Skessuhorn - 27.11.2013, Qupperneq 79
79ÞRIÐJUDAGUR 26. NÓVEMBER 2013
Sagnakonan eftir Óskar Guðmundsson verður sýnd
26., 28. og 30. nóvember og 2. desember kl. 20.00.
Miðaverð kr. 1000. Miðapantanir í síma 897-4125
1. desember 13.00 – 17.00
Markaður í Safnaskálanum, nánar í síma 863 - 4287
Garðakaffi, gamaldags rjómatertutilboð
5. desember 9.30 – 22.30
Prjónakaffi í Garðakaffi, allir velkomnir, jafnvel prjónalausir
7. desember 16.00 – 18.00
Jólaljósin tendruð á jólatrénu
Jólasveinar einn og átta, sýning opnuð í Safnaskálanum
Garðakaffi , tilboð á kaffi, kakó og vöfflum
10. desember 20.00 – 21.30
Sagnakvöld í Stúkuhúsinu
23. desember 17.00 – 22.00
Heitt í kolunum í Smiðjunni Görðum, eldsmiðir að störfum
Aðventudagskrá
Byggðasafninu í Görðum 2013
S
K
E
S
S
U
H
O
R
N
2
01
3
Allir velkomnir
Full búð
af fallegum
jólagjöfum
Stillholt 16-18 • 300 Akranes • Sími 431-1218
S
K
E
S
S
U
H
O
R
N
2
01
3
Margar sniðugar hugmyndir fyrir
jólaleikinn í vinnunni á góðu verði
10% afsl. af luktum í desember
Verið hjartanlega
velkomin í @home
Opnunartími:
mánudaga - föstudaga 10-18
laugardaga 10-15
Lögfræðingurinn Helga Krist-
ín Auðunsdóttir er sennilega með
yngstu forstöðumönnum fræða-
sviða í háskólasamfélaginu á Ís-
landi. Frá ársbyrjun 2012 hefur
þessi 33 ára Borgnesingur nefni-
lega starfað sem sviðsstjóri lög-
fræðisviðs Háskólans á Bifröst.
Þar stýrir hún sem slíkur fagleg-
um málefnum sviðsins milli þess
að sinna kennslu og rannsóknum
í lögfræði. Helga kveðst vera stolt-
ur Bifrestingur enda lauk hún bæði
BS gráðu í viðskiptalögfræði og
ML gráðu í lögfræði frá skólanum
á sínum tíma.
„Það var algjör tilviljun sem réði
því að ég fór í lögfræðinám á Bif-
röst en mig dreymdi um að verða
kennari sem barn. Eftir að hafa
lokið stúdentsprófi frá Menntskól-
anum við Hamrahlíð kom margt til
greina - saga, íslenska, læknisfræði
og jafnvel lögfræði svo eitthvað sé
nefnt. Úrslitum réð hins vegar að
ég hitti á förnum vegi Ásu Björk
Stefánsdóttur sem ég þekkti frá því
að ég var nemandi í Grunnskólan-
um í Borgarnesi. Hún sagði mér
þá frá nýju námi sem var verið að
hleypa af stokkunum við Háskól-
ann á Bifröst sem var BS nám í við-
skiptalögfræði og hvatti mig til að
sækja um.. Ég tók hana á orðinu og
sótti um daginn eftir,“ segir Helga
sem varð mjög ánægð með námið
sem beið hennar á Bifröst.
