Læknablaðið - 15.06.2011, Page 47

UMFJOLLUN O G GREINAR
Læknar í Skotlandi á liðinni öld
Ársæll Jónsson öldrunarlæknir
arsaell@simnet.is
FÍLB (Félag íslenskra lækna í Bretlandi)
var stofnað í London í kringum 1970.
Meðlimir voru Helgi Valdimarsson,
Guðrún Agnarsdóttir, Matthías Kjeld,
Þórður Harðarsson, Gunnar Sigurðsson,
Valgarður Egilsson og Katrín Fjeldsted.
Félagar urðu yfir níu talsins og var því
sótt um og fengin staða svæðafélags
innan Læknafélags íslands.
Á myndinni (tekin á bókasafni
Brigde of Earn, Perth, 1972) eru
Eyjólfur Þ. Haraldsson, Edinburgh Royal
Infirmary, Gísli Auðunsson, héraðslæknir,
Húsavík, Bjarni Þjóðleifsson, Maryfield
Hospital, Dundee, Guðrún Agnarsdóttir,
Hammersmith Hospital, London og
Ársæll Jónsson, Perthshire General
Hospitals.
Eyjólfur, Bjami og Ársæll stunduðu
framhaldsnám í Skotlandi og héldu úti
Skotlandsdeild félagsins. Guðrún kom
sem fulltrúi aðalstjórnarinnar í London
en Gísli var gestkomandi.
Félagið gerði sig gildandi á
aðalfundum LÍ og skrifaði greinar
í blöð. Áherslurnar voru m.a. að
efla menntun, draga úr starfsemi
sérfræðilækna og vera á móti nýrri
geðdeildarbyggingu á Landspítalalóð.
Skemmtilegt er að minnast fundar
með Magnúsi Kjartanssyni ráðherra,
sem hélt okkur veislu og trúði okkur
fyrir því síðla kvölds að komin væri
til liðs ný stétt, sem umbylta myndi
heilbrigðismálum á íslandi. Hann átti
þar við stétt félagsráðgjafa, sem voru að
stíga sín fyrstu spor í starfsframa.
Leiðrétting
í síðasta tölublaði var fjallað um kjaramálaþing
sem haldið var í aprílbyrjun í Hlíðasmára. Árétta
skal að Læknafélag íslands stóð fyrir þinginu.
LÆKNAblaðiö 2011/97 387