Læknablaðið - 15.04.2000, Síða 89

Bjarni
Jónasson
skrifar
Sendið efni í anda
læknaskops í
Broshornið.
Læknablaðinu,
Hlíðasmára 8,
200 Kópavogi
eða í bréfsíma
564 4106
eða á netfang:
bjarni.jonasson@
gb.hgst.is
Getið þess hver
sendir, en það sem
birtist verður undir
dulnefni.
Læknablaðið áskilur
sér rétt til að lagfæra
texta.
UMRÆÐA
& FRETTIR / BROSHORNIÐ
Hvar eru húmoristarnir ?
Pegar broshorninu var hleypt af stokkunum
fyrir tveimur mánuðum leyfði pistilskrifari sér að
vitna um það eftir áratuga starf sem læknir „ að fáar ef
nokkrar starfsgreinar geta státað af jafn mörgum og
jafn miklum húmoristum og lœknar. “ Svo mörg voru
þau orð. Sannfæringin er enn sú sama en sennilega
eru lítillæti og hæverska ríkari þættir í fari manna en
reiknað var með.
A þessum tíma hafa verið sagðir nokkrir brandar-
ar án þess að þeim væri beinlínis ætlað pláss í Bros-
horninu og nokkrir hafa sent hreyfimyndir með
tölvupósti. Einn kollega hefur þó sent inn gamansögu
og birtist hún í þessu tölublaði. Hafi hann kæra þökk
fyrir það.
Kollegar, látið ekki hógværðina hefta ykkur. Verið
með og sendið efni í pistilinn.
Tvær í speglun
Mágkonur á miðjum aldri hittust í fermingarveislu og
tóku tal saman. Eftir að þær höfðu lokið við allt af
kökudiskunum barst talið að heilsunni. „Ég er búin
að vera svo ansi slæm í meltingunni undanfarið, að
læknirinn minn ætlar að láta spegla á mér ristilinn.“
„Hvað segirðu," sagði hin „veistu að ég er búin að
vera alveg afleit líka og það á að gera hjá mér stutta
ristilspeglun eftir helgina.“ „Att þú kannski að fara í
HEILASPEGLUN?"
© Jkm UnpttKft*. ey Ueu. xoo
HERMAN'
by Jlm Unger
- Loksins fann ég sjúkraskrána þína. Ég hafði sett hana í
skúffu með skrám um látna sjúklinga.
Einn heitur
Frjósemi
Karl á besta aldri kom til læknis og vildi fara í ófrjó-
semiaðgerð. „Við hjónin höfum verið gift í sjö ár og
konan hefur eignast bam á hverju ári. Við höfum
komist að þeirri niðurstöðu, að getnaðarvarnir séu
gagnslausar fyrir okkur.
Nú síðast ráðlagðir þú konu minni að nota það
sem þú kallaðir „örugga tímabilið". Við bjuggum þá
hjá tengdaforeldrum mínum og þurftum að bíða í
þrjár vikur þangað til gömlu hjónin skruppu í bíó.
Það var fyrst þá sem við áttum „ömggt tímabil“. Þessi
aðferð reyndist okkur hins vegar ekki sem skyldi og
Bjössi litli kom undir.“
Úr læknabréfum
„Var í bíl sínum kyrrstæðum er á hana keyrði bíll,
jeppi þannig að hún kastaðist á kyrrstæðan bíl fyrir
framan sig, sem einnig var jeppi.“
Æðahnútar, aðgerðarlýsing
„Eftir upplýsingar og samþykki í kviðlegu farið inn í
nokkrum snittum beggja vegna..."
Það var einu sinni alveg ótrúlega heitfengur læknir,
sem hafði hitann svo lágt stilltan á stofunni hjá sér að
útöndunarloftið í samstarfsfólkinu myndaði gufu og
það varð að klæðast þykkum dúnúlpum í vinnunni.
Þegar fólkið þurfti að hlýja sér fór það út úr húsinu.
Það eyddi svo miklum tíma í að kvarta um kulda að
starfsemin var í algjöru lágmarki.
Dag nokkum kom sjúklingur á stofuna með 42°C
hita. Farið var með hann beint niður í kjallara og
hann skilinn þar eftir um stund til þess að hann gæti
hitað upp húsið.
Morgunbæn læknisins
Þakka þér góði Guð fyrir að hafa hjálpað mér að hafa
stjórn á skapi mínu það sem af er þessum dásamlega
degi. Ég hef hvorki verið hranalegur við konuna
mína né fundið að neinu við blessuð börnin. Ég hef
ekki heldur öskrað á eina einustu hjúkku eða
skammað einn einasta sjúkling.
Nú þarf ég hins vegar á hjálp þinni að halda það
sem eftir er dagsins, því ég ætla framúr rúminu eftir
eina mínútu og beint á fætur.
Læknablaðið 2000/86 309