Læra að vinna á Bifröst
„Ég var hvað mest ánægð með
kennsluaðferðirnar í skólanum
sem einkenndust af stöðugri verk-
efnavinnu, misserisverkefnum og
góðri nánd við kennara og starfs-
fólk. Þessi nálgun í kennsluskipu-
lagi er eitt helsta sérkenni Bifrast-
ar og er ennþá í heiðri höfð í skól-
anum. Einn helsti kosturinn við
þetta skipulag er sá að nemendur
læra í raun að vinna og fyrir vik-
ið þjálfast þeir upp að starfa undir
álagi og í samstarfi við aðra. Þetta
er einn af lyklunum að velgengni á
vinnumarkaði eftir útskrift og hef-
ur reynslan sýnt að útskrifaðir Bi-
frestingar hafa verið vinsælir til
vinnu af þessum sökum.“
Lögfræðinemar sóttir
til vinnu
Helga lauk ML gráðunni árið 2006
í miðri þenslunni og segir hún að
eftirspurnin eftir lögfræðingum
í vinnu hafi verið slík að fólk hafi
bókstaflega verið sótt inn í skól-
anna. „Þetta var þannig í mínu til-
felli og var ég byrjuð að vinna áður
en ég náði að klára framhaldsnám-
ið. Ég fékk vinnu hjá fyrirtæk-
inu Greiðsluveitunni og síðar hjá
FL Group og sinnti helst málum
er varðaði samningagerð.“ Helga
horfði líkt og öll þjóðin upp á fjár-
málakerfið hrynja eins og spilaborg
haustið 2008 og mörkuðu afleið-
ingar hrunsins kaflaskil í hennar lífi
eins og hjá mörgum öðrum. „Ég
mat það sem svo að niðursveiflan
væri góður tími til að mennta mig
frekar og dreif mig í því meira nám.
Það er einfaldlega besta sóknin
þegar á móti blæs í atvinnulífinu.“
Nám og kennsla
í Flórída
Skólinn sem þá varð fyrir valinu var
University of Miami í samefndri
borg í Flórída fylki í Bandaríkj-
unum. Þar hóf hún nám í athygl-
isverðu framhaldsnámi í lögfræði
sem ber heitið US and Transna-
tional Law og er sniðið fyrir er-
lenda lögfræðinga þar í landi. „Ég
var þarna á Cobb námsstyrk sem
ég hafði fengið úthlutaðan áður en
ég hélt utan ásamt fjölskyldu minni
og var planið að vera þarna í eitt
ár. Árin urðu þó tvö þar sem mér
var boðin gestaprófessorsstaða við
skólann í eitt ár til viðbótar og var
ég allt í einu farin að kenna eins og
mig dreymdi um sem barn. Fögin
sem ég kenndi mótaði ég sjálf sem
voru samkeppnisréttur og evrópsk-
ur félagaréttur og kom reynsla mín
úr atvinnulífinu og frá náminu á
Bifröst þar að góðum notum.“
Menntun er besta sóknin í kreppu
Þátttaka í
alþjóðlegu verkefni
Þegar heim var komið lá síðan leiðin
aftur á Bifröst í núverandi starf sem
Helga segist kunna vel við. „Það er
gott að vinna á Bifröst og hér er æð-
islegt samstarfsfólk. Kennarar skól-
ans eru í fremstu röð á sínu sviði
og nemendahópurinn góður. Næg
verkefni eru í farvatninu segir hún
þessu til viðbótar spurð um hvað sé
á döfinni í rannsóknarvinnu á lög-
fræðisviðinu. „Hér má nefna alþjóð-
legt verkefni sem er að fara af stað
og heitir Law without walls (ísl. lög-
fræði án landamæra) sem Háskólinn
á Bifröst á aðild að. Verkefnið er ein-
mitt rekið af University of Miami og
hafa tengsl mín við lagadeildina þar
nýst við að tengja Bifröst við verk-
efnið. Fyrsti samstarfsfundur verk-
efnisins verður einmitt í Sviss í janú-
ar en alls eru 26 háskólar sem eiga
aðild að verkefninu. Þátttakendur
koma til með að vinna saman að úr-
lausn verkefna sem snúa að nýsköp-
un á sviði lögfræði og felst fram-
lag Bifrastar í verkefninu m.a. í því
að miðla af reynslu skólans af við-
skiptalögfræðinni. Spennandi tímar
eru því framundan í lögfræðinni á
Bifröst,“ segir sviðsstjórinn Helga
Kristín Auðunsdóttir að lokum. hlh
Helga Kristín á útskriftardaginn í Flórída ásamt eldri dóttur sinni, Auði Bertu
Einarsdóttur.