Læknablaðið - 15.07.2009, Side 58

UMRÆÐUR 0 G FRÉTTI
FJALLAMENNSKA
R
y
FÍFL á Hrútsfjallstindum
FÍFL á leiðinni upp norðurhrygg Suðurtinds. Myniina tók Guðmundur Freyr Jónsson afHátindi Hrittsfjallstinda.
Laugardaginn 6. júní náðu átta manns úr Félagi
íslenskra fjallalækna (FÍFL) að klífa alla helstu
tinda Hrútsfjallstinda (1875 m) í Öræfajökli.
Gangan tók 16 tíma og fararstjóri var Þorvaldur
Þórsson hátindahöfðingi. Veður var frábært sem
þótti sanngjarnt þar sem fresta varð ferðinni í
tvígang vegna veðurs. Hápunktur göngunnar
var án efa þegar Suðurtindur var klifinn í algjörri
rjómablíðu, en hann er brattastur tindanna
fjögurra og sá mikilfenglegasti. Komust allir
klakklaust upp og niður af tindinum, en útsýni
verður ekki með orðum lýst.
Fyrr í vor lagði FÍFL að velli tindana Ými
og Ýmu í Tindfjallajökli. Reyndar þurfti tvær
tilraunir því veður var slæmt í fyrra skiptið og
þurfti því að snúa við í miðjum hlíðum. I síðara
skiptið var veður eins og best verður á kosið og
leiðangursmenn að vonum kátir.
Síðar í sumar fer FÍFL á Herðubreið (1682 m)
og Snæfell (1833 m). Nánari upplýsingar um
FÍFL eru á www.facebook.com
Tómas Guðbjartsson
tomasgudbjartsson@hotmait.com
Á leið upp Suðurtind. Frá vinstri Tómas Guðbjartsson, Engilbert Sigurðsson, Valgerður
Rúnarsdóttir og Eggert Helgason. Eins og sjá má á klæðnaði Valgerðar var veður með
eindæmum gott og aðstæður ákjósanlegar fyrir brölt sem þetta. Mynd: Þorvaldur Þórsson.
538 LÆKNAblaðið 2009/95