Skessuhorn - 27.05.2014, Page 58

58 ÞRIÐJUDAGUR 27. MAÍ 2014
Strandveiðarnar hafa verið stundaðar af kappi á Vesturlandi
síðan þær máttu hefjast í byrjun maí. Veiðarnar gengu mjög
vel á svæði A sem nær frá Eyja- og Miklaholtshreppi vest-
ur á Súðavík á Vestfjörðum. Á því svæði voru þær stöðvaðar
15. maí eftir að hafa staðið yfir í aðeins sjö daga. Þá voru 715
tonna veiðiheimildir á því svæði í maímánuði uppurnar og 24
tonnum betur. Bátar sem réru á þessu svæði frá höfnum á Sæ-
fellsnesi fiskuðu ágætlega enda virðist fiskgengd með meira
móti á grunnslóð við nesið.
Tregar hefur gengið frá bátum sem róa frá Akranesi. Þeir
eru á svæði D sem nær frá syðri hluta Vesturlands að Horna-
firði. Horfur eru á að 600 tonna heildarkvóti strandveiðibáta á
því svæði dugi út mánuðinn án þess að þurfi að koma til stöðv-
unar á veiðum.
Meðfylgjandi eru myndir frá strandveiðunum sem útsend-
arar Skessuhorns tóku á ferðum sínum um landið og miðin í
liðnum mánuði.
mþh
Strandveiðitrillur landa afla sínum í Grundarfjarðarhöfn. Ljósm. tfk. Fallegur handfæraþorskur hífður upp úr Gusti SH 11 í Grundarfirði. Ljósm. mþh.
Strandveiðistemning á Vesturlandi
Bræðurnir Ásgeir Þór og Heimir Þór Ásgeirssynir frá Grundarfirði bregða á leik með hluta af aflanum á meðan þeir bíða eftir
löndun. Ljósm. tfk.

Ragnar Haraldsson sem er betur þekktur sem Ragnar í flutningafyr-
irtækinu Ragnar & Ásgeir í Grundarfirði tekur á móti afastrákunum
sínum Ásgeiri og Heimi, sem voru að sjálfsögðu með skammtinn eftir
daginn. Ljósm. tfk.
Aron Karl Bergþórsson á Jóni í Ártúni SH frá Ólafsvík
við veiðar í góðu skapi með hnífinn á lofti. Ljósm. af.
Feðgarnir Guðmundur A. Matthíasson og Arnór Guðmundsson á Ísdögg SH frá Rifi. Ljósm. af.
Bjargmundur Grímsson tréskipasmiður á Hafrúnu SH frá Ólafsvík bíður þolin-
móður eftir því að þorskurinn renni á færin. Ljósm. af.
Böðvar Kristófersson á Sædísi SH frá Ólafsvík biður að heilsa. Ljósm. af.
Sæpjakkur SH frá Rifi kemur til hafnar í kvöldsólinni á Arnarstapa. Ljósm. mþh.
Strandveiðitrillurnar Glódís AK og Rán AK sigla fram hjá dýpkunarskipinu Pétri
mikla á leið inn til löndunar í Akraneshöfn. Dýpkunarframkvæmdir standa nú yfir
í höfninni og sjófarendur beðnir að sýna aðgát. Ljósm. mþh