Frjáls verslun - 01.01.2013, Síða 34

34 FRJÁLS VERSLUN 1. 2013
Varla líður sú vika að fjölmiðlar greini ekki frá alvarlegum ofbeldisverk­um og öðrum glæpum
gegn fólki og eignum. Ljóst er
að slík afbrot valda þolendum
iðulega sálrænu áfalli sem seint
verður fullbætt. Samkvæmt gögn­
um Hagstofunnar voru skráðar
líkamsmeiðingar á árunum
2007­2010 yfir 1.200 á ári að
jafn aði og eignaspjöll yfir 3.000
á ári. Þessi tiltekna brotatíðni er
því vel yfir 1% á hvert mannsbarn
í landinu og í námunda við 4%
á hvert heimili að jafnaði. Brot
þessi eru auðvitað af ýmsu tagi
en sum mjög alvarleg. Því er ljóst
að þjóðhagslegt tjón af þessum
afbrotum er mjög mikið. Sé reynt
að kasta á það fjárhagslegu
mati má fullyrða að það nemi
milljörðum á ári hverju ef ekki
millj arðatugum.“
Ragnar segir mikilvægt að
átta sig á því að ofangreindir
glæpir valda ekki aðeins beinum
þol endum þeirra tjóni. Hann
segir að tilvera þeirra og há tíðni
dragi einnig úr öryggi annarra,
valdi þeim sífelldum áhyggjum
og ótta jafnvel að því marki að
fólk veigrar sé við að fara þeirra
ferða sem það myndi kjósa ella.
„Þá skerða þessir glæpir virði
fasteigna almennt og sérstaklega
í vissum bæjarhverfum. Þessi
óbeini þáttur málsins kann jafnvel
að vera þjóðhagslega enn kostn­
aðarsamari en sá fyrri. Hér er því
augljóslega um mjög alvarlegt
efnahagsvandamál að ræða.
Því er afar mikilvægt að þau
stjórnvöld sem falið er að tryggja
lög og rétt í landinu taki þennan
vanda föstum tökum og leggi allt
kapp á að draga úr glæpum með
það fyrir augum að auka velferð í
landinu.“
glæpir eru
efnahagsvandamál
Skráðar líkamsmeiðingar á árunum
2007 til 2010 voru yfir 1.200 á ári að
jafnaði og eignaspjöll yfir 3.000 á ári.
RaGnaR ÁRnaSon
– prófessor í hagfræði við Háskóla Íslands
EFNAHAGSMÁL
skoðun
fjarverusamtal liður
í mannauðsstefnu
inGRid kuHlman
– framkvæmda stjóri Þekkingarmiðlunar
HOLLRÁÐ Í
STJÓRNUN
Ingrid Kuhlman segir að fjarvistarstefna sé í raun og veru liður í mannauðs­stefnu margra fyrirtækja. Fjarverusam­tal er samtal stjórnanda og starfsmanns
um vinnuumhverfi og líðan í starfi og er
formlegur vettvangur til að ræða t.d. skamm­
tíma­ eða langtímafjarvistir starfsmanns.
Ingrid segir að reynslan sýni að hægt sé
að draga úr fjarvistum með því að móta
fjarvistarstefnu og halda fjarverusamtöl.
„Í fjarverusamtali er farið yfir stöðu
skammtímafjarvistar – rætt er um hvað
viðkomandi er búinn að vera lengi frá vinnu
og hvort mynstur einkenni fjarvistir hans.
Fjarverusamtalið nýtist einnig við endur­
komu eftir langtímaveikindi. Markmiðið er
að hjálpa starfsmanninum og finna út úr því
hvort það sé eitthvað sem vinnustaðurinn
getur gert til að auðvelda endurkomu hans.“
Ingrid segir að fjarverusamtal sé nýtt fyrir
stjórnendur og þeir þurfi að undirbúa sig
vel. Þeir þurfa að kynna sér vel mál við­
komandi starfsmanns, safna gögnum um
stöðuna og þekkja fjarvistarmynstur hans.
„Stjórnendur þurfa að þekkja stefnu
fyrirtækisins í fjarvistarmálum og þá þjón­
ustu sem vinnustaðurinn býður upp á svo
sem hvort greitt er fyrir sálfræðiaðstoð,
áfengismeðferð eða önnur úrræði. Það er
líka mikilvægt fyrir stjórnendur að hugleiða
hvað þarf til að tryggja gott vinnu umhverfi
og vellíðan í starfi og þeir þurfa að vera
opnir fyrir nýjum hugmyndum eða
lausnum.
„Stjórnendur þurfa að
þekkja stefnu fyrirtækis­
ins í fjarvistarmálum og þá
þjónustu sem vinnustað­
ur inn býður upp á svo sem
hvort greitt er fyrir sálfræði­
aðstoð, áfengismeðferð eða
önnur úrræði.“