Læknablaðið - 15.09.2008, Síða 52

■ UMRÆÐUR O G FRÉTTIR
L í 9 0 Á R A
Fótstiginn tannlæknabor.
samkeppni um minjarnar við ýmsa aðila sem sjá
sér hag í því að hampa þeim á eigin forsendum án
þess að huga að sögunni eða varðveislunni. Safna-
starf reiðir sig mjög á framtak einstaklinga og Jón
Steffensen er frábært dæmi um einstakling sem
gerði sér grein fyrir mikilvægi þess að varðveita
minjar um íslenska lækningasögu. Þetta safn væri
lítils virði án hans þrotlausu vinnu. Einstaklingar
sem hafa áhuga á söfnun geta verið gríðarlega
duglegir og unnið ómetanlegt gagn en um leið
þurfa þeir að gera sér grein fyrir að ákveðnir hlutir
eru þjóðminjar og eiga ekki að ganga kaupum og
sölum að ekki sé talað um að hverfa úr landi."
Framundan eru spennandi tímar hjá Lækn-
ingaminjasafninu. „Við þurfum að gera okkur
skýra grein fyrir því hvernig við viljum standa
að varðveislunni og hvernig við viljum sinna
minjavörslunni héðan í frá. Söfnun lækningaminja
undanfarin ár hefur ekki verið markviss og við
þurfum að skoða hvernig við getum fyllt það
skarð. Ég held þó ekki að við séum að missa af
neinu ennþá varðandi sögu síðustu áratuga en
óhefðbundnar lækningar og alþýðulækningar eru
hverfulli fyrirbæri en engu að síður mikilvæg og
þar þurfum að við gæta að því að minjar um slíkt
renni okkur ekki úr greipum. Alþýðulækningam-
ar eru mikilvægur hluti af lækningasögu okkar og
gefa oft skýra vísbendingu um hvar gloppur eru í
hinu opinbera heilbrigðiskerfi."
Anna Þorbjörg nefnir einnig að mikilvægt sé
að halda á lofti sérkennum íslenskrar læknisfræði.
„Hlutverk lækningaminjasafns á Islandi er að
sýna hvað er einstakt eða sérstakt við íslenskar
lækningar. Þróunin í tækjabúnaði er mjög hröð og
við þurfum að ákveða hvað við viljum varðveita
og hvernig því engin leið er að geyma öll tæki
sem úreldast á nútímasjúkrahúsi. Það er kannski
ekki ástæða til þess heldur. Við gætum hins vegar
ákveðið að varðveita allt sem tengdist ákveðinni
grein lækninga. Möguleikarnir eru sannarlega
margir. Það gerir þetta svo spennandi."
Bráðaþjónusta á landsbyggðinni
Haustþing Læknafélags Akureyrar og Norðausturlandsdeildar Félags íslenskra hjúkrunarfræðinga haldið að Hólum,
Menntaskólanum á Akureyri, laugardaginn 4. október 2008
DAGSKRÁ
08:30-09:15
09:15-09:20
09:20-10:20
10:20
10:45-11:15
11:15-12:00
12:00
13:15-13:45
13:45-14:15
14:15-16:30
16:30
17:00
Skráning
Setning haustþings - Valur Þ. Marteinsson, formaður Læknafélags Akureyrar
Trauma management in rural areas - Dr. Torben Wisborg, svæfingalæknir, Hammerfest, Noregi
KAFFIHLÉ
Nýjungar í meðferð og flutningi sjúklinga með kransæðasjúkdóma - Dr. Gunnar Þór Gunnarsson, hjartalæknir á FSA
Starfsemi sjúkrabjörgunarþyrlu á strjálbýlum svæðum - Dr. Torben Wisborg
MATARHLÉ
Er öruggara fyrir börn að búa úti á landi? - Herdís Storgaard, hjúkrunarfr. og forstöðumaður Sjóvá Forvarnahússins
Stiklur úr 20 ára bráðaþjónustu á landsbyggðinni - Þórir Kolbeinsson, heilsugæslulæknir á Hellu
Vinnusmiðjur (30 mínútur hver smiðja)
Björgun úr bílflökum
Kynning á helsta búnaði til flutnings sjúkra
Samskiptaform á slysstað (TETRA kerfið)
Hlutverk greiningasveitar í hópslysum og SÁBF kerfið - Jón Knutsen, Jóhann Þór Jónsson og
Sveinbjörn Dúason, sjúkraflutningamenn hjá Slökkviliði Akureyrar,
Hrafnhildur L. Jónsdóttir, bráðahjúkrunarfræðingur á FSA
Margbrotið sjónarhorn landsbyggðarþingmanns - Steingrímur J. Sigfússon, þingmaður
Slit haustþings - Jóna Birna Óskarsdóttir, formaður Norðausturlandsdeildar FÍH
Þátttökugjald kr. 6000, 3000 fyrir nema.
Innifalið matur, morgunhressing og léttar veitingar í ráðstefnulok.
Þingið er opið öllu heilbrigðisstarfsfólki og nemum.
Þátttaka tilkynnist fyrir 30. september til ritara starfsmannaþjónustu FSA, tota@fsa.is í síma 4630272 frá kl. 08-12 og til
Guðjóns Ingva Geirmundssonar, gudjon@hak.ak.is eða Önnu M. Helgadóttur, anna@fsa.is
624 LÆKNAblaðið 2008/94