Fréttablaðið - 24.05.2014, Síða 30

24. maí 2014 LAUGARDAGUR| HELGIN | 30
Það er þessi fallega til-finning. Ég vil meina að töfrabrögð og sjón-hverfingar séu tilfinn-ingaleg upplifun sem heilinn nær ekki að
tengja. Þetta er þriðja sterkasta
tilfinningin í mannslíkamanum
– að fá að upplifa eitthvað fallegt
og geta sýnt öðrum það og upp-
lifa tilfinninguna í gegnum þá,“
segir töframaðurinn Einar Mik-
ael Sverrisson þegar hann lýsir því
hvað heillar hann við töfrabrögð.
Hann var þrettán ára þegar hann
sá töfrabrögð í fyrsta sinn á Flór-
ída í Bandaríkjunum og varð strax
hugfanginn. Það var þó ekki fyrr
en um áratug seinna sem hann
ákvað að gera töfrabrögð að ævi-
starfi sínu.
Úr smíði í töfrabrögð
„Ég hafði alltaf áhuga á töfra-
brögðum en ég helgaði líf mitt
þeim ekki fyrr en Ísland breyttist
árið 2008. Ég er með sveinspróf í
smíði og var búinn að vera sjálf-
stætt starfandi smiður um tíma.
Ég var næstum því búinn að vinna
mig til dauða. Ég vann öll kvöld og
allar helgar. Þetta var ekkert líf,“
segir Einar. Þegar fjármálahrun-
ið dundi yfir landsmenn tók hann
afdrifaríka ákvörðun sem hann
sér ekki eftir.
„Ég hugsaði með mér að á hverj-
um einasta degi ætlaði ég að gera
eitthvað skemmtilegt. Nú er ég
búinn að vinna við töfrabrögð í
fjögur ár og það eru algjör forrétt-
indi. Ég vil meina að ég hafi fæðst
til að gera þetta.“
Táraðist á töfranámskeiði
„Fyrst þegar ég var að byrja
skemmti ég mikið á árshátíðum
og öðrum hátíðum. Ég fékk fljótt
leið á árshátíðapakkanum því þá
mætti ég bara, skemmti í tutt-
ugu mínútur, allir voru fullir og
enginn mundi eftir mér daginn
eftir. Árið 2009 hélt ég töfranám-
skeið á Skagaströnd sem breytti
öllu. Þá kom til mín lítil fimm ára
stúlka og spurði mig hvort ég gæti
galdrað þannig að mamma hennar
og pabbi væru ekki fátæk lengur.
Ég tók skref til hliðar og táraðist.
Þetta var mjög erfitt fyrir mig. Ég
man ekki hvað ég sagði við hana
en ég man að ég hugsaði að fyrst
að þessi stúlka hefði þessa ofurtrú
á að ég gæti hjálpað henni ætlaði
ég að tileinka líf mitt því að hjálpa
krökkum. Það að læra töfrabrögð
gerir lífið einfaldlega skemmti-
legra. Þau gera þig glaðan, styrkja
sjálfstraustið og auka mannleg
samskipti,“ segir Einar.
Missti aldrei trúna
Einar segir fólk hafa tekið frekar
illa í það þegar hann sagði sínum
nánustu að hann ætlaði að söðla
um og gerast töframaður.
„Mamma og pabbi náttúrulega
afneituðu mér fyrstu tvö árin,“
segir Einar hlæjandi. „Til að byrja
með báðu margir mig um að end-
urskoða þessa ákvörðun. Það var
alltaf verið að halda aftur af mér
og mér sagt að það sem ég væri
að gera væri illa gert og ömurlegt.
Um leið og ég hætti að vera innan
um fólk sem vildi draga úr mér og
fór að hugsa um það sem ég vildi
gera fór að ganga ofboðslega vel.
Maður er bara í samkeppni við
sjálfan sig. Maður á ekki að spá í
því sem aðrir eru að gera þótt það
sé í lagi að vera meðvitaður um
það. Maður nær aldrei fullkomn-
um árangri í fyrsta sinn en þá
heldur maður áfram að bæta sig,“
bætir Einar við.
