Skessuhorn - 27.05.2014, Page 102

102 ÞRIÐJUDAGUR 27. MAÍ 2014
Hvaða áhugamál ætlar þú að
stunda í sumar?
Spurning
vikunnar
Anna Mínerva Kristinsdóttir
Fara út að ganga, í sund og vera
með vinum.
Eyrún Ingþórsdóttir
Ljósmyndun og fara í útilegur.
Ari Jónsson
Æfa á gítarinn minn og stunda
parkour.
Karítas Líf Elvarsdóttir
Vera með vinum og æfa karate.
Úlfheiður Óskarsdóttir
Verð í hestunum og æfi badmin-
ton.
(Spurt á Akranesi)
Liðinn vetur er með þeim verri á
vestan- og sunnanverðu landinu
varðandi klakamyndun og þar með
hættu á kali á flötum grassvæðum.
Afleiðingarnar hafa komið í ljós
núna í vor en margir íþróttavellir eru
stórskemmdir af völdum kals. Þann-
ig er t.d. útlit fyrir að Ólafsvíkurvöll-
ur verði ekki spilhæfur fyrr en kemur
fram í júní og margir vellir á sunn-
anverðu landinu eru í slöku ástandi.
Brynjar Sæmundsson íþróttavalla-
fræðingur, sem starfrækir fyrirtækið
GrasTec, er einn helsti vallarsérfræð-
ingur á Vesturlandi og það er mikið
að gera hjá honum þessar vikurnar.
Brynjar er m.a. verktaki við ákveðna
verkþætti við íþróttavöllinn og svæð-
in á Jaðarsbökkum á Akranesi sem og
við golfvöllinn Garðavöll á Akranesi,
þar sem hann er vallarstjóri. Brynj-
ar hefur einnig að undanförnu verið
kallaður hingað og þangað um vest-
an- og sunnanvert landið til að sinna
þeirri sérfræðiþjónustu sem hann
býr yfir við vellina.
Haustverkin skipta
miklu máli
„Ég ætlaði að fara í Hveragerði í
dag en komst ekki vegna anna hérna
heima. Ég fór í Ólafsvík um dag-
inn og á eftir að fara í Stykkishólm.
Ég hef líka verið að vinna mikið við
vellina í Reykjavík núna í vor, fyrir
ÍTR, aðallega við sáningar í vellina
en þeir eru allir skemmdir eftir vet-
urinn,“ sagði Brynjar þegar blaða-
maður Skessuhorns hitti hann á Jað-
arsbökkum í síðustu viku. Ástand
valla á Akranesi er hvað best á land-
inu um þessar mundir og þá má geta
þess að völlurinn á Hellissandi kem-
ur vel undan vetri. Akranesvöllur
er mjög góður sem og Garðavöll-
ur, en reyndar sluppu golfvellirnir
mun betur í vetur en íþróttavellirn-
ir, enda er þar minni svæði að verja;
aðallega flatirnar við holurnar. Að-
spurður hvers vegna Akranesvöllur
hafi sloppið svona vel, segir Brynjar
að það sé einfaldlega vegna þess að
lítill snjór var á vellinum í vetur og
hann tók upp áður en blotnaði í og
fraus eins og gerðist á hinum völl-
unum. „Ef klaki nær að liggja lengi
á, svona á annan mánuð, er hætta
á kali. Svörður í góðu standi þol-
ir lengur að vera undir klaka og því
skiptir umhirða vallanna að haust-
inu miklu máli, að þeir séu undir-
búnir fyrir veturinn og komandi
sumar. Þetta er spurning um fag-
mennsku og oft eru ekki látnir nógu
miklir fjármunir í rekstur vallanna.
Þetta eru dýr mannvirki sem hugsa
þarf vel um svo viðhaldskostnaður-
inn bætist ekki við. Annars var þessi
síðasti vetur þess eðlis að vellirn-
ir hefðu margir kalið hvort eð er þó
haustverkunum hafi verið vel sinnt,“
segir Brynjar.
Raka blettinn og vökva
Spurður um hvað séu helstu ráðin til
þeirra lóðareigenda sem eru að fást
við kal í grasblettunum heima hjá
sér, svarar Brynjar að það séu í raun
einföld ráð. „Það er helst að raka vel
upp úr blettinum. Sprauta svo vel á
hann vatni til að hreinsa jarðveginn.
Ná sér svo í gott fræ og sá í blett-
inn. Hugsa svo um að vökva komi
til þurrka. Þannig ætti bletturinn
að taka við sér smám saman,“ segir
Brynjar.
þá
Síðastliðinn laugardag var hald-
ið í Borgarnesi gæðingamót hesta-
mannafélaganna Faxa og Skugga.
Þátttaka á mótinu var góð og hesta-
kostur mjög góður og þá kannski
sérstaklega í A og B flokki. Gam-
an er að sjá hvað hestamennskan á
svæðinu er á mikilli uppleið. Hér á
eftir koma efstu þrír hestar í hverj-
um flokki en átta efstu kepptu til
úrslita. Nálgast má nánari úrslit á
heimasíðu félaganna.
iss
Barnaflokkur
1. Arna Hrönn Ámundadóttir /
Bíldur frá Dalsmynni, 8,34
2. Berghildur Björk Reynisdóttir /
Óliver frá Ánabrekku, 8,27
3. Hreiðar Þór Ingvarsson / Mylla
frá Stóru-Borg syðri, 8,07
Unglingaflokkur
1. Konráð Axel Gylfason / Vörður
frá Sturlu-Reykjum 2, 8,78
2. Atli Steinar Ingason / Atlas frá
Tjörn, 8,44
3. Gyða Helgadóttir / Svaðilfari frá
Báreksstöðum, 8,33
Ungmennaflokkur
1. Klara Sveinbjörnsdóttir / Óskar
frá Hafragili, 8,57
2. Júlía Katz / Aldís frá Lundum II,
8,44
3. Þórdís Fjeldsteð / Snjólfur frá
Eskiholti, 8,38
B flokkur
1. Gutti Pet frá Bakka / Lilja Ósk
Alexandersdóttir, 8,68
2. Þytur frá Skáney/ Randy Hola-
ker, 8,63
3. Eskill frá Leirulæk/ Gunnar
Halldórsson, 8,63
A flokkur
1. Sköflungur frá Hestasýn / Alex-
ander Hrafnkelsson, 8,55
2. Sörli frá Lundi / Guðlaugur Ant-
onsson, 8,53
3. Maron frá Lundi / Haukur
Bjarnason, 8,51.
Gæðingamót Faxa og Skugga
Konráð Axel og Vörður frá Sturlu-Reykjum II stóðu sig frábærlega í unglingaflokki.Lilja Ósk Alexandersdóttir og Gutti Pet frá Bakka sigruðu í B flokki.
Afbrigðilegur vetur í sambandi
við klakamyndun og kal
Brynjar Sæmundsson íþróttavallafræðingur.