Læknablaðið - 15.03.2007, Blaðsíða 47

UMRÆÐA & FRÉTTIR / SJÚKLINGAÖRYGGI
Magnús Pétursson forstjóri Landspítala, Margrét
Björnsdóttir deildarstjóri í heilbrigðisráðuneytinu, Ólafur
Ólafsson fyrrv.landlœknir, Sir Liam Donaldson land-
lœknir Bretlands, Davíð Gunnarsson ráðuneytisstjóri heil-
b rigðisráðun eytisins.
Hugarfarsbreyting
Aðspurður í lok málþingsins um hvað hann teldi
mikilvægast varðandi öryggi sjúklinga sagði Sir
Liam að auka þyrfti skilning á eðli og umfangi
vandamálsins meðal allra þeirra sem koma að
læknis- og heilbrigðisþjónustu. „Fólk er enn ekki
að átta sig á því að þegar mistök eiga sér stað,
sjúklingur deyr jafnvel, þá er það ekki einangrað
tilfelli heldur eru ástæðurnar almennar og finnast
víða í heilbrigðiskerfinu. Ef við komum auga á
þessar ástæður og tökumst á við þær þá eru líkur á
því að okkur takist að komast fyrir þær.”
Er óttinn við að viðurkenna mistök eitt af
vandamálunum?
„Eg tel að það sé eiga sér stað hugarfarsbreyt-
ing. Heilbrigðisstarfsmenn eru að átta sig á því að
viðurkenning á mistökum þarf ekki að vera alfarið
neikvæð. Pað hjálpar reyndar ekki til við þessa
hugarfarsbreytingu að fjölmiðlar fjalla yfirleitt á
mjög neikvæðan hátt um óhöpp og mistök sem
verða í heilbrigðisþjónustunni. Þeir leita yfirleitt
alltaf að sökudólgi og vilja framkvæma opinbera
aftöku og það veldur því að heilbrigðisstarfsmenn
eru hræddir við að viðurkenna mistök og reyna
jafnvel að breiða yfir þau. Eg er samt bjartsýnn og
tel breytingar á hugarfari vera í farvatninu.”
Hreinlæti og örugg heilbrigðisþjónusta
haldast í hendur
Undirritun yfiriýsingarinnar Hreinlæti og örugg heilbrigðisþjónusta haldast í hendur
(Clean Care is Safer Care) felur í sér ákveðna skuldbindingu af Islands hálfu um að
taka þátt í að vinna að fækkun sýkinga, sem eiga upptök sín í heilbrigðisþjónustu
með ákveðnum aðgerðum, svo sem:
• Viðurkenna ógn sýkinga, sem eiga upptök sín í heilbrigðisþjónustu
• Þróa stöðugan áróður á landsvísu til að bæta handþvott meðal heilbrigðisstarfs-
manna
• Bæta aðgengi áreiðanlegra upplýsinga um sýkingar, sem eiga upptök sín í heil-
brigðisþjónustu til að geta gripið til viðeigandi ráðstafana
• Deila reynslu og ef viðeigandi upplýsingum með Alþjóðaheilbrigðismálstofnuninni,
Heimssamtök tengd öryggi sjúklinga
• íhuga að nota verklagsreglur og vinnuleiðbeiningar Alþjóðaheilbrigðis-
málstofnunarinnar til að berjast gegn sýkingum, sem eiga upptök sín í heil-
brigðisþjónustu, s.s. varðandi handþvott, blóðgjafir, sprautugjöf, bólusetningar,
klínískar aðgerðir, notkun vatns, hreinlæti og förgun úrgangs Jafnframt felur
yfirlýsingin í sér skuldbindingu til að vinna með heilbrigðisstarfsfólki og þeirra
samtökum til þess að:
• Efla fagleg vinnubrögð til að draga úr hættu á sýkingum sem eiga upptök sín í
heilbrigðisþjónustu
• Hvetja til frekari samvinnu rannsóknarstofnana, háskóla og annarra skóla þar
sem menntun heilbrigðisstétta fer fram svo og heilbrigðisstofnana til að tryggja
full not fyrirliggjandi þekkingar á sýkingum, sem eiga upptök sín í heilbrigðis-
þjónustu
• Hvetja yfirstjórnendur til að styðja og efla lykilstarfsfólk í að vera fyrirmyndir við
að innleiða aðferðir til að sporna við sýkingum, sem eiga upptök sín í heilbrigðis-
þjónustu.
Tekið af vef landlæknisembættisins www.lamllaekmr.is
Læknablaðið 2007/93 219