„Í hvert skipti sem ég heyri nei
þarf ég að fá já en kannski á annan
hátt. Ef maður hugsar að eitthvað
gangi ekki upp þá gengur það ekki
upp. Ég hef aldrei misst trúna á
það sem ég er að gera. Ég trúi á
einstaklinginn og þann kraft sem
er í okkur og umhverfinu sem við
sköpum.“
Verslar á nóttunni
Einar segir að fólk hafi ekki tekið
hann sérstaklega alvarlega til að
byrja með en nú sé hann „heims-
frægur á Íslandi“.
„Í fyrstu hugsaði fólk að ég væri
eitthvað skrýtinn en atriðin sem ég
var með til að byrja með voru líka
svolítið skrýtin. Í dag trúir fólk öllu
sem ég segi. Það er meira að segja
pínulítið óþægilegt stundum hvað
margir kannast við mig á Íslandi.
Ég versla bara í Hagkaupi á nótt-
unni svo ég fái frið. Mjög margir
koma upp að mér og vilja fá mynd
af sér með mér og það er ekkert
mál. Stundum biður fólk mig líka
um að láta eitthvað hverfa en þá
segist ég bara hafa gleymt töfra-
sprotanum mínum heima í hleðslu.
Það virðist vera löggild ástæða,“
segir Einar í léttum dúr. Hann seg-
ist aldrei fara út að skemmta sér.
„Ég er alltaf að skemmta mér.
Alla daga, allan daginn. Mér finnst
ekkert gaman á skemmtistöðum.
Ég þarf þess ekki. Ég drekk ekki
áfengi og ég þarf ekki að vera
fullur. Fólk talar oft við mig sem
Einar Mikael töframann og vill þá
ræða töfrabrögð og annað í þeim
dúr. Stundum vil ég bara tala um
eitthvað annað. Þá finnst mér gott
að fara eitthvað erlendis því ég
vil meina að ég sé heimsfrægur á
Íslandi. Mér finnst gott að komast
út fyrir landsteinana endrum og
sinnum og bara fá að vera ég.“
Erfið forræðisdeila
Einar segist hafa verið mjög virkt
barn en vill alls ekki láta líta á það
sem einhvers konar sjúkdóm.
„Fólk segir oft að ég sé ofvirk-
ur en ég lít á þetta þannig að fólk
er með mismikla orku. Fólk með
mikla orku hugsar öðruvísi. Ég
hugsa á hreyfingu. Þetta er ekki
sjúkdómur eða eitthvert ástand.
Það geta einfaldlega ekki allir verið
eins. En í skóla fór ekki lítið fyrir
mér. Það vissu allir hver Einar var.
Ég var alltaf að sprella og gera eitt-
hvað skemmtilegt,“ segir Einar.
Foreldrar hans skildu þegar hann
var ungur og hann flutti oft á milli
staða.
„Ég held að ég hafi flutt 38 sinn-
um áður en ég var átján ára í þrem-
ur mismunandi löndum. Þannig að
það var oft erfitt að eignast vini. En
ég er með mikla aðlögunarhæfni.
Mér er alveg sama hvar ég er, mér
leiðist aldrei.
Foreldrar mínir skildu þegar ég
var fimm ára og við tók erfið og
leiðinleg forræðisdeila. Ég átti ekki
fullkomna foreldra og þau gerðu
fullt af mistökum. En ég elska þau
bæði og er búinn að fyrirgefa þeim
það sem þau gerðu. Ef þú ert alltaf
að rifja upp fortíðina kemstu ekk-
ert áfram í framtíðinni. Lífið er
ekki alltaf sanngjarnt. En það getur
verið skemmtilegt og fallegt ævin-
týri ef maður vill taka þátt í því.“
Aðspurður um einkalífið seg-
ist Einar ekki hafa tíma fyrir sína
eigin fjölskyldu núna.
„Ég er ekki í sambandi eins og
stendur. Ég ætla að eignast fjöl-
skyldu þegar ég get gefið tilvon-
andi kærustu minni og börnum
allan minn tíma. Ég held að ég
verði kominn með fjölskyldu eftir
um það bil sjö ár. Það er allavega
stefnan.“
Sextán kíló á tveimur mánuðum
Einar er með heilagan klukkutíma
á hverjum morgni þar sem hann
hlustar á sjálfshjálparbækur og
undirbýr sig andlega fyrir daginn.
