Fréttatíminn - 19.12.2014, Síða 28

Lín Design Laugavegi 176 Glerártorgi lindesign.is
MEISTARAPÚÐINN
Stærð 50x65
Verð 8.670 kr
Bjuggu í bílskúrnum í tvö ár með fimm börn
Við Bakkaflöt í Garðabæ stendur einstaklega fallegt hús eftir arkitektinn Högnu Sigurðardóttur. Árið 2000 var húsið valið eitt af áhugaverðustu húsum tuttugustu
aldarinnar og í dag er það friðað að innan og utan. Þegar Högna var eitt sinn spurð út í hönnun þess sagði hún það vera gagnkvæmum skilningi hennar sjálfrar og eig-
enda hússins að þakka hversu vel tókst til. Það var frændi Högnu, Hafsteinn Ingvarsson tannlæknir og eiginkona hans, Ragnheiður Jónsdóttir myndlistarkona, sem létu
teikna húsið fyrir sig og syni sína fimm og Högna sagðist frá upphafi ætla að búa til hreiður fyrir Ragnheiði, Hafstein og drengina. Í dag býr Ragnheiður ein í húsinu.
V ið Hafsteinn kynntumst í þriðja bekk í Versló og ári seinna fórum við að stinga
saman nefjum. Við giftum við okkur
tveimur dögum eftir stúdentsprófið.
Við vissum alveg hvað við vildum,“
segir Ragnheiður þar sem við setj­
umst niður við stórt og myndarlegt
borðstofuborð, hlaðið veitingum.
Ragnheiður og Hafsteinn eyddu 63
árum ævinnar saman, en hann féll
frá í janúar síðastliðnum.
„Fjórum mánuðum eftir brúðkaup­
ið áttum við fyrsta son okkar, hann
Jón Óskar, og byrjuðum búskapinn
í kjallaranum hjá foreldrum mínum
við Langholtsveg. Móðir mín passaði
drenginn á meðan Hafsteinn fór í Há­
skólann í tannlækningar og ég vann
fyrir heimilinu hjá skrifstofu Hreyf­
ils við Hlemm og fór í Myndlistar­
skólann á kvöldin. Við vorum búin að
ákveða þetta allt saman og höfðum
gert með okkur samkomulag um að
fyrst færi hann í nám og ég ynni, en
svo færi ég í nám og hann ynni.“
Minni óþarfi og minna rými
Litla fjölskyldan fór að svipast um eft­
ir eigin heimili og festi kaup á fríst­
andandi bílskúr sem stóð nálægt húsi
foreldranna. „Þarna bjuggum við í
fjörutíu fermetrum og það var algjört
himnaríki. Þarna var lítil lóð sem við
gerðum svo fallega að nágrannarnir
hrósuðu okkur fyrir hana. Þetta var
til að mynda í fyrsta og eina skiptið
sem ég hef ræktað rósir. Svo var lít­
ill kofi á lóðinni þar sem við gátum
geymt skíði og þess háttar dót,“ segir
Ragnheiður og flettir í gegnum ljós­
myndir. Ein er af litlum fallegum
hvítmáluðum skúr. Utan við skúrinn
á steinlögðum göngustíg við hvítt
hlið stendur ung kona með lítinn vel
klæddan dreng. „Svona var maður
alltaf vel til hafður, allt heimasaumað.
Það var miklu minna mál í þá daga
 Heimsókn til RagnHeiðaR JónsdóttuR myndlistaRkonu
FeRill
Ragnheiður varð stúdent
frá Verslunarskól-
anum 1954 og stundaði
síðar myndlistarnám við
Myndlistarskóla Reykja-
víkur, Glyptotekuna
í Kaupmannahöfn,
Handíðaskólann og í
grafíkgalleríinu Atelier
17 í París.
Hún hefur haldið tugi
einka- og samsýninga
víðsvegar um heiminn,
auk þess að hafa sótt
gestavinnustofur í Róm,
París, Sveaborg og Visby.
Hún hefur hlotið fjölda
verðlauna og viðurkenn-
inga, fékk gullið fyrir
grafík í Egyptalandi árið
1999 og verið tilnefnd
til sænsku Carnegie
verðlaunanna. Hún hlaut
menningarverðlaun DV
fyrir bestu sýninguna árið
1995 og 2013, og var
sæmd finnsku riddara-
orðunni sama ár.
Síðustu einkasýningu
sína hélt hún í Listasafni
ASÍ árið 2012 þar sem
hún sýndi kolateikningar
og sama ár var Listasafn
Reykjavíkur með yfirlits-
sýningu á verkum hennar
á Kjarvalsstöðum.
Högna Sigurðardóttir arkitekt teiknaði húsið að Bakkaflöt 1 árið 1963 en
Ragnheiður og Hafsteinn fluttu inn árið 1968. Húsið hefur verið tilnefnt sem eitt
merkasta framlag til íslenskrar nútímabyggingarlistar og það álit var staðfest
árið 2000, þegar húsið var valið eitt af 100 merkustu byggingum 20. aldar í
norður- og miðhluta Evrópu, í tengslum við útgáfu alþjóðlegs yfirlitsrits um
byggingarlist 20. aldar. Húsið var friðað af Minjastofnun árið 2011.
„Það kom aldrei annað til greina en að fá Högnu til að hanna húsið. Ekki vegna
þess að hún væri frænka Hafsteins, heldur af því að við vissum að hún væri
alveg meiriháttar. Hún fékk verðlaun þegar hún útskrifaðist í París og fékk at-
vinnuleyfi þar um leið, starfaði þar alla tíð og því miður eru ekki mörg hús eftir
hana hérlendis. Þegar hún byrjaði að teikna húsið okkar sagðist hún ætla að
byggja hreiður fyrir okkur og drengina,“ segir Ragnheiður.
að búa í minna rými því maður átti
engan óþarfa.“
Happdrættisvinningurinn í
Danmörku
Ragnheiður og Hafsteinn seldu þetta
fyrsta heimili sitt til að komast út í
meira nám. „Við sigldum til Dan­
merkur með Gullfossi, ótrúlega svöl
því við vorum ekki enn komin með
húsnæði áður en við lögðum af stað.
Við ætluðum bara að byrja á pensio­
nati, með Jón Óskar sex ára og Þor­
var sex mánaða,“ segir Ragnheiður
og hlær að vitleysunni í ungu hjónun­
um. „Svo, kvöldið áður en við lögðum
í hann, var okkur boðið hús í rosalega
fínu hverfi í Sölleröd. Við fengum
áfall þegar við mættum á staðinn því
þetta var magnað,“ segir Ragnheiður
og sýnir mér myndir af húsinu sem
fjölskyldan kom sér fyrir í. Við blasir
lítill herragarður með stórum garði
fullum af allskonar ávaxtatrjám sem
Ragnheiður segir hafa verið dásemd
að búa við. „Þetta var bara eins og að
vinna í happdrætti.“
Fæðing þriðja sonarins um
borð í Gullfossi
„Okkur leið mjög vel í Danmörku en
Hafsteini bauðst vinna á Íslandi og
Framhald á næstu opnu
28 viðtal Helgin 19.-21. desember 2014