍ 20148
Sushi við árbakkann
Gott nesti er nauðsynlegt í veiði-
ferðum enda eyða veiðimenn oft
löngum tíma úti við, langt frá veiði-
skálanum. Flatkökur og hangi-
kjöt, samlokur og drykkjarföng eru
oft með í för en það er skemmti-
leg tilbreyting að slá upp einfaldri
sushi-veislu við árbakkann. Það er
óþarfi að flækja hlutina of mikið og
því upplagt að einblína á sashimi,
sem er sushi án hrísgrjóna, og nig-
iri, þar sem uppistaðan er grjón og
hrár fiskur.
Lax og bleikja hentar mjög vel í
sushi en þeir ævintýragjarnari geta
líka spreytt sig á urriðanum.
Sashimi er einfalt í framkvæmd.
Fiskurinn er sneiddur í þunnar
sneiðar eða litla kubba. Það er
hægt að útbúa ponzu-
sósu áður en haldið er
úr húsi en hún saman-
stendur af sojasósu
og safa úr sítrusávöxt-
um. Einnig má bera fram sojasósu,
súrsað engifer og wasabi-mauk
með fiskinum.
Nigiri krefst aðeins meiri undir-
búnings. Þá eru sushi- grjónin
soðin í veiðiskálanum áður en
haldið er af stað. Þegar matreiðsl-
an hefst eru grjónin mótuð á rétt-
an hátt og þunnar fisksneið-
ar lagðar ofan á. Á milli
er venjan að smyrja ör-
litlu wasabi-mauki og
bera fram með sojasósu.
Góður hnífur og bretti
eru einu áhöldin sem þarf til að
útbúa þessa veislu. Prjónar eða
guðsgafflarnir eru síðan nýttir til
að snæða veitingarnar.
ORMATÍNSLA UM NÆTUR
Best er að tína ánamaðka um
nótt og í hellirigningu. Því meira
sem rignir, því fleiri ánamaðkar
leita upp á yfirborðið. Ástæðan er
sú að maðkarnir „anda“ gegnum
húðina og bleytan gerir þeim
þungt um „andardrátt“!
Notið vasaljós og laumist að
þeim. Ánamaðkar skynja titring
og skjótast hratt ofan í jörðina
verði þeir varir við hreyfingu.
Þegar
höndum
hefur
verið
komið á
ánamaðkinn
verður að toga
hann upp með lagni svo
hann slitni ekki.
Ef jarðvegurinn er þurr og ekki
útlit fyrir rigningu í bráð, má
reyna að vökva lóðina hressilega
til að lokka ánamaðkana upp
á yfirborðið. Þá er sagt óráð að
nota kemískan áburð á lóðina
ef tína á þar ánamaðka en nota
heldur húsdýraáburð á blettinn.
Þá er einnig sagt að mest sé um
ánamaðka í vel hirtum görðum.
Heimild: Vísindavefur Háskóla
Íslands.
VEITT OG SLEPPT
Þeim veiðimönnum fjölgar sem
sleppa stangveiddum fisk. Mikil-
vægt er að bera sig rétt að. Á vef
Veiðimálastofnunar er að finna
greinargóðar leiðbeiningar.
● Mælt er með að nota króka án
agnhalds og sterka línu.
● Of stórir krókar geta rifið illa en
smáir krókar eru oft kokgleyptir.
Þá er betra að nota króka sem
ryðga því þá er möguleiki að
skera á línuna því krókurinn
brotnar niður og eyðist.
● Þegar fiskurinn hefur verið
veiddur á að varast að lyfta
honum upp úr vatninu. Háfar
geta farið illa með slímhúð og
hreistur.
● Hvorki á að snerta tálkn né augu.
● Varast ber að lyfta fisknum upp á
sporðinum. Þá á að bleyta hendur
áður en fiskur er handleikinn
því þurrar hendur geta fjarlægt
slímhúð.
● Öngulinn á að losa sem fyrst,
mjúkum höndum og helst undir
yfirborði vatns.
● Nota á töng með góðu gripi til að
ná önglinum úr fisk.
● Ef öngull er illa fastur og ekki
hægt að losa hann án þess að
særa fiskinn enn meira, á að
klippa á línuna sem næst öngl-
inum og láta hann vera.
● Ekki má eyða of miklum tíma í
losun önguls.
● Forðast á að vigta fiska, fremur
á að nota lengdarstiku og áætla
þyngd út frá því.
● Ef fiskur er slappur skal snúa
honum á móti hægum árstraumi,
þannig er honum best hjálpað við
að ná eðlilegri öndun á nýjan leik.
● Stórir fiskar þurfa oft lengri tíma til
að jafna sig en þeir smærri.
● Ekki skal sleppa fiski sem er mjög
slappur eða mikið skaddaður.
Blæðing úr tálknum og mikið
hreisturlos eru vísbendingar um
að fiski verði ekki bjargað.