Læknablaðið - 15.09.2008, Qupperneq 17

Lyf skipta sköpum!
Lífsgæði okkar felast einna helst í þeirri öflugu
heilsuvernd sem við njótum.
Að okkur hlúir vel menntað og sérhæft heilbrigðisstarfsfólk sem býr yfir þekkingu
og færni til heilsueflingar, lækninga og líknar. Traustur aðgangur að góðum lyfjum
á ríkan þátt í að gera okkur kleift að búa við það heilsufarslega öryggi sem við
þekkjum og teljum sjálfsagt hér á Vesturlöndum.
Framfarir á sviði læknavísinda hafa verið samtvinnaðar öllum þeim merku áföngum
sem náðst hafa I lyfjavísindum. Víst má telja að lyf komi við sögu í flestum þeim
tilvikum sem sjúklingur þarf á læknisaðstoð að halda og nær bata.
Öll helstu lyf sem við þekkjum urðu til é síðustu öld og nú á 21. öldinni er þekking
á sviði lífvísinda að opna nýjar dyr að betri og markvissari meðferð sjúkdóma og
forvörnum gegn þeim.
Það er á þessum vettvangi
sem frumlyfjafyrirtækin starfa.
FRUMTÖK
Samtök framleiðenda frumlyfja