Honum finnst afar mikilvægt að
vera í andlegu jafnvægi og setur
sér markmið sem hann skrifar
niður fyrir hvert ár.
„Í fyrra skrifaði ég niður 24
risamarkmið. Í ár setti ég mér tíu
markmið, til dæmis að létta mig. Ég
tók mataræðið í gegn og er búinn
að missa sextán kíló á tveimur
mánuðum. Maður verður að setja
sér markmið og hætta ekki fyrr
en maður nær þeim,“ segir Einar.
Hann hefur gefið út alls kyns varn-
Lífið er ekki alltaf sanngjarnt
Einar Mikael Sverrisson söðlaði um 23 ára gamall, hætti að vera smiður og gerðist töframaður. Fólk reyndi að halda aftur
af honum og sagði að töfrabrögðin hans væru ömurleg. Hann lét það sem vind um eyru þjóta og trúir því að hann hafi
fæðst til að töfra. Foreldrar hans skildu þegar hann var fimm ára og hann hefur fyrirgefið þeim erfiða forræðisdeilu.
SJÖ ÁRA PLAN Einar Mikael ætlar að láta sinn æðsta draum rætast innan sjö ára en vill ekki segja hver sá draumur er. FRÉTTABLAÐIÐ/VILHELM
Einar heimsótti Grænland fyrir stuttu með töfrakonunni Eyrúnu. Þau
eyddu þar þremur dögum og héldu töfrasýningu, töfranámskeið og
heimsóttu munaðarleysingjahæli þar sem þau skemmtu fyrir börnin.
„Okkur leið eins og ofurstjörnum þarna. Við vorum umkringd alls
staðar og fólk beið í röðum eftir miðum á sýninguna okkar. Það er erfitt
fyrir mig að lýsa þessu. Við erum mjög þakklát og glöð með viðtökurnar,“
segir Einar.
Stórstjörnur á Grænlandi
Lilja Katrín
Gunnarsdóttir
liljakatrin@frettabladid.is
Þá kom til mín lítil fimm ára stúlka og spurði mig
hvort ég gæti galdrað þannig að mamma hennar og pabbi
væru ekki fátæk lengur. Ég tók skref til hliðar og táraðist.
Þetta var mjög erfitt fyrir mig. Ég man ekki hvað ég sagði
við hana en ég man að ég hugsaði að fyrst að þessi stúlka
hefði þessa ofurtrú á að ég gæti hjálpað henni ætlaði ég að
tileinka líf mitt því að hjálpa krökkum.
ing tengdan töfrabrögðum og byrj-
ar með sjónvarpsþátt á Stöð 2 í
haust.
„Þættirnir heita Töfrahetj-
urnar – sýning aldarinnar. Eitt af
því sem þátturinn snýst um er að
gefa ungum töfrastrákum og töfra-
stelpum tækifæri til að taka þátt í
töfrasýningu aldarinnar. Ég ætla
að halda áheyrnarprufur um allt
land eftir rúmlega viku þar sem ég
leita að þessum ungu hetjum. Það
býr hetja í okkur öllum. Það er nóg
fyrir okkur að gera eitthvert góð-
verk eða hjálpa einhverjum til að
verða hetja. Það þarf ekki að vera
stórt. Maður þarf ekki alltaf að
setja heimsmet.“
„Þetta er minn tilgangur“
En hvert er þá æðsta markmið
Einars Mikaels töframanns?
„Ég veit hvað ég þarf að gera
og það gerist innan sjö ára. En
markmiðið er leyndarmál,“ segir
Einar dulur. „Auðvitað vil ég
skoða möguleika erlendis í fram-
tíðinni því ég vil að allur heim-
urinn fái að njóta töfrabragða og
sjónhverfinga. En akkúrat núna
vil ég einbeita mér að Íslandi. Ég
vil opna töfraheiminn fyrir öllum
og deila þekkingu minni. Töfra-
brögð fá þig til að hugsa skap-
andi. Fá þig til að hugsa aðeins út
fyrir rammann. Og um leið og þú
veist að það er allt hægt eru þér
engin takmörk sett. Þá geturðu
allt. Draumar þínir rætast en þú
verður að sækja þá. Ég elska það
sem ég geri og ég er búinn að sjá
hvað þetta gerir fyrir börn og fjöl-
skyldur á Íslandi. Þetta er minn
tilgangur.“