Læknablaðið - 15.09.2008, Síða 56

■ UMRÆÐUR O G FRÉTTIR
ÁHUGAMÁL
Hluti af Girona-hópnum eftir erfiðan dag.
fjallahjóli, götuhjóli og tímahjóli sem er sér-
staklega hannað hjól fyrir tímakeppni. Þegar hann
er spurður hvemig hann og félagar fari að yfir
veturinn þegar snjór, myrkur og kuldi leggst yfir
allt, svarar Gísli: „Þá hjólum við inni í sérstaklega
útbúinni reiðhjólatölvu. Ég var reyndar fyrstur til
að fá mér slíkt en nú erum við orðnir nokkrir sem
eigum tölvu og hittumst reglulega yfir veturinn
í bílskúmum hjá mér eða öðrum í hópnum og
hjólum."
Þetta þarfnast nánari skýringa og ekki stendur
á þeim. „Reiðhjólatölva er sérstakt tæki með skjá
sem hjólið er sett á og hugbúnaðurinn gerir manni
kleift að velja ýmsar leiðir út um allan heim og
hjóla þær í tölvunni. Tölvurnar má tengja saman
og þannig geta menn hjólað samferða og séð hver
annan á skjánum og ég hef hjólað talsvert með
þýskum kunningja mínum og við talað saman
á Skype um leið. Hann er í bílskúrnum sínum í
Þýskalandi og ég í mínum bílskúr í Grafarholtinu.
Þetta er mjög skemmtilegt."
Þrátt fyrir að hægt að sé hjóla um allan heim-
inn með aðstoð tölvunnar í bílskúrnum kemur
það ekki í staðinn fyrir upplifunina af að hjóla
á erlendri grund. Gísli og félagar eru nýkomnir
heim úr dvöl á íþróttahóteli í Girona á Spáni þar
sem þeir hjóluðu af kappi á hverjum degi í heila
viku. „Við erum nokkrir félagar sem höfum hjólað
saman í nokkur ár og haft það fyrir reglu að fara
einu sinni á sumri í laxveiðitúr saman. Nú fannst
okkur það orðið svo dýrt að það væri ekki lengur
hægt að verja slík fjárútlát og ákváðum að gera
þetta í staðinn. Það segir sitt um kostnaðinn við
laxveiðar að fyrir andvirði eins dags í íslenskri lax-
veiðiá gátum við dvalið á íþróttahótelinu í viku,
með fullt fæði og einkaþjálfara sem lagði línurnar
á hverju kvöldi fyrir hjólreiðarnar daginn eftir.
Þetta var alveg frábær ferð í alla staði."
628 LÆKNAblaðið 2